9.98C Vancouver 9.98C VancouverJun 29, 2020 9:32 PM -
ਬੀ.ਸੀ. ਵੱਲੋਂ 'ਸਿਟੀ ਆਫ ਸਰੀ' ਦੇ ਪਹਿਲੇ ਪੁਲਿਸ ਬੋਰਡ ਮੈਂਬਰਾਂ ਦੀ ਨਿਯੁਕਤੀ ਸੰਬੰਧੀ ਜਾਣਕਾਰੀ ਜਾਰੀ ਕੀਤੀ ਗਈ ਹੈ। ਇਹ ਸਰੀ ਦੀ ਆਰ.ਸੀ.ਐਮ.ਪੀ. ਤੋਂ ਮਯੂਨਿਸਪਲ ਪੁਲਿਸ ਫੋਰਸ ਲਈ ਟ੍ਰਾਂਜ਼ਿਸ਼ਨ ਦਾ ਹਿੱਸਾ ਹੈ। ਲੈਫਟੀਨੈਂਟ ਗਵਰਨਰ ਨੇ ਕਾਉਂਸਿਲ ਦੇ 7 ਮੈਂਬਰਾਂ ਦੀ ਨਿਯੁਕਤੀ ਕੀਤੀ ਹੈ।
ਸਿਟੀ ਆਫ ਸਰੀ ਦੇ ਮਯੂਨਿਸਪਲ ਪੁਲਿਸ ਬੋਰਡ ਦੇ ਪੁਲਿਸ ਐਕਟ ਦੇ ਸੈਕਸ਼ਨ 23(1)(c) ਤਹਿਤ ਇਹ ਨਿਯੁਕਤੀ ਹੋਈ ਦੱਸੀ ਗਈ ਹੈ। ਸਰੀ ਦੇ ਮੇਯਰ ਸਮੇਤ ਇਸ ਦੇ ਕੁੱਲ 9 ਮੈਂਬਰ ਹੋਣਗੇ।
ਇਸ ਦੇ ਮੈਂਬਰਾਂ ਵਿੱਚ:
ਚੀਫ਼ ਹਾਰਲੇ ਚੈਪਲ, ਸੈਮੀਆਮੂ ਫਰਸਟ ਨੇਸ਼ਨ ਚੀਫ਼
ਚੈਨੀ ਕਲੋਕ, ਡਾਇਰੈਕਟਰ, ਫਰੇਜ਼ਰ ਹੈਲਥ ਅਥਾਰਿਟੀ
ਐਲਿਜ਼ਾਬੈਥ ਮਾਡਲ, ਸੀ.ਈ.ਓ. ਡਾਊਨਟਾਊਨ ਸਰੀ ਬਿਜ਼ਨਸ ਇੰਪਰੂਵਮੈਂਟ ਐਸੋਸੀਏਸ਼ਨ
ਜੇਮਜ਼ ਕਰਵਾਨਾ, ਮੀਡੀਏਟਰ ਅਤੇ ਅਰਬਿਟ੍ਰੇਟਰ
ਜਸਪ੍ਰੀਤ ਸੁੰਨਰ, ਵਕੀਲ ਅਤੇ ਲੇਬਰ ਰਿਲੇਸ਼ਨਜ਼ ਨੁਮਾਇੰਦੇ, ਹਸਪਤਾਲ ਐਂਪਲਾਈਜ਼ ਯੂਨੀਅਨ
ਮਾਨਵ ਗਿੱਲ, ਮੈਨੇਜਰ, ਕਲੀਨੀਕਲ ਆਪ੍ਰੇਸ਼ਨਜ਼, ਫਰੇਜ਼ਰ ਹੈਲਥ ਅਥਾਰਿਟੀ
ਮੀਨਾ ਬ੍ਰਿਸਰਡ, ਰੀਜਨਲ ਡਾਇਰੈਕਟਰ, ਕਨੇਡੀਅਨ ਯੂਨੀਅਨ ਆਫ ਪਬਲਿਕ ਐਂਪਲਾਈਜ਼ ਸ਼ਾਮਿਲ ਹਨ।
ਜਾਣਕਾਰੀ ਦਿੱਤੀ ਗਈ ਕਿ ਨਿਯੁਕਤੀਆਂ ਪੂਰੀ ਜਾਂਚ ਪੜਤਾਲ ਅਤੇ ਸਕਰੀਨਿੰਗ ਦੀ ਪ੍ਰਕਿਰਿਆ ਤੋਂ ਬਾਅਦ ਕੀਤੀਆਂ ਗਈਆਂ ਹਨ। ਸ਼ੁਰੂਆਤੀ ਨਿਯੁਕਤੀਆਂ 12 ਤੋਂ 18 ਮਹੀਨੇ ਦੇ ਸਮੇਂ ਲਈ ਹੋਣਗੀਆਂ। ਪੁਲਿਸ ਐਕਟ ਦੇ ਅਧੀਨ, ਬੋਰਡ ਵੱਲੋਂ ਸਰੀ ਪੁਲਿਸ ਡਿਪਾਰਟਮੈਂਟ ਦੇ ਕਾਰਜਾਂ ਅਤੇ ਸੇਵਾਵਾਂ ਦਾ ਧਿਆਨ ਰੱਖਿਆ ਜਾਵੇਗਾ।
ਬੋਰਡ ਦੇ ਚਾਰ ਮੁੱਖ ਗਵਰਨੈਂਸ ਫੰਕਸ਼ਨ ਦੱਸੇ ਗਏ ਹਨ।
ਇਸ ਦੇ ਵਿੱਚ:
ਪੁਲਿਸ ਅਤੇ ਸਿਵਿਲੀਅਨ ਕਾਮਿਆਂ ਦੀ ਨਿਯੁਕਤੀ
ਪੁਲਿਸ ਡਿਪਾਰਟਮੈਂਟ ਦੇ ਲਈ ਫਾਈਨੈਂਸ਼ੀਅਲ ਓਵਰਸਾਈਟ ਪ੍ਰਦਾਨ ਕਰਨਾ
ਡਿਪਾਰਟਮੈਂਟ ਦੇ ਲਈ ਨੀਤੀਆਂ ਅਤੇ ਨਿਰਦੇਸ਼ਾਂ ਨੂੰ ਜਾਰੀ ਕਰਨਾ, ਅਤੇ
ਡਿਪਾਰਟਮੈਂਟ ਦੇ ਖਿਲਾਫ਼ ਨੀਤੀਆਂ ਅਤੇ ਸੇਵਾਵਾਂ ਸੰਬੰਧੀ ਸ਼ਿਕਾਇਤਾਂ ਦੀ ਜਾਂਚ ਕਰਨਾ ਸ਼ਾਮਿਲ ਹਨ।
ਸਿਟੀ ਆਫ ਸਰੀ ਦੀ ਟ੍ਰਾਂਜ਼ਿਸ਼ਨ ਦੇ ਵਿੱਚ ਅਗਲਾ ਕਦਮ ਨਵੇਂ ਬੋਰਡ ਵੱਲੋਂ ਚੀਫ਼ ਕਾਂਸਟੇਬਲ ਦੀ ਨਿਯੁਕਤੀ ਹੋਵੇਗਾ।
