ਟੱਕਰ 'ਚ ਆਦਮੀ ਦੀ ਮੌਤ ਦੇ ਮਾਮਲੇ 'ਚ ਇੱਕ ਔਰਤ ਨੂੰ ਖਤਰਨਾਕ ਡਰਾਈਵਿੰਗ ਅਤੇ ਹੋਰ ਦੋਸ਼ਾਂ ਦਾ ਕਰਨਾ ਪੈ ਰਿਹਾ ਸਾਹਮਣਾ

ਓਲੀਵਰ ਦੀ ਇੱਕ ਔਰਤ ਨੂੰ 2024 ਵਿਚ ਹੋਈ ਇੱਕ ਟੱਕਰ ਦੇ ਸਬੰਧ ਵਿਚ impaired ਅਤੇ ਖ਼ਤਰਨਾਕ ਡਰਾਈਵਿੰਗ ਦੇ ਤਿੰਨ ਦੋਸ਼ਾਂ ਦਾ ਸਾਹਮਣਾ ਕਰਨਾ ਪੈ ਰਿਹਾ ਹੈ, ਜਿਸ ਵਿਚ ਇੱਕ ਆਦਮੀ ਦੀ ਮੌਤ ਹੋ ਗਈ ਸੀ।

ਬੀ.ਸੀ. ਹਾਈਵੇਅ ਪੈਟਰੋਲ ਨੇ ਅੱਜ ਇੱਕ ਬਿਆਨ ਵਿਚ ਕਿਹਾ ਕਿ ਦੱਖਣੀ ਓਕਾਨਾਗਨ ਵਿਚ 31 ਜੁਲਾਈ 2024 ਨੂੰ ਸਵੇਰੇ 8:00 ਵਜੇ ਦੇ ਕਰੀਬ ਓਲੀਵਰ ਵਿਚ ਰੋਡ 21 ਦੇ ਨੇੜੇ ਹਾਈਵੇ 97 'ਤੇ ਇੱਕ ਟੋਇਟਾ ਈਕੋ ਅਤੇ ਇੱਕ ਫੋਰਡ ਐਕਸਪਲੋਰਰ ਦੀ ਟੱਕਰ ਹੋਈ ਸੀ।

ਇਸ ਹਾਦਸੇ ਵਿਚ ਟੋਇਟਾ ਈਕੋ ਦੇ 39 ਸਾਲਾ ਡਰਾਈਵਰ ਦੀ ਮੌਤ ਹੋ ਗਈ ਸੀ ਜੋ ਗੱਡੀ ਵਿਚ ਇਕੱਲਾ ਸਵਾਰ ਸੀ। ਨੌਂ ਮਹੀਨਿਆਂ ਦੀ ਜਾਂਚ ਤੋਂ ਬਾਅਦ ਬੀਸੀ ਹਾਈਵੇ ਪੈਟਰੋਲ ਕੇਰੇਮੀਓਸ ਨੇ ਬੀਸੀ ਪ੍ਰੌਸੀਕਿਊਸ਼ਨ ਸਰਵਿਸ ਨੂੰ ਇੱਕ ਰਿਪੋਰਟ ਭੇਜੀ, ਜਿਸ ਨੇ 30 ਸਾਲਾ ਔਰਤ ਵੈਨੇਸਾ ਲੈਮੀਰਾਸ ਵਿਰੁੱਧ ਖਤਰਨਾਕ ਅਤੇ impaired ਡਰਾਈਵਿੰਗ ਦੇ ਦੋਸ਼ਾਂ ਨੂੰ ਮਨਜ਼ੂਰੀ ਦਿੱਤੀ। ਲੈਮੀਰਾਸ ਦੀ 6 ਅਗਸਤ ਨੂੰ ਅਦਾਲਤ ਵਿਚ ਪਹਿਲੀ ਪੇਸ਼ੀ ਹੋਈ ਹੈ।