13.75C Vancouver 13.75C VancouverJan 7, 2020 4:37 PM -
ਬ੍ਰਿਟਿਸ਼ ਕੋਲੰਬੀਆ ਦੀ ਗ੍ਰੀਨ ਪਾਰਟੀ ਵੱਲੋਂ ਪਾਰਟੀ ਦੇ ਨਵੇਂ ਲੀਡਰ ਦੀ ਚੋਣ ਦੇ ਸੰਬੰਧ ਵਿੱਚ ਜਾਣਕਾਰੀ ਸਾਂਝੀ ਕੀਤੀ ਗਈ ਹੈ।
ਪਾਰਟੀ ਮੁਤਾਬਿਕ, ਇਹ ਚੋਣ 15 ਤੋਂ 26 ਜੂਨ ਵਿਚਕਾਰ, ਪ੍ਰਮੁੱਖ ਤੌਰ ਤੇ ਆਨਲਾਈਨ ਕੀਤੀ ਜਾਵੇਗੀ।
ਜੇਕਰ ਅਹੁਦੇ ਲਈ ਦੋ ਉਮੀਦਵਾਰ ਹੋਏ ਤਾਂ ਫਰਸਟ ਪਾਸਟ ਦ ਪੋਸਟ (First Past the Post) ਪ੍ਰਣਾਲੀ ਅਪਣਾਈ ਜਾਵੇਗੀ, ਤੇ ਜੇਕਰ ਉਮੀਦਵਾਰ ਦੋ ਤੋਂ ਵੱਧ ਹੋਏ ਤਾਂ ਰੈੰਕਿੰਗ (Ranking) ਪ੍ਰਣਾਲੀ ਦਾ ਪ੍ਰਯੋਗ ਕੀਤਾ ਜਾਵੇਗਾ।
ਪਿਛਲੇ ਮਹੀਨੇ ਐਂਡਰੂ ਵੀਵਰ ਦੇ ਪਾਰਟੀ ਲੀਡਰ ਦੇ ਅਹੁਦੇ ਤੋਂ ਅਸਤੀਫ਼ੇ ਤੋਂ ਬਾਅਦ, ਪਾਰਟੀ ਵੱਲੋਂ ਐਡਮ ਓਲਸਨ (Adam Olsen) ਨੂੰ ਅੰਤਰਿਮ ਲੀਡਰ ਵਜੋਂ ਨਿਯੁਕਤ ਕੀਤਾ ਗਿਆ ਸੀ।
ਇਸ ਚੋਣ ਵਿੱਚ 16 ਸਾਲ ਤੋਂ ਵੱਧ ਉਮਰ ਵਾਲੇ ਵੋਟਰ ਵੋਟ ਪਾ ਸਕਣਗੇ, ਭਾਂਵੇ ਉਹ ਪਾਰਟੀ ਦੇ ਮੇਮ੍ਬਰ ਨਾ ਵੀ ਹੋਣ।
30 ਅਪ੍ਰੈਲ ਤੋਂ ਬਾਅਦ ਸੂਬੇ ਦੇ ਤਿੰਨ ਇਲਾਕਿਆਂ ਵਿੱਚ ਲੀਡਰਸ਼ਿਪ ਡਿਬੇਟਜ਼ (leadership debates) ਦਾ ਆਯੋਜਨ ਕੀਤਾ ਜਾਵੇਗਾ।
ਇਸ ਅਹੁਦੇ ਲਈ ਦੌੜ ਵਿੱਚ ਉਮੀਦਵਾਰ ਆਪਣਾ ਨਾਂ 15 ਅਪ੍ਰੈਲ ਤੱਕ ਦਰਜ ਕਰਵਾ ਸਕਦੇ ਹਨ।
ਚੋਣ ਲੜਨ ਲਈ $16000 ਦੀ ਲਾਜ਼ਮੀ ਫ਼ੀਸ ਤੋਂ ਅਲਾਵਾ, ਉਮੀਦਵਾਰ ਆਪਣੇ ਪ੍ਰਚਾਰ ਤੇ $300,000 ਤੱਕ ਹੀ ਖਰਚ ਕਰ ਸਕਦੇ ਹਨ।
