14.32C Vancouver 14.32C VancouverMay 13, 2020 12:25 AM -
ਬੀ.ਸੀ. ਦੀ ਪ੍ਰੋਵਿੰਸ਼ੀਅਲ ਸਿਹਤ ਅਫਸਰ ਡਾ. ਬੌਨੀ ਹੈਨਰੀ ਨੇ ਅੱਜ ਦੀ ਪ੍ਰੈਸ ਬ੍ਰੀਫਿੰਗ ਦੌਰਾਨ ਸੂਬੇ 'ਚ ਕੋਰੋਨਾ ਵਾਇਰਸ ਦੇ ਸਿਰਫ 7 ਹੋਰ ਮਾਮਲੇ ਸਾਹਮਣੇ ਆਏ ਦੱਸੇ ਹਨ।
ਇਹ ਮਾਮਲੇ ਸੋਮਵਾਰ ਤੋਂ ਮੰਗਲਵਾਰ ਦੇ 24 ਘੰਟਿਆਂ ਦੇ ਦਰਮਿਆਨ ਦੇ ਹਨ।
ਹੁਣ ਬੀ.ਸੀ. 'ਚ ਕੋਵਿਡ-19 ਦੇ ਕੁੱਲ ਮਾਮਲਿਆਂ ਦੀ ਗਿਣਤੀ 2,360 ਹੋ ਗਈ ਹੈ।
ਇੱਕ ਹੋਰ ਪੀੜਤ ਦੀ ਜਾਨ ਵੀ ਚਲੀ ਗਈ ਹੈ ਅਤੇ ਹੁਣ ਵਾਇਰਸ ਸੰਬੰਧੀ ਮੌਤਾਂ ਦੀ ਗਿਣਤੀ 131 ਹੋ ਗਈ ਹੈ।
ਜਾਨ ਗਵਾਉਣ ਵਾਲੇ ਵਾਇਰਸ ਪੀੜਤ ਨੂੰ ਫਰੇਜ਼ਰ ਹੈਲਥ ਰਿਜਨ (Fraser Health region) ਦੇ ਇੱਕ ਲੌਂਗ ਟਰਮ ਕੇਅਰ ਹੋਮ ਤੋਂ ਦੱਸਿਆ ਗਿਆ ਹੈ।
ਕਿਸੇ ਨਵੇਂ ਕਮਿਊਨਿਟੀ ਆਊਟਬ੍ਰੇਕ ਤੋਂ ਵੀ ਬਚਾਅ ਰਿਹਾ ਹੈ।
ਸੂਬੇ ਦੇ 2,360 ਕੋਰੋਨਾ ਵਾਇਰਸ ਦੇ ਮਾਮਲਿਆਂ 'ਚ ਹੁਣ 397 ਮਾਮਲੇ ਹੀ ਐਕਟਿਵ ਦੱਸੇ ਜਾ ਰਹੇ ਹਨ।
ਡਾ. ਬੌਨੀ ਹੈਨਰੀ ਨੇ ਦੱਸਿਆ ਕਿ ਬੀ.ਸੀ. 'ਚ ਇੱਕ ਸੂਬੇ ਭਰ ਦਾ ਫੀਡਬੈਕ (feedback) ਸੰਬੰਧੀ ਸਰਵੇਖਣ ਸ਼ੁਰੂ ਕੀਤਾ ਜਾ ਰਿਹਾ ਹੈ।
ਇਸਦੇ ਵਿੱਚ ਲੋਕ ਦੱਸ ਸਕਣਗੇ ਕਿ ਕੋਵਿਡ-19 ਦਾ ਉਨ੍ਹਾਂ ਦੇ ਜੀਵਨ 'ਤੇ ਕਿਸ ਪ੍ਰਕਾਰ ਦਾ ਅਸਰ ਪਿਆ ਹੈ, ਤਾਂ ਜੋ ਭਵਿੱਖ ਲਈ ਬਿਹਤਰ ਤਿਆਰੀ ਕੀਤੀ ਜਾ ਸਕੇ।
