10.19C Vancouver 10.19C VancouverMar 23, 2020 3:37 PM -
ਓਨਟਾਰੀਓ ਵਿੱਚ ਕੋਵਿੱਡ-19 ਦੇ 78 ਨਵੇਂ ਕੇਸ ਉਭਰਕੇ ਸਾਹਮਣੇ ਆਏ ਹਨ, ਜਿਸ ਨਾਲ ਸੂਬੇ ਵਿੱਚ ਵਾਇਰਸ ਤੋਂ ਪੀੜਤ ਵਿਅਕਤੀਆਂ ਦੀ ਕੁੱਲ ਗਿਣਤੀ ਹੁਣ 503 ਹੋ ਗਈ ਹੈ।
ਇੱਕ ਦਿਨ ਵਿੱਚ ਹੋਣ ਵਾਲਾ ਇਹ ਹੁਣ ਤੱਕ ਦਾ ਸਭ ਤੋਂ ਵੱਡਾ ਵਾਧਾ ਹੈ।
ਕੋਰੋਨਾਵਾਇਰਸ ਕਾਰਨ ਹੁਣ ਤੱਕ ਓਨਟਾਰੀਓ ਵਿੱਚ 6 ਵਿਅਕਤੀਆਂ ਦੀਆਂ ਜਾਨਾਂ ਜਾ ਚੁੱਕੀਆਂ ਹਨ ਅਤੇ 8 ਵਿਅਕਤੀ ਪੂਰੀ ਤਰ੍ਹਾਂ ਠੀਕ ਹੋ ਗਏ ਹਨ।
ਨਵੇਂ ਉੱਭਰਕੇ ਸਾਹਮਣੇ ਆਏ ਕੇਸਾਂ ਵਿੱਚ ਤੀਹਵਿਆਂ ਦੀ ਉਮਰ ਦੀ ਇੱਕ ਔਰਤ, ਚਾਲੀਵਿਆਂ ਦੀ ਉਮਰ ਦਾ ਇਕ ਆਦਮੀ, ਦੋ ਪੰਜਾਵਿਆਂ ਦੀ ਉਮਰ ਦੇ ਵਿਅਕਤੀ ਅਤੇ ਦੋ ਸੱਤਰਵਿਆਂ ਦੀ ਉਮਰ ਦੇ ਵਿਅਕਤੀ ਸ਼ਾਮਲ ਹਨ।
ਇਨ੍ਹਾਂ 6 ਪੀੜਤਾਂ ਦਾ ਇਲਾਜ ਹਸਪਤਾਲ ਵਿੱਚ ਚੱਲ ਰਿਹਾ ਹੈ।
ਦਰਜਨਾਂ ਨਵੇਂ ਕੇਸਾਂ ਬਾਰੇ ਫਿਲਹਾਲ ਵੇਰਵਾ ਸਾਹਮਣੇ ਨਹੀਂ ਆਇਆ ਹੈ।
ਐਤਵਾਰ ਤੋਂ ਹੁਣ ਤੱਕ 1,950 ਤੋਂ ਵੱਧ ਵਿਅਕਤੀਆਂ ਦੇ ਟੈਸਟ ਨੈਗੇਟਿਵ ਆਏ ਹਨ ਅਤੇ 8,000 ਤੋਂ ਵੱਧ ਵਿਅਕਤੀ ਆਪਣੇ ਟੈਸਟਾਂ ਦੇ ਨਤੀਜਿਆਂ ਦੀ ਉਡੀਕ ਵਿੱਚ ਹਨ।
