10.17C Vancouver 10.17C VancouverNov 12, 2021 8:13 PM - The Canadian Press
ਨੋਵਾ ਸਕੌਸ਼ੀਆ ਵੱਲੋਂ ਸੂਬੇ 'ਚ ਹਜ਼ਾਰਾਂ ਮਿੰਕਸ ਨੂੰ ਕੋਵਿਡ-19 ਪ੍ਰਤੀ ਵੈਕਸੀਨੇਟ ਕਰਨ ਸੰਬੰਧੀ ਪਲੈਨਿੰਗ ਕੀਤੀ ਜਾ ਰਹੀ ਹੈ।
ਹਾਲਾਂਕਿ ਬੀ.ਸੀ. ਸਰਕਾਰ ਦਾ ਕਹਿਣਾ ਹੈ ਕਿ ਵਧੇਰੇ ਰਿਸਰਚ ਕਰਨ ਦੀ ਲੋੜ ਹੈ ਤਾਂ ਜੋ ਪੁਖਤਾ ਕੀਤਾ ਜਾ ਸਕੇ ਕਿ ਮਿੰਕਸ ਦੇ ਬਚਾਅ ਲਈ ਇਮਿਉਨਾਈਜੇਸ਼ਨ ਕਾਰਗਰ ਸਾਬਿਤ ਹੋ ਸਕਦੀ ਹੈ।
ਅਜਿਹਾ ਉਸ ਵੇਲੇ ਕਿਹਾ ਗਿਆ ਹੈ ਜਦ ਬੀ.ਸੀ. 'ਚ ਮਿੰਕ ਇੰਡਸਟਰੀ ਨੂੰ ਫੇਜ ਆਊਟ ਕਰਨ ਦੇ ਨਿਰਦੇਸ਼ ਜਾਰੀ ਹੋ ਚੁੱਕੇ ਹਨ।
ਨੋਵਾ ਸਕੌਸ਼ੀਆ ਦੇ ਐਗਰੀਕਲਚਰ ਡਿਪਾਰਟਮੈਂਟ ਦਾ ਕਹਿਣਾ ਹੈ ਕਿ ਇੱਕ ਐਕਸਪੈਰੀਮੈਂਟਲ ਮਿੰਕ ਵੈਕਸੀਨ ਦੀਆਂ 54,000 ਖੁਰਾਕਾਂ ਉਪਲਬਧ ਕਰਵਾਈਆਂ ਜਾ ਰਹੀਆਂ ਹਨ।
ਇਹ ਖੁਰਾਕਾਂ ਅਮਰੀਕਾ ਤੋਂ ਆਉਣਗੀਆਂ ਅਤੇ ਟਰਾਇਲ ਦੌਰਾਨ 5 ਮਿੰਕ ਫਾਰਮਸ 'ਤੇ ਇਨ੍ਹਾਂ ਜਾਨਵਰਾਂ ਨੂੰ ਵੈਕਸੀਨੇਟ ਕੀਤਾ ਜਾਵੇਗਾ।
ਅਜਿਹਾ ਪਬਲਿਕ ਹੈਲਥ ਏਜੈਂਸੀ ਆਫ ਕੈਨੇਡਾ ਨਾਲ ਗੱਲਬਾਤ ਤੋਂ ਬਾਅਦ ਕੀਤਾ ਜਾ ਰਿਹਾ ਹੈ।
ਬੀ.ਸੀ. ਸਰਕਾਰ ਨੇ ਐਲਾਨ ਕਰ ਦਿੱਤਾ ਹੈ ਕਿ ਸੂਬੇ 'ਚ ਮਿੰਕ ਫਾਰਮਸ ਨੂੰ ਬੈਨ ਕੀਤਾ ਜਾ ਰਿਹਾ ਹੈ ਅਤੇ ਇਸ ਪਿੱਛੇ ਸੂਬੇ ਦੇ 9 ਵਿੱਚੋਂ 3 ਮਿੰਕ ਫਾਰਮਸ 'ਤੇ ਕੋਵਿਡ-19 ਆਊਟਬ੍ਰੇਕ ਸਾਹਮਣੇ ਆਉਣ ਨੂੰ ਕਾਰਨ ਦੱਸਿਆ ਗਿਆ ਹੈ।
ਨੋਵਾ ਸਕੌਸ਼ੀਆ ਕੋਸ਼ਿਸ਼ ਕਰ ਰਿਹਾ ਹੈ ਕਿ ਲਾਈਸੈਂਸੀ ਬ੍ਰੀਡਰਸ ਲਈ ਪ੍ਰੋਗਰਾਮ ਅਰੰਭਿਆ ਜਾਵੇ ਅਤੇ ਐਨੀਮਲ ਕੇਅਰ ਸਟੈਂਡਰਡਸ ਨੂੰ ਮੇਨਟੇਨ ਕੀਤਾ ਜਾਵੇ।
