11.95C Vancouver 11.95C VancouverApr 1, 2020 5:35 PM -
ਕੋਵਿਡ-19 ਕਾਰਣ ਅਫਰੀਕਾ ਅਤੇ ਯੂਰਪ ਵਿੱਚ ਫਸੇ ਕਨੇਡੀਅਨਾਂ ਨੂੰ ਲਿਆਉਣ ਲਈ ਸਰਕਾਰ ਵੱਲੋਂ ਭੇਜੇ ਗਏ 6 ਜਹਾਜ਼ਾਂ ਦੇ ਅੱਜ ਵਾਪਸ ਆ ਜਾਣ ਦੀ ਉਮੀਦ ਹੈ।
ਗਲੋਬਲ ਅਫੇਅਰਜ਼ ਕੈਨੇਡਾ ਮੁਤਾਬਕ ਇਹ ਜਹਾਜ਼ ਅਲਜੀਰੀਆ, ਇਕਵਾਡੋਰ, ਸੈਨੇਗਲ, ਡੈਮੋਕ੍ਰੇਟਿਕ ਰਿਪਬਲਿਕ ਆਫ ਕਾਂਗੋ, ਹੰਗਰੀ ਅਤੇ ਸਪੇਨ ਤੋਂ ਆ ਰਹੇ ਹਨ।
ਵਿਭਾਗ ਮੁਤਾਬਕ ਸਰਕਾਰ ਵੱਲੋਂ ਇਥੋਪੀਆ, ਬਰਕੀਨਾ ਫਾਸੋ, ਕੋਰਟ ਦ’ ਲਵਾਉਰ, ਪੇਰੂ, ਅਲਜੀਰੀਆ, ਪੋਲੈਂਡ ਅਤੇ ਪਾਕਿਸਤਾਨ ਵੀ ਆਉਣ ਵਾਲੇ ਦਿਨਾਂ ਵਿੱਚ ਫਲਾਈਟਾਂ ਭੇਜਣ ਦੀ ਯੋਜਨਾ ਹੈ।
ਭਾਰਤ ਵਿੱਚ ਫਸੇ ਕਨੇਡੀਅਨਾਂ ਨੂੰ ਲੈ ਕੇ ਆਉਣ ਲਈ ਉਡਾਣਾਂ 4 ਅਪ੍ਰੈਲ ਤੋਂ 7 ਅਪ੍ਰੈਲ ਵਿਚਕਾਰ ਭੇਜੀਆਂ ਜਾਣੀਆਂ ਹਨ।
ਸਰਕਾਰ ਦਾ ਕਹਿਣਾ ਹੈ ਕਿ ਬਾਹਰਲੇ ਮੁਲਕਾਂ ਵਿੱਚ ਫਸੇ ਸਾਰੇ ਕਨੇਡੀਅਨਾਂ ਨੂੰ ਵਾਪਸ ਲੈ ਕੇ ਆਉਣਾ ਸੰਭਵ ਨਹੀਂ ਹੈ ਅਤੇ ਜੋ ਵਾਪਸ ਆ ਰਹੇ ਹਨ ਉਨ੍ਹਾਂ ਨੂੰ ਲਾਜ਼ਮੀ ਤੌਰ ਤੇ ਇਕੱਲਤਾ ਵਿਚ ਰਹਿਣਾ ਪਵੇਗਾ।
ਸਰਕਾਰ ਮੁਤਾਬਕ ਬਾਹਰਲੇ ਮੁਲਕਾਂ ਦੇ ਕਨੇਡੀਅਨਾਂ ਲਈ ਐਮਰਜੈਂਸੀ ਪ੍ਰੋਗਰਾਮ ਅਧੀਨ $1.4 ਮਿਲੀਅਨ ਦੇ 449 ਲੋਨ ਮਨਜ਼ੂਰ ਕੀਤੇ ਗਏ ਹਨ ਅਤੇ 900 ਲੋਨ ਦੀਆਂ ਅਰਜ਼ੀਆਂ ਪ੍ਰੋਸੈੱਸ ਕੀਤੀਆਂ ਜਾ ਰਹੀਆਂ ਹਨ।
