15.5C Vancouver 15.5C VancouverJun 16, 2022 7:06 PM - The Canadian Press
ਬੀ.ਸੀ. ਦੇ ਓਕਾਨਾਗਨ ਇਲਾਕੇ 'ਚ ਲੇਕਸ਼ੋਰ ਦੇ ਨਿਵਾਸੀਆਂ ਨੂੰ ਹੜ੍ਹਾਂ ਦੇ ਖਤਰੇ ਲਈ ਸਾਵਧਾਨ ਕੀਤਾ ਗਿਆ ਹੈ।
ਸਿਟੀ ਆਫ ਪੈਂਟੀਕਟਨ ਵੱਲੋਂ ਜਾਰੀ ਇੱਕ ਬਿਆਨ 'ਚ ਦੱਸਿਆ ਗਿਆ ਹੈ ਕਿ ਓਕਾਨਾਗਨ ਲੇਕ ਬੇਹੱਦ ਉੱਚੇ ਪੱਧਰ 'ਤੇ ਪਹੁੰਚ ਗਈ ਹੈ।
ਸਾਲ 2017 ਦੇ ਰਿਕਾਰਡ ਪੱਧਰ ਮੁਕਾਬਲੇ ਲੇਕ 'ਚ ਪਾਣੀ ਦਾ ਪੱਧਰ ਫਿਲਹਾਲ ਕਾਫੀ ਹੇਠਾਂ ਦੱਸਿਆ ਗਿਆ ਹੈ।
ਹਾਲਾਂਕਿ ਆਉਂਦੇ ਦਿਨਾਂ 'ਚ ਬਾਰਿਸ਼ ਦੀ ਸੰਭਾਵਨਾ ਵਿਚਾਲੇ ਪੈਂਟੀਕਟਨ ਦੇ ਹੇਠਲੇ ਇਲਾਕਿਆਂ ਦੇ ਲੋਕਾਂ ਨੂੰ ਪਾਣੀ ਦੇ ਵਧਦੇ ਪੱਧਰ ਬਾਰੇ ਸਾਵਧਾਨ ਕੀਤਾ ਗਿਆ ਹੈ।
ਯਾਦ ਰਹੇ ਇਹ ਸਲਾਹ ਉਸ ਵੇਲੇ ਜਾਰੀ ਕੀਤੀ ਜਾ ਰਹੀ ਹੈ, ਜਦ ਓਕਾਨਾਗਨ, ਸਿਮਿਲਕਮੀਨ, ਬਾਊਂਡਰੀ ਅਤੇ ਕੋਲੰਬੀਆ ਰਿਜਨਸ ਵਿੱਚ ਸਟਰੀਮਫਲੋ ਐਡਵਾਈਜਰੀਸ ਰੱਦ ਕੀਤੀਆਂ ਜਾ ਰਹੀਆਂ ਹਨ।
ਹਾਲਾਂਕਿ ਈਸਟ ਅਤੇ ਵੈਸਟ ਕੂਟਨੀ ਦੇ ਇਲਾਕੇ ਅਤੇ ਥਾਂਪਸਨ ਅਤੇ ਇਸ ਤੋਂ ਇਲਾਵਾ ਕੈਨਲ ਦੇ ਕੋਲ ਫਰੇਜ਼ਰ ਦਰਿਆ ਕੋਲ ਐਡਵਾਈਜਰੀਸ ਜਾਰੀ ਹਨ।
