26.04C Vancouver 26.04C VancouverAug 13, 2025 5:49 PM - Connect Newsroom
ਬੀ. ਸੀ. ਵਿਚ ਇੱਕ ਨਵੇਂ ਤਰ੍ਹਾਂ ਦਾ ਸਕੈਮ ਸਾਹਮਣੇ ਆਇਆ ਹੈ, ਜਿਸ ਵਿਚ ਕਰਮਚਾਰੀਆਂ ਨੂੰ ਟਾਰਗੇਟ ਕੀਤਾ ਜਾ ਰਿਹਾ ਹੈ। ਫੋਰਟ ਸੇਂਟ ਜੌਨ ਆਰਸੀਐਮਪੀ ਵਲੋਂ ਖੇਤਰ ਦੇ ਕਰਮਚਾਰੀਆਂ ਨੂੰ ਇਸ ਬਾਰੇ ਚਿਤਾਵਨੀ ਦਿੱਤੀ ਗਈ ਹੈ।
ਪੁਲਿਸ ਨੇ ਕਿਹਾ ਕਿ 31 ਜੁਲਾਈ ਨੂੰ ਇੱਕ ਸਟੋਰ ਦੇ ਕਰਮਚਾਰੀ ਨੂੰ ਇੱਕ ਘਪਲੇਬਾਜ਼ ਨੇ ਖੁਦ ਨੂੰ ਬੌਸ ਦੱਸਦੇ ਹੋਏ ਉਸ ਨੂੰ ਨਿਸ਼ਾਨਾ ਬਣਾਇਆ, ਘਪਲੇਬਾਜ਼ ਨੇ ਉਸ ਨੂੰ ਸਟੋਰ ਨਾਲ ਸਬੰਧਤ ਕਿਸੇ ਪੈਕੇਜ ਦੀ ਡਿਲੀਵਿਰੀ ਲੈਣ ਸਬੰਧੀ ਬਿਟਕੋਇਨ ਏਟੀਐਮ ਵਿਚ $900 ਡਿਪਾਜ਼ਿਟ ਕਰਨ ਲਈ ਕਿਹਾ, ਜਦੋਂ ਤੱਕ ਕਰਮਚਾਰੀ ਨੂੰ ਸ਼ੱਕ ਹੋਇਆ ਉਦੋਂ ਤੱਕ ਪੈਸੇ ਬਿਟਕੋਇਨ ਵਿਚ ਬਦਲੇ ਜਾ ਚੁੱਕੇ ਸਨ ਅਤੇ ਘਪਲੇਬਾਜ਼ ਦੇ ਕ੍ਰਿਪਟੋ ਵਾਲਿਟ ਵਿਚ ਜਮ੍ਹਾ ਹੋ ਗਏ ਸਨ।
ਪੁਲਿਸ ਨੇ ਕਿਹਾ ਕਿ ਘਪਲੇਬਾਜ਼ ਅਕਸਰ ਜਲਦਬਾਜ਼ੀ ਵਾਲਾ ਮਾਹੌਲ ਬਣਾਉਂਦੇ ਹਨ ਅਤੇ ਸਾਹਮਣੇ ਵਾਲੀ ਦੀ ਕ੍ਰਿਪਟੋਕਰੰਸੀ ਬਾਰੇ ਜਾਗਰੂਕਤਾ ਦੀ ਘਾਟ ਦਾ ਫਾਇਦਾ ਉਠਾ ਲੈਂਦੇ ਹਨ। ਪੁਲਿਸ ਨੇ ਕਿਹਾ ਕਿ ਇਸ ਤਰ੍ਹਾਂ ਦੀ ਸਥਿਤੀ ਵਿਚ ਤੁਹਾਨੂੰ ਪਹਿਲਾਂ ਆਪਣੇ ਸੁਪਰਵਾਈਜ਼ਰ ਜਾਂ ਮੈਨੇਜਰ ਨਾਲ ਸੰਪਰਕ ਕਰਨਾ ਚਾਹੀਦਾ ਹੈ।
