13.14C Vancouver 13.14C VancouverMar 23, 2020 9:30 PM -
ਕੋਵਿਡ-19 ਦੇ ਮਾਮਲਿਆਂ 'ਚ ਲਗਾਤਾਰ ਹੁੰਦੇ ਵਾਧੇ ਵਿਚਾਲੇ, ਔਂਟੈਰੀਓ ਨੇ ਐਲਾਨ ਕੀਤਾ ਹੈ ਕਿ ਮੰਗਲਵਾਰ ਰਾਤ 11.59 ਵਜੇ ਤੋਂਸਾਰੇ ਗੈਰ ਜਰੂਰੀ ਵਪਾਰਾਂ ਨੂੰ ਬੰਦ ਕੀਤਾ ਜਾ ਰਿਹਾ ਹੈ।
ਪ੍ਰੀਮਿਅਰ ਡਗ ਫੋਰਡ ਨੇ ਸੂਬੇ ਵਿਚ 'ਸਟੇਟ ਔਫ ਐਮਰਜੈਂਸੀ' ਐਲਾਨਣ ਤੋਂ ਕਰੀਬ ਇੱਕ ਹਫਤੇ ਬਾਅਦ, ਹੁਣ ਸੋਮਵਾਰ ਦੁਪਹਿਰ ਐਲਾਨ ਕੀਤਾ ਕਿ, ਸਾਰੇ ਗੈਰ ਜਰੂਰੀ ਵਪਾਰਾਂ ਨੂੰ ਤੁਰੰਤ ਪ੍ਰਭਾਵ ਨਾਲ ਬੰਦ ਕੀਤਾ ਜਾਵੇ।
ਹਾਲਾਂਕਿ ਪ੍ਰੀਮਿਅਰ ਨੇ ਆਖਿਆ ਕਿ ਓਹ ਉਨ੍ਹਾਂ ਵਪਾਰਾਂ ਦੀ ਸੂਚੀ ਲਾਗੂ ਕਰਨਗੇ, ਜਿੰਨਾ ਨੂੰ ਕਿ ਖੁਲ੍ਹੇ ਰਹਿਣ ਦੀ ਇਜਾਜਤ ਹੋਵੇਗੀ।
ਗਰੋਸਰੀ ਸਟੋਰ ਅਤੇ ਮੈਡੀਕਲ ਸਟੋਰਾਂ ਲਈ ਇਹ ਨਿਰਦੇਸ਼ ਲਾਗੂ ਨਹੀਂ ਹੋਣਗੇ।
ਇਹ ਘਟੋ ਘਟ ਅਗਲੇ 2 ਹਫਤੇ ਤਕ ਜਾਰੀ ਰਹੇਗਾ। ਡਗ ਫੋਰਡ ਦੇ ਐਲਾਨ ਤੋਂ ਕੁਝ ਸਮਾਂ ਬਾਅਦ, ਔਂਟੈਰੀਓ ਦੇ ਸਿਹਤ ਅਧਿਕਾਰੀ ਵੀ ਮੀਡੀਆ ਦੇ ਰੂਬਰੂ ਹੋਏ, ਅਤੇ ਜਾਣਕਾਰੀ ਦਿੱਤੀ ਗਈ ਕਿ ਸੂਬੇ ਵਿਚ ਕੋਵਿਡ-19 ਦੇ 78 ਹੋਰ ਮਾਮਲੇ ਉਜਾਗਰ ਹੋਏ ਹਨ।
ਇਸਤੋਂ ਅਲਾਵਾ ਸੂਬੇ 'ਚ ਬਿਮਾਰੀ ਕਾਰਨ 3 ਹੋਰ ਲੋਕਾਂ ਦੀ ਜਾਨ ਵੀ ਚਲੀ ਗਈ ਹੈ।
ਔਂਟੈਰੀਓ ਦੀ ਸਿਹਤ ਸੰਬੰਧੀ, ਐਸੋਸੀਏਟ ਚੀਫ ਮੈਡੀਕਲ ਅਫਸਰ, ਡਾ. ਬਾਰਬਰਾ ਯਾਫੇ ਨੇ ਦੱਸਿਆ ਕਿ ਸੂਬੇ 'ਚ ਪੀੜਤਾਂ ਦੀ ਗਿਣਤੀ 503 ਤਕ ਪਹੁੰਚ ਗਈ ਹੈ।
