22.85C Vancouver 22.85C VancouverJan 9, 2026 3:15 PM - Connect Newsroom - Ramandeep Kaur with files from The Canadian Press
ਬੀ.ਸੀ. ਕੰਜ਼ਰਵੇਟਿਵ ਪਾਰਟੀ ਦੀ ਲੀਡਰਸ਼ਿਪ ਦੀ ਦੌੜ ਵਿਚ 2024 ਦੀਆਂ ਚੋਣਾਂ ਵਿਚ ਪਹਿਲੀ ਵਾਰ ਐਮ.ਐਲ.ਏ. ਚੁਣ ਕੇ ਆਏ ਸ਼ੈਲਡਨ ਕਲੇਅਰ ਵੀ ਸ਼ਾਮਲ ਹੋ ਰਹੇ ਹਨ। ਪ੍ਰਿੰਸ ਜਾਰਜ-ਨੌਰਥ ਕਰੀਬੂ ਰਾਈਡਿੰਗ ਦੀ ਨੁਮਾਇੰਦਗੀ ਕਰਦੇ ਕਲੇਅਰ ਨੇ ਅਧਿਕਾਰਤ ਤੌਰ 'ਤੇ ਇਸ ਐਲਾਨ ਕੀਤਾ ਕਿ ਉਹ ਲੀਡਰਸ਼ਿਪ ਦੀ ਦੌੜ ਵਿਚ ਸ਼ਾਮਲ ਹੋਣਗੇ।
ਉਹ ਨੈਸ਼ਨਲ ਫਾਇਰਆਰਮਜ਼ ਅਸੋਸੀਏਸ਼ਨ ਦੇ ਸਾਬਕਾ ਪ੍ਰਧਾਨ ਅਤੇ ਕਾਲਜ ਔਫ ਨਿਊ ਕੈਲੇਡੋਨੀਆ ਵਿਚ ਇੰਸਟ੍ਰਕਟਰ ਰਹਿ ਚੁੱਕੇ ਹਨ। ਬੀ.ਸੀ. ਕੰਜ਼ਰਵੇਟਿਵ ਦੇ ਸਾਬਕਾ ਲੀਡਰ ਜੌਨ ਰਸਟੈਡ ਵੱਲੋਂ ਦਸੰਬਰ ਵਿਚ ਅਸਤੀਫ਼ਾ ਦੇਣ ਤੋਂ ਬਾਅਦ ਇਹ ਅਹੁਦਾ ਖਾਲੀ ਹੋਇਆ ਸੀ। ਫਿਲਹਾਲ ਟ੍ਰੇਵਰ ਹਾਲਫੋਰਡ ਅੰਤਰਿਮ ਲੀਡਰ ਵਜੋਂ ਸੇਵਾਵਾਂ ਨਿਭਾ ਰਹੇ ਹਨ। ਇਸ ਦੌੜ ਵਿਚ ਹੁਣ ਤੱਕ ਉਦਯੋਗਪਤੀ ਯੂਰੀ ਫੁਲਮਰ ਅਤੇ ਵਾਰਨ ਹੈਮ ਨੇ ਆਪਣੀ ਉਮੀਦਵਾਰੀ ਪੇਸ਼ ਕੀਤੀ ਹੈ।
ਸ਼ੈਲਡਨ ਕਲੇਅਰ ਜਨਵਰੀ ਦੇ ਅਖੀਰ ਤੱਕ ਆਪਣੀ ਚੋਣ ਮੁਹਿੰਮ ਦਾ ਰਸਮੀ ਤੌਰ 'ਤੇ ਆਗਾਜ਼ ਕਰਨਗੇ। ਪਾਰਟੀ ਵਲੋਂ ਬਣਾਈ ਗਈ ਨਵੀਂ ਲੀਡਰਸ਼ਿਪ ਚੋਣ ਪ੍ਰਬੰਧਕ ਕਮੇਟੀ ਆਉਣ ਵਾਲੇ ਹਫ਼ਤਿਆਂ ਵਿਚ ਚੋਣਾਂ ਦੇ ਨਿਯਮ ਅਤੇ ਤਾਰੀਖ਼ ਤੈਅ ਕਰੇਗੀ। ਐਬਟਸਫੋਰਡ-ਲੈਂਗਲੀ ਤੋਂ ਐਮ.ਐਲ.ਏ. ਹਰਮਨ ਭੰਗੂ ਨੇ ਵੀ ਕਿਹਾ ਹੈ ਕਿ ਉਹ ਲੀਡਰਸ਼ਿਪ ਲਈ ਪਾਰਟੀ ਦੀ ਚੋਣ ਲੜਨ ਦਾ ਵਿਚਾਰ ਕਰ ਰਹੇ ਹਨ।
