18.08C Vancouver 18.08C VancouverOct 9, 2020 9:10 PM -
ਅੱਜ ਬੀ.ਸੀ. ਐਨ.ਡੀ.ਪੀ. ਲੀਡਰ ਜੌਨ ਹੌਰਗਨ ਨੇ ਨੌਰਥ ਵੈਨਕੂਵਰ ਦੇ ਸੀਸਪੈਨ ਸ਼ਿਪਯਾਰਡਸ ਦਾ ਦੌਰਾਨ ਕਰਨ ਤੋਂ ਬਾਅਦ ਐਲਾਨ ਕੀਤਾ ਹੈ ਕਿ ਜੇਕਰ ਉਨ੍ਹਾਂ ਦੀ ਪਾਰਟੀ ਦੀ ਸਰਕਾਰ ਬਣਦੀ ਹੈ, ਤਾਂ ਉਹ ਸੂਬੇ ਵਿਚ ਪਾਣੀ ਦੇ ਜਾਹਾਜ਼ਾਂ ਦੇ ਨਿਰਮਾਣ ਲਈ ਇੱਕ ਨਵੀਂ ਮੇਡ-ਇਨ-ਬੀ.ਸੀ. ਸ਼ਿੱਪਬਿਲਡਿੰਗ ਸਟ੍ਰੈਟੇਜੀ ਲਾਗੂ ਕਰਨਗੇ।
ਹੌਰਗਨ ਨੇ ਕਿਹਾ ਕਿ ਕਈ ਸਾਲਾਂ ਤੋਂ ਕੈਨੇਡਾ ਵੱਲੋਂ ਪਾਣੀ ਦੇ ਜਾਹਾਜ਼ ਬਣਾਉਣ ਦਾ ਠੇਕਾ ਹੋਰ ਮੁਲਕਾਂ ਨੂੰ ਦਿੱਤਾ ਜਾਂਦਾ ਰਿਹਾ ਹੈ ਅਤੇ ਉਹ ਇਸ ਪ੍ਰਿਤ ਨੂੰ ਖ਼ਤਮ ਕਰਨਾ ਚਾਹੁੰਦੇ ਹਨ।
ਉਨ੍ਹਾਂ ਕਿਹਾ ਕਿ ਜੇਕਰ ਕੈਨੇਡਾ ਦਾ ਅਗਲੇ ਪੋਲਰ ਆਈਸਬ੍ਰੇਕਰ ਜਾਹਾਜ਼ ਦੇ ਨਿਰਮਾਣ ਦਾ ਠੇਕਾ ਕਿਸੇ ਬ੍ਰਿਟਿਸ ਕੋਲੰਬੀਆ ਦੀ ਕੰਪਨੀ ਨੂੰ ਮਿਲਦਾ ਹੈ ਤਾਂ ਇਸ ਨਾਲ ਸੂਬੇ ਵਿਚ 1400 ਦੇ ਕਰੀਬ ਨੌਕਰੀਆਂ ਪੈਦਾ ਹੋਣਗੀਆਂ।
