14.62C Vancouver 14.62C VancouverMar 9, 2021 11:29 PM -
ਪ੍ਰਧਾਨ ਮੰਤਰੀ ਜਸਟਿਨ ਟਰੂਡੋ ਨੇ ਪ੍ਰਿੰਸ ਹੈਰੀ ਅਤੇ ਮੇਘਨ ਦੇ ਇੰਟਰਵਿਊ 'ਚ ਹੋਏ ਖੁਲਾਸਿਆਂ 'ਤੇ ਟਿੱਪਣੀ ਕਰਨ ਤੋਂ ਪਾਸਾ ਵੱਟਿਆ ਹੈ।
ਉਨ੍ਹਾਂ ਕਿਹਾ ਕਿ ਬ੍ਰਿਟਿਸ਼ ਮੋਨਾਰਕੀ ਨੂੰ ਖਾਰਿਜ ਕਰਨ ਦੀ ਗੱਲਬਾਤ 'ਚ ਉਨ੍ਹਾਂ ਦੀ ਰੁਚੀ ਨਹੀਂ ਹੈ।
ਉਨ੍ਹਾਂ ਕਿਹਾ ਕਿ ਕੈਨੇਡਾ 'ਚ ਕਈ ਇੰਸਟੀਟਿਊਸ਼ਨ 'ਬਸਤੀਵਾਦ (ਕੋਲੋਨੀਅਨਿਜ਼ਮ) ਅਤੇ ਸਿਸਟਮਿਕ ਨਸਲਵਾਦ' ਦੇ ਢਾਂਚੇ 'ਤੇ ਬਣੇ ਹਨ ਜਿਸ 'ਚ ਪਾਰਲੀਅਮੈਂਟ ਵੀ ਸ਼ਾਮਿਲ ਹੈ ਅਤੇ ਉਨ੍ਹਾਂ ਕਿਹਾ ਕਿ ਇਸ ਦਾ ਜਵਾਬ ਇਹੀ ਹੈ ਕਿ ਭੇਦਭਾਵ ਦਾ ਸਾਹਮਣਾ ਕਰਨ ਵਾਲੇ ਕਨੇਡੀਅਨ ਲੋਕਾਂ ਦੀ ਆਵਾਜ਼ ਸੁਣੀ ਜਾਵੇ ਅਤੇ ਇੰਸਟੀਟਿਊਸ਼ਨਸ ਦੀ ਜ਼ਿੰਮੇਵਾਰੀ ਤੈਅ ਕੀਤੀ ਜਾਵੇ।
ਟਰੂਡੋ ਨੇ ਕਿਹਾ ਕਿ ਇਸ ਦਾ ਅਰਥ ਇਹ ਨਹੀਂ ਹੈ ਕਿ ਅਚਾਨਕ ਇੰਸਟੀਟਿਊਸ਼ਨਸ 'ਚ ਬਦਲਾਅ ਕਰ ਦਿੱਤਾ ਜਾਵੇ ਅਤੇ ਨਵੀਂ ਸ਼ੁਰੂਆਤ ਹੋ ਜਾਵੇ।
ਟਰੂਡੋ ਨੇ ਰਾਇਲ ਪਰਿਵਾਰ ਦੇ ਸਾਰੇ ਮੈਂਬਰਾਂ ਨੂੰ ਸ਼ੁਭਕਾਮਨਾਵਾਂ ਦਿੱਤੀਆਂ ਪਰ ਉਨ੍ਹਾਂ ਕਿਹਾ ਕਿ ਫ਼ਿਲਹਾਲ ਉਨ੍ਹਾਂ ਦਾ ਧਿਆਨ ਦੇਸ਼ ਨੂੰ ਪੈਂਡੈਮਿਕ ਦੇ ਖਤਰੇ ਤੋਂ ਪਾਰ ਲੰਘਾਉਣ 'ਤੇ ਹੈ।
