11.8C Vancouver 11.8C VancouverOct 23, 2025 4:08 PM - The Canadian Press
ਬੀ.ਸੀ. ਵਿਚ ਫਲੂ ਦੇ ਮੌਸਮ ਦੇ ਮੱਦੇਨਜ਼ਰ ਸਰਕਾਰ ਅਤੇ ਡਾਕਟਰਾਂ ਨੇ ਲੋਕਾਂ ਨੂੰ ਟੀਕਾਕਰਨ ਕਰਵਾਉਣ ਦੀ ਅਪੀਲ ਕੀਤੀ ਹੈ, ਸੂਬਾ ਸਰਕਾਰ ਦਾ ਕਹਿਣਾ ਹੈ ਕਿ 7 ਅਕਤੂਬਰ ਤੋਂ ਦੋ ਮਿਲੀਅਨ ਤੋਂ ਵੱਧ ਨਿਵਾਸੀਆਂ ਨੂੰ ਟੀਕਾਕਰਨ ਬੁੱਕ ਕਰਨ ਲਈ ਸੱਦਾ ਪ੍ਰਾਪਤ ਹੋਇਆ ਹੈ ਅਤੇ 19 ਅਕਤੂਬਰ ਤੱਕ ਲਗਭਗ 275,000 ਲੋਕਾਂ ਨੂੰ ਇਨਫਲੂਐਂਜ਼ਾ ਲਈ ਟੀਕਾ ਲਗਾਇਆ ਜਾ ਚੁੱਕਾ ਹੈ।
ਸਿਹਤ ਮੰਤਰੀ ਜੋਸੀ ਓਸਬੋਰਨ ਨੇ ਕਿਹਾ ਕਿ ਟੀਕਾਕਰਨ ਖੁਦ ਨੂੰ ਅਤੇ ਕਮਿਊਨਿਟੀ ਨੂੰ ਫਲੂ ਤੋਂ ਪ੍ਰੋਟੈਕਟ ਕਰਨ ਦਾ ਸਭ ਤੋਂ ਪ੍ਰਭਾਵਸ਼ਾਲੀ ਤਰੀਕਾ ਹੈ। ਉਨ੍ਹਾਂ ਦੱਸਿਆ ਕਿ ਬੀ. ਸੀ. ਨੇ ਇਸ ਸਾਲ ਫਲੂ ਵੈਕਸੀਨ ਦੀਆਂ 1.94 ਮਿਲੀਅਨ ਡੋਜ਼ ਅਤੇ ਨਵੀਂ ਕੋਵਿਡ-19 ਵੈਕਸੀਨ ਦੇ 1.4 ਮਿਲੀਅਨ ਸ਼ਾਟ ਖਰੀਦੇ ਹਨ।
ਓਸਬੋਰਨ ਨੇ ਕਿਹਾ ਕਿ ਟੀਕੇ ਮੁਫ਼ਤ ਲਗਾਏ ਜਾ ਰਹੇ ਹਨ ਅਤੇ ਇਹ ਛੇ ਮਹੀਨੇ ਅਤੇ ਇਸ ਤੋਂ ਵੱਧ ਉਮਰ ਦੇ ਕਿਸੇ ਵੀ ਵਿਅਕਤੀ ਲਈ ਉਪਲਬਧ ਹਨ, ਉਨ੍ਹਾਂ ਇਹ ਵੀ ਦੱਸਿਆ ਕਿ ਲੌਂਗ ਟਰਮ ਕੇਅਰ ਹੋਮ ਵਿਚ ਇਹ ਟੀਕੇ ਸਿੱਧੇ ਪਹੁੰਚਾਏ ਜਾ ਰਹੇ ਹਨ।
