17.52C Vancouver 17.52C VancouverDec 28, 2023 5:34 PM - The Canadian Press
ਐੱਨ.ਡੀ.ਪੀ.ਆਗੂ ਜਗਮੀਤ ਸਿੰਘ ਨੇ ਅਗਲੀਆਂ ਫੈਡਰਲ ਇਲੈਕਸ਼ਨਸ ਤੋਂ ਬਾਅਦ ਲਿਬਰਲਸ ਨਾਲ ਗੱਠਜੋੜ ਦੀ ਸਰਕਾਰ ਬਣਾਉਣ ਦੀ ਸੰਭਾਵਨਾ ਤੋਂ ਇਨਕਾਰ ਕੀਤਾ ਹੈ।
ਉਨ੍ਹਾਂ ਨੇ ‘ਦਿ ਕੈਨੇਡੀਅਨ ਪ੍ਰੈਸ’ ਨਾਲ ਇੰਟਰਵਿਊ ਵਿਚ ਇਹ ਗੱਲ ਆਖੀ। ਜਗਮੀਤ ਸਿੰਘ ਨੇ ਕਿਹਾ ਕਿ ਭਾਵੇਂ ਕਿ ਦੋਵੇਂ ਪਾਰਟੀਆਂ ਮਿਲ ਕੇ ਕੰਮ ਕਰ ਰਹੀਆਂ ਹਨ ਪਰ ਇਹ ਗੱਲ ਨਿਊ ਡੈਮੋਕਰੇਟਸ ਦੇ ਵਿਚਾਰ ਅਧੀਨ ਹੈ।
ਐੱਨ.ਡੀ.ਪੀ. ਨੇ ਮਾਰਚ 2022 ਵਿਚ ਕੁਝ ਸ਼ਰਤਾਂ ਨਾਲ ਘੱਟ ਗਿਣਤੀ ਲਿਬਰਲਸ ਨੂੰ ਸਰਕਾਰ ਚਲਾਉਣ ਲਈ ਸਪੋਰਟ ਦੇਣ ਦਾ ਸਮਝੌਤਾ ਕੀਤਾ ਸੀ। ਇਨ੍ਹਾਂ ਸ਼ਰਤਾਂ ਵਿਚ ਨੈਸ਼ਨਲ ਡੈਂਟਲ ਕੇਅਰ ਪ੍ਰੋਗਰਾਮ, ਘੱਟ ਤਨਖ਼ਾਹ ਕਿਰਾਏਦਾਰਾਂ ਲਈ ਇਕ ਵਾਰ ਦਾ ਕਿਰਾਇਆ, ਜੀ. ਐੱਸ. ਟੀ. ਰਿਬੇਟ ਨੂੰ ਦੁੱਗਣਾ ਕਰਨਾ ਅਤੇ ਕਰਮਚਾਰੀਆ ਦੀ ਬਦਲੀ ਨੂੰ ਬੈਨ ਕਰਨ ਦਾ ਕਾਨੂੰਨ ਲਿਆਉਣਾ ਸ਼ਾਮਲ ਸੀ।
ਦੋਹਾਂ ਧਿਰਾਂ ਨੇ ਆਪਣੇ ਸਮਝੌਤੇ ਨੂੰ 2025 ਵਿਚ ਇਲੈਕਸ਼ਨ ਹੋਣ ਤੱਕ ਕਾਇਮ ਰੱਖਣ ਲਈ ਸਹਿਮਤੀ ਦਿੱਤੀ ਸੀ। ਜਗਮੀਤ ਸਿੰਘ ਨੇ ਕਿਹਾ ਕਿ ਨਿਊ ਡੈਮੋਕਰੇਟਸ ਦਾ ਫੋਕਸ ਪਾਰਲੀਮੈਂਟ ਦੇ ਹਾਲੀਆ ਸੈਸ਼ਨ ਤੋਂ ਬਾਅਦ ਹੁਣ ਅਗਲੀਆਂ ਇਲੈਕਸ਼ਨ ਜਿੱਤਣ ’ਤੇ ਹੈ।
