ਓਨਟਾਰੀਓ ਦੀ ਮੈਰੇਲਿਨ ਗਲੈਡੂ ਲਿਬਰਲ ਪਾਰਟੀ ਵਿਚ ਹੋਈ ਸ਼ਾਮਿਲ

ਕੰਜ਼ਰਵੇਟਿਵ ਦੀ ਇੱਕ ਹੋਰ ਮੈਂਬਰ ਪਾਰਲੀਮੈਂਟ ਮੈਰੇਲਿਨ ਗਲੈਡੂ ਨੇ ਅੱਜ ਲਿਬਰਲ ਪਾਰਟੀ ਨੂੰ ਜੁਆਇੰਨ ਕਰ ਲਿਆ ਹੈ। ਇਸ ਦਲ-ਬਦਲੀ ਨੇ ਮੁੱਖ ਵਿਰੋਧੀ ਧਿਰ ਨੂੰ ਜ਼ਬਰਦਸਤ ਝਟਕਾ ਦਿੱਤਾ ਹੈ। ਓਨਟਾਰੀਓ ਦੀ riding Sarnia-Lambton ਦੀ ਨੁਮਾਇੰਦਗੀ ਕਰਦੀ ਗਲੈਡੂ ਦੇ ਆਉਣ ਨਾਲ ਮਾਰਕ ਕਾਰਨੀ ਦੀ ਅਗਵਾਈ ਵਾਲੀ ਲਿਬਰਲ ਸਰਕਾਰ ਹੁਣ ਬਹੁਮਤ ਦੇ ਅੰਕੜੇ ਤੋਂ ਸਿਰਫ਼ ਇੱਕ ਸੀਟ ਦੂਰ ਰਹਿ ਗਈ ਹੈ।

ਪਿਛਲੇ ਕੁਝ ਮਹੀਨਿਆਂ ਵਿਚ ਪਾਰਟੀ ਬਦਲਣ ਵਾਲੇ ਇਹ ਪੰਜਵੀਂ ਐਮ.ਪੀ. ਹੈ। ਪ੍ਰਧਾਨ ਮੰਤਰੀ ਮਾਰਕ ਕਾਰਨੀ ਨੇ ਸੋਸ਼ਲ ਮੀਡੀਆ ਰਾਹੀਂ ਗਲੈਡੂ ਦਾ ਲਿਬਰਲ ਕਾਕਸ ਵਿਚ ਸਵਾਗਤ ਕੀਤਾ। ਗਲੈਡੂ ਪੇਸ਼ੇ ਤੋਂ ਇੰਜੀਨੀਅਰ ਹੈ ਅਤੇ ਉਨ੍ਹਾਂ 2020 ਵਿਚ ਕੰਜ਼ਰਵੇਟਿਵ ਪਾਰਟੀ ਦੀ ਲੀਡਰਸ਼ਿਪ ਦੀ ਚੋਣ ਵੀ ਲੜੀ ਸੀ।

ਇਸ ਘਟਨਾਕ੍ਰਮ ਨੇ ਕੰਜ਼ਰਵੇਟਿਵ ਲੀਡਰ ਪੀਅਰ ਪੌਲੀਐਵ ਦੀਆਂ ਮੁਸ਼ਕਲਾਂ ਵਧਾ ਦਿੱਤੀਆਂ ਹਨ ਕਿਉਂਕਿ ਗਲੈਡੂ ਸਮੇਤ ਉਨ੍ਹਾਂ ਦੇ ਚਾਰ ਮੈਂਬਰ ਪਾਰਲੀਮੈਂਟ ਲਿਬਰਲ ਪਾਰਟੀ ਵਿਚ ਸ਼ਾਮਲ ਹੋ ਚੁੱਕੇ ਹਨ।