10.28C Vancouver 10.28C VancouverFeb 24, 2020 3:17 PM -
ਓਨਟਾਰਿਓ ਵਿੱਚ ਬੈੱਲਵਿਲ ਦੇ ਨਜ਼ਦੀਕ ਲੱਗੇ ਰੇਲ ਨਾਕੇ ਨੂੰ ਹਟਾਉਣ ਵਾਸਤੇ, ਪੁਲਿਸ ਨੇ ਸੋਮਵਾਰ ਸਵੇਰ ਤੋਂ ਕਦਮ ਵਧਾਉਣੇ ਸ਼ੁਰੂ ਕਰ ਦਿੱਤੇ ਸਨ।
ਓਨਟਾਰਿਓ ਪ੍ਰੋਵਿੰਸ਼ਲ ਪੁਲਿਸ ਅਫਸਰਾਂ ਨੇ ਦਰਜਨਾਂ ਪ੍ਰਦਰਸ਼ਨਕਾਰੀਆਂ ਨੂੰ ਹਿਰਾਸਤ ਵਿੱਚ ਵੀ ਲਿਆ।
ਟੋਰਾਂਟੋ ਦੇ ਪੂਰਬੀ ਇਲਾਕੇ ਵਿੱਚ ਸਥਿਤ ਬੈੱਲਵਿਲ ਦੇ ਨਜ਼ਦੀਕ ਟੈਨਡਿਨਾਗਾ ਮੋਹਾਕ ਟੈਰੀਟੋਰੀ (Tyendinaga Mohawk territory) ਵਿਖੇ ਪਿੱਛਲੇ 3 ਹਫਤੇ ਤੋਂ ਇਹ ਨਾਕੇ ਲਾਏ ਗਏ ਹਨ ਜਿਨ੍ਹਾਂ ਸਦਕਾ ਰੇਲ ਸੇਵਾਵਾਂ ਵਿੱਚ ਵੱਡਾ ਵਿਘਨ ਪੈ ਰਿਹਾ ਹੈ।
ਇਹ ਪ੍ਰਦਰਸ਼ਨ ਬੀ.ਸੀ. ਵਿੱਚ ਕੋਸਟਲ ਗੈਸਲਿੰਕ ਪਾਈਪਲਾਈਨ ਦੇ ਵਿਰੋਧ ਵਿੱਚ ਕੀਤੇ ਜਾ ਰਹੇ ਹਨ।
ਓ.ਪੀ.ਪੀ. ਅਤੇ ਸੀ.ਏਨ.ਰੇਲ. ਵਲੋਂ ਪ੍ਰਦਰਸ਼ਨਕਾਰੀਆਂ ਨੂੰ ਇਥੋਂ ਹਟਣ ਲਈ ਐਤਵਾਰ ਅੱਧੀ ਰਾਤ ਤੱਕ ਦਾ ਸਮਾਂ ਦਿੱਤਾ ਗਿਆ ਸੀ ਅਤੇ ਅਜਿਹਾ ਨਾਂ ਕਰਨ ਦੀ ਸੂਰਤ ਵਿੱਚ ਉਨ੍ਹਾਂ ਨੂੰ ਕਾਨੂੰਨੀ ਕਾਰਵਾਈ ਦਾ ਸਾਮਣਾ ਕਰਨਾ ਪੈ ਸਕਦਾ ਹੈ।
