ਨਿਊ ਵੈਸਟਮਿੰਸਟਰ ਦੇ ਰਿਕਵਰੀ ਹੋਮ ਕਰਮਚਾਰੀ ਨੂੰ ਜਿਨਸੀ ਸ਼ੋਸ਼ਣ ਦੇ ਦੋਸ਼ ਵਿਚ ਤਿੰਨ ਸਾਲ ਦੀ ਕੈਦ

ਨਿਊ ਵੈਸਟਮਿੰਸਟਰ ਵਿਚ ਔਰਤਾਂ ਲਈ ਬਣੇ ਸਬਸਟੈਂਸ ਯੂਸ ਰਿਕਵਰੀ ਸੈਂਟਰ ਦੇ ਇੱਕ ਸਾਬਕਾ ਠੇਕੇਦਾਰ ਨੂੰ ਜਿਨਸੀ ਸ਼ੋਸ਼ਣ ਦੇ ਮਾਮਲੇ ਵਿਚ ਤਿੰਨ ਸਾਲ ਲਈ ਜੇਲ੍ਹ ਦੀ ਸਜ਼ਾ ਸੁਣਾਈ ਗਈ ਹੈ। ਐਡਮ ਹੈਬਰ ਨੂੰ 2023 ਵਿਚ ਜਿਨਸੀ ਸ਼ੋਸ਼ਣ ਦੇ ਤਿੰਨ ਦੋਸ਼ਾਂ ਨਾਲ ਚਾਰਜ ਕੀਤਾ ਗਿਆ ਸੀ। ਪੁਲਿਸ ਮੁਤਾਬਕ, ਇਹ ਘਟਨਾਵਾਂ 2012 ਅਤੇ 2013 ਵਿਚਕਾਰ ਹੋਈਆਂ ਸਨ।

ਹੈਬਰ ਇੱਕ ਫਿਟਨੈਸ ਟ੍ਰੇਨਰ ਅਤੇ ਲਾਸਟ ਡੋਰ ਰਿਕਵਰੀ ਸੁਸਾਇਟੀ ਨਾਲ ਸੁਤੰਤਰ ਠੇਕੇਦਾਰ ਸੀ, ਜੋ ਕਿ ਸ਼ਹਿਰ ਵਿਚ 35 ਸਾਲਾਂ ਤੋਂ ਚੱਲ ਰਿਹਾ ਇੱਕ ਡਰੱਗ ਅਤੇ ਅਲਕੋਹਲ ਟ੍ਰੀਟਮੈਂਟ ਸੈਂਟਰ ਹੈ। ਪੁਲਿਸ ਨੇ ਕਿਹਾ ਕਿ 11 ਔਰਤਾਂ ਬਿਆਨ ਦੇਣ ਲਈ ਅੱਗੇ ਆਈਆਂ, ਜਿਸ ਕਾਰਨ initial charges ਲਗਾਉਣ ਵਿਚ ਸਫਲਤਾ ਮਿਲੀ।

ਹਾਲਾਂਕਿ, ਜਾਂਚਕਰਤਾ ਦਾ ਮੰਨਣਾ ਹੈ ਕਿ ਹੋਰ ਵੀ ਕਈ ਪੀੜਤ ਹੋ ਸਕਦੇ ਹਨ ਜੋ ਕਦੇ ਅੱਗੇ ਨਹੀਂ ਆਏ। ਨਿਊ ਵੈਸਟਮਿੰਸਟਰ ਪੁਲਿਸ ਨੇ ਦੱਸਿਆ ਕਿ ਹੈਬਰ ਨੂੰ 20 ਸਾਲਾਂ ਲਈ ਕੈਨੇਡਾ ਦੀ ਸੈਕਸ ਓਫੈਡਰ ਰਜਿਸਟਰੀ ਵਿਚ ਵੀ ਸ਼ਾਮਲ ਕੀਤਾ ਗਿਆ ਹੈ ਅਤੇ ਉਸ ਨੂੰ ਅਦਾਲਤੀ ਹੁਕਮ ਮੁਤਾਬਕ, ਉਸ ਨੂੰ ਹਥਿਆਰ ਰੱਖਣ ਦੀ ਕੀਤੀ ਗਈ ਮਨਾਹੀ ਦੀ ਪਾਲਣਾ ਵੀ ਕਰਨੀ ਹੋਵੇਗੀ।