ਨੌਰਥ ਵੈਨਕੂਵਰ ਵਿੱਚ ਰੋਡ ਰੇਜ ਦੀ ਘਟਨਾ ਵਿੱਚ ਇੱਕ ਵਿਅਕਤੀ ਗੰਭੀਰ ਜ਼ਖਮੀ

ਨੌਰਥ ਵੈਨਕੂਵਰ ਵਿਚ ਸ਼ਨੀਵਾਰ ਦੁਪਹਿਰ ਨੂੰ ਸੜਕ 'ਤੇ ਝਗੜੇ ਦੌਰਾਨ ਇੱਕ ਡਰਾਈਵਰ ਨੂੰ ਗੱਡੀ ਨਾਲ ਟੱਕਰ ਮਾਰ ਦਿੱਤੀ ਗਈ, ਜਿਸ ਵਿਚ ਉਹ ਗੰਭੀਰ ਰੂਪ ਵਿਚ ਜ਼ਖਮੀ ਹੋ ਗਿਆ। ਪੁਲਿਸ ਦਾ ਕਹਿਣਾ ਹੈ ਕਿ ਇਸ ਘਟਨਾ ਵਿਚ ਇੱਕ ਗ੍ਰੇਅ ਸੁਬਰੂ ਦਾ ਡਰਾਈਵਰ ਅਤੇ ਚਿੱਟੀ ਜੀਪ ਦਾ ਡਰਾਈਵਰ ਸ਼ਾਮਲ ਸਨ।

ਘਟਨਾ ਤਿੰਨ ਵਜੇ ਦੇ ਕਰੀਬ ਬੁਲੇਵਾਰਡ ਕ੍ਰੇਸੈਂਟ ਅਤੇ ਈਸਟ 21st ਸਟ੍ਰੀਟ ਦੇ ਇੰਟਰਸੈਕਸ਼ਨ ਨੇੜੇ ਵਾਪਰੀ, ਪੁਲਿਸ ਨੇ ਕਿਹਾ ਕਿ ਮਰਜਿੰਗ ਨੂੰ ਲੈ ਕੇ ਹੋਏ ਝਗੜੇ ਦੌਰਾਨ ਚਿੱਟੀ ਜੀਪ ਵਿਚ ਸਵਾਰ ਵਿਅਕਤੀ ਆਪਣੀ ਗੱਡੀ ਤੋਂ ਬਾਹਰ ਨਿਕਲਿਆ, ਜਦੋਂ ਉਸ ਨੂੰ ਗ੍ਰੇਅ ਸੁਬਰੂ ਨੇ ਟੱਕਰ ਮਾਰ ਦਿੱਤੀ।

ਪੁਲਿਸ ਨੇ ਸੁਬਰੂ ਦੇ ਡਰਾਈਵਰ ਨੂੰ ਗ੍ਰਿਫਤਾਰ ਕਰ ਲਿਆ ਅਤੇ ਪੀੜਤ ਨੂੰ ਨਾਜ਼ੁਕ ਹਾਲਤ ਵਿਚ ਹਸਪਤਾਲ ਲਿਜਾਇਆ ਗਿਆ, ਜਿਸ ਦੀ ਸਥਿਤੀ 'ਤੇ ਪੁਲਿਸ ਨਜ਼ਰ ਬਣਾਏ ਹੋਏ ਹੈ।

ਨੌਰਥ ਵੈਨਕੂਵਰ ਆਰ.ਸੀ.ਐਮ.ਪੀ. ਦੇ ਅਧਿਕਾਰੀ ਕਾਰਪੋਰੇਲ ਮਨਸੂਰ ਸਾਹਕ ਨੇ ਕਿਹਾ ਕਿ ਡਰਾਈਵਰ ਨੂੰ ਪੁਲਿਸ ਵਲੋਂ ਸ਼ਰਤਾਂ 'ਤੇ ਰਿਹਾਅ ਕਰ ਦਿੱਤਾ ਗਿਆ ਸੀ, ਉਨ੍ਹਾਂ ਕਿਹਾ ਕਿ ਸ਼ੱਕੀ ਡਰਾਈਵਰ 'ਤੇ ਕਈ ਦੋਸ਼ ਲਗਾਏ ਗਏ ਹਨ ਪਰ ਇਸ ਦੀ ਡਿਟੇਲਸ ਨਹੀਂ ਦਿੱਤੀ ਗਈ।