ਐਬਟਸਫੋਰਡ 'ਚ ਗੋਲੀਬਾਰੀ ਦੀ ਰਿਪੋਰਟ ਤੋਂ ਬਾਅਦ ਪੁਲਿਸ ਦੀ ਐਮਰਜੈਂਸੀ ਟੀਮ ਕੀਤੀ ਗਈ ਤਾਇਨਾਤ

ਐਬਟਸਫੋਰਡ ਦੇ ਕੈਨਨ ਐਵੇਨਿਊ ਦੇ 33500 ਬਲਾਕ ਵਿਚ ਪੁਲਿਸ ਇੱਕ ਘਰ ਵਿਚ ਸ਼ੱਕੀ ਸ਼ੂਟਿੰਗ ਦੀ ਜਾਂਚ ਕਰ ਰਹੀ ਹੈ। ਪੁਲਿਸ ਮੁਤਾਬਕ, ਉਨ੍ਹਾਂ ਨੂੰ ਘਟਨਾ ਦੀ ਰਿਪੋਰਟ ਰਾਤ ਲਗਭਗ 8:00 ਵਜੇ ਮਿਲੀ। ਔਫੀਸਰ ਨੇ ਇਸ ਦੇ ਸਬੰਧ ਵਿਚ ਘਰ ਤੋਂ 9 ਲੋਕਾਂ ਨੂੰ ਡਿਟੇਨ ਕੀਤਾ।

ਪੁਲਿਸ ਮੁਤਾਬਕ, ਜਦੋਂ ਅਧਿਕਾਰੀਆਂ ਨੇ ਘਰ ਨੂੰ ਖਾਲੀ ਕਰਵਾਉਣ ਦੀ ਕੋਸ਼ਿਸ਼ ਕੀਤੀ ਤਾਂ ਅੰਦਰ ਮੌਜੂਦ ਕੁਝ ਵਿਅਕਤੀਆਂ ਨੇ ਸਹਿਯੋਗ ਕਰਨ ਤੋਂ ਇਨਕਾਰ ਕਰ ਦਿੱਤਾ ਅਤੇ ਆਪਣੇ-ਆਪ ਨੂੰ ਅੰਦਰ ਬੰਦ ਕਰ ਲਿਆ।ਹਥਿਆਰ ਹੋਣ ਦੇ ਖਦਸ਼ੇ ਨੂੰ ਦੇਖਦੇ ਹੋਏ ਤੁਰੰਤ ਐਮਰਜੈਂਸੀ ਰਿਸਪਾਂਸ ਟੀਮ ਨੂੰ ਮੌਕੇ 'ਤੇ ਬੁਲਾਇਆ ਗਿਆ।

ਓਪਰੇਸ਼ਨ ਦੌਰਾਨ ਡਿਸਟਰੈਕਸ਼ਨ ਡਿਵਾਈਸਿਸ ਦੀ ਵਰਤੋਂ ਕੀਤੀ ਗਈ, ਜਿਸ ਕਾਰਨ ਇਲਾਕੇ ਵਿਚ ਜ਼ੋਰਦਾਰ ਧਮਾਕਿਆਂ ਦੀਆਂ ਆਵਾਜ਼ਾਂ ਸੁਣੀਆਂ ਗਈਆਂ। ਅੱਧੀ ਰਾਤ ਤੋਂ ਕੁਝ ਸਮਾਂ ਬਾਅਦ ਇਸ ਮਾਮਲੇ ਨੂੰ ਸੁਰੱਖਿਅਤ ਢੰਗ ਨਾਲ ਸੁਲਝਾ ਲਿਆ ਗਿਆ ਅਤੇ 9 ਲੋਕਾਂ ਨੂੰ ਹਿਰਾਸਤ ਵਿਚ ਲਿਆ।

ਹਾਲਾਂਕਿ, ਐਬਟਸਫੋਰਡ ਪੁਲਿਸ ਨੇ ਸਪੱਸ਼ਟ ਕੀਤਾ ਕਿ ਮਾਮਲਾ ਐਕਸਟੋਸ਼ਨ ਨਾਲ ਸਬੰਧਤ ਨਹੀਂ ਹੈ ਅਤੇ ਅਜੇ ਤੱਕ ਇਸ ਮਾਮਲੇ ਵਿਚ ਕੋਈ ਰਸਮੀ ਗ੍ਰਿਫਤਾਰੀ ਨਹੀਂ ਹੋਈ ਹੈ, ਜਾਂਚ ਜਾਰੀ ਹੈ।