7.3C Vancouver 7.3C VancouverDec 30, 2025 5:35 PM - Connect Newsroom - Ramandeep Kaur with files from The Canadian Press
ਬੀ.ਸੀ. ਵਿਚ ਸਾਲ 2025 ਦੌਰਾਨ ਐਮਰਜੈਂਸੀ ਨੰਬਰ 911 ਦੀ ਕੁਝ ਲੋਕਾਂ ਵਲੋਂ ਬੇਹੱਦ ਗੈਰ-ਜ਼ਿੰਮੇਵਾਰਾਨਾ ਵਰਤੋਂ ਕੀਤੇ ਜਾਣ ਦਾ ਮਾਮਲਾ ਸਾਹਮਣੇ ਆਇਆ ਹੈ। E-Comm ਜੋ ਕਿ ਬੀ. ਸੀ. ਦੀ ਸਭ ਤੋਂ ਵੱਡੀ ਐਮਰਜੈਂਸੀ ਸੰਚਾਰ ਸੇਵਾ ਹੈ, ਨੇ ਸਾਲ ਦੀਆਂ ਅਜਿਹੀਆਂ 10 ਸਭ ਤੋਂ ਖਰਾਬ ਕਾਲ ਦੀ ਸੂਚੀ ਜਾਰੀ ਕੀਤੀ ਹੈ।
911 ਲਾਈਨ ਦੇ ਸਰਵਿਸ ਓਪਰੇਟਰ ਮੁਤਾਬਕ, ਇਨ੍ਹਾਂ ਕਾਲ ਵਿਚ ਡਿਸ਼ਵਾਸ਼ਰ ਕੰਮ ਨਹੀਂ ਕਰ ਰਿਹਾ ਦੀ ਸ਼ਿਕਾਇਤ, ਗਲਤ ਹੇਅਰ ਕੱਟ ਅਤੇ ਰੈਸਟੋਰੈਂਟ ਤੋਂ ਬਰਗਰ ਵਿਚ ਦੇਰੀ ਵਰਗੀਆਂ ਸ਼ਿਕਾਇਤ ਕੀਤੀਆਂ ਗਈਆਂ, E-Comm ਦੇ ਬੁਲਾਰੇ ਨੇ ਦੱਸਿਆ ਕਿ ਅਜਿਹੀਆਂ ਕਾਲ ਕਾਰਨ ਉਨ੍ਹਾਂ ਲੋਕਾਂ ਦੀਆਂ ਲਾਈਨਾਂ ਰੁਕ ਜਾਂਦੀਆਂ ਹਨ ਜਿਨ੍ਹਾਂ ਨੂੰ ਅਸਲ ਵਿਚ ਐਮਰਜੈਂਸੀ ਸਥਿਤੀ ਵਿਚ ਮਦਦ ਦੀ ਲੋੜ ਹੁੰਦੀ ਹੈ।
ਉਨ੍ਹਾਂ ਕਿਹਾ ਕਿ ਐਮਰਜੈਂਸੀ ਨੰਬਰ ਕੋਈ ਕਸਟਮਰ ਸਰਵਿਸ ਨੰਬਰ ਨਹੀਂ ਹੈ। E-Comm ਦਾ ਕਹਿਣਾ ਹੈ ਕਿ ਇਸ ਸੂਚੀ ਨੂੰ ਸਾਂਝਾ ਕਰਨ ਦਾ ਮੁੱਖ ਮਕਸਦ ਲੋਕਾਂ ਨੂੰ ਇਹ ਸਮਝਾਉਣਾ ਹੈ ਕਿ ਐਮਰਜੈਂਸੀ ਲਾਈਨ ਸਿਰਫ਼ ਉਨ੍ਹਾਂ ਲੋਕਾਂ ਲਈ ਉਪਲਬਧ ਰਹਿਣੀਆਂ ਚਾਹੀਦੀਆਂ ਹਨ ਜਿਨ੍ਹਾਂ ਨੂੰ ਅਸਲ ਵਿਚ ਪੁਲਿਸ, ਫਾਇਰ ਸਰਵਿਸ ਜਾਂ ਐਂਬੂਲੈਂਸ ਦੀ ਤੁਰੰਤ ਸਹਾਇਤਾ ਦੀ ਲੋੜ ਹੈ ਅਤੇ ਕੁਝ ਲੋਕਾਂ ਦੀ ਲਾਪਰਵਾਹੀ ਐਮਰਜੈਂਸੀ ਸੇਵਾਵਾਂ 'ਤੇ ਬੇਲੋੜਾ ਬੋਝ ਪਾ ਰਹੀ ਹੈ।
