ਬਰਨਬੀ ਵਿੱਚ ਵਾਪਰੀ ਗੋਲੀਬਾਰੀ ਦੀ ਵਾਰਦਾਤ ਵਿੱਚ ਇਕ ਵਿਅਕਤੀ ਦੀ ਮੌਤ

ਬਰਨਬੀ ਦੀ ਇੱਕ ਪਾਰਕਿੰਗ ਲੋਟ ਵਿਚ ਬੀਤੇ ਕੱਲ੍ਹ ਗੋਲੀਬਾਰੀ ਦੀ ਵਾਰਦਾਤ ਹੋਈ, ਜਿਸ ਵਿਚ ਇੱਕ ਵਿਅਕਤੀ ਦੀ ਮੌਤ ਹੋ ਗਈ। ਪੁਲਿਸ ਨੇ ਕਿਹਾ ਕਿ ਸਟਿਲ ਕ੍ਰੀਕ ਡਰਾਈਵ ਦੇ 4400 ਬਲਾਕ ਵਿਚ ਉਨ੍ਹਾਂ ਨੂੰ ਬੁੱਧਵਾਰ ਸ਼ਾਮ ਕਰੀਬ 5.30 ਵਜੇ ਗੋਲੀ ਚੱਲਣ ਬਾਰੇ ਕਈ ਰਿਪੋਰਟਸ ਮਿਲੀਆਂ ਸਨ।

ਹੱਤਿਆ ਦੀ ਜਾਂਚ ਕਰਨ ਵਾਲੇ ਦੇਰ ਰਾਤ ਤੱਕ ਸਬੂਤਾਂ ਦੀ ਜਾਂਚ ਲਈ ਮੌਕੇ ਉਤੇ ਰਹੇ। ਬਰਨਬੀ ਆਰ.ਸੀ.ਐਮ.ਪੀ. ਨੇ ਕਿਹਾ ਕਿ ਪੀੜਤ ਦੀ ਮੌਕੇ 'ਤੇ ਹੀ ਮੌਤ ਹੋ ਚੁੱਕੀ ਸੀ।

ਪੁਲਿਸ ਨੇ ਕਿਹਾ ਕਿ ਲਗਭਗ 15 ਮਿੰਟ ਬਾਅਦ ਅਧਿਕਾਰੀ ਨੂੰ ਨਰਸਰੀ ਸਟ੍ਰੀਟ ਅਤੇ ਲੇਕਫੀਲਡ ਡਰਾਈਵ ਨੇੜੇ ਇੱਕ ਗੱਡੀ ਦੇ ਅੱਗ ਦੀ ਲਪੇਟ ਵਿਚ ਹੋਣ ਦੀ ਸੂਚਨਾ ਮਿਲੀ ਅਤੇ ਇਨਵੈਸਟੀਗੇਟਰਸ ਇਹ ਪਤਾ ਲਗਾਉਣ ਦੀ ਕੋਸ਼ਿਸ਼ ਕਰ ਰਹੇ ਹਨ ਕਿ ਕੀ ਇਨ੍ਹਾਂ ਦੋਵਾਂ ਘਟਨਾਵਾਂ ਦਾ ਆਪਸ ਵਿਚ ਕੋਈ ਲਿੰਕ ਹੈ ਜਾਂ ਨਹੀਂ।

ਪੁਲਿਸ ਦਾ ਕਹਿਣਾ ਸੀ ਕਿ ਭਾਵੇਂ ਅਜੇ ਜਾਂਚ ਸ਼ੁਰੂਆਤੀ ਦੌਰ ਵਿਚ ਹੈ ਪਰ ਮੰਨਿਆ ਜਾ ਰਿਹਾ ਹੈ ਕਿ ਗੋਲੀਬਾਰੀ ਟਾਰਗੇਟਿਡ ਸੀ।