14.26C Vancouver 14.26C VancouverSep 24, 2020 7:28 PM -
ਮੈਡੀਕਲ ਮਾਹਿਰਾਂ ਦਾ ਕਹਿਣਾ ਹੈ ਕਿ ਔਨਟੈਰੀਓ ਵਿਚ ਟੈੱਸਟਿੰਗ ਸਟਰੈਟੇਜੀਜ਼ ਵਿਚ ਕੀਤਾ ਗਿਆ ਬਦਲਾਅ, ਕੋਵਿਡ-19 ਪੈਨਡੇਮਿਕ ਦੀ ਦੂਸਰੀ ਲਹਿਰ ਨਾਲ ਲੜਨ ਸੰਬੰਧੀ ਚੁਣੌਤੀਆਂ ਨੂੰ ਉਜਾਗਰ ਕਰਦਾ ਹੈ।
ਅੱਜ ਪ੍ਰੀਮੀਅਰ ਡੱਗ ਫੋਰਡ ਵੱਲੋਂ ਘੋਸ਼ਣਾ ਕੀਤੀ ਗਈ ਕਿ ਅਸੈੱਸਮੈਂਸ ਸੈਂਟਰਾਂ ਵਿਚ ਸਿਰਫ਼ ਉਨ੍ਹਾਂ ਲੋਕਾਂ ਨੂੰ ਹੀ ਦੇਖਿਆ ਜਾਵੇਗਾ ਜਿੰਨ੍ਹਾਂ ਨੂੰ ਬਿਮਾਰੀ ਦੇ ਲੱਛਣ ਹਨ, ਜੋ ਲੋਕ ਕਿਸੇ ਸੰਕਰਮਿਤ ਵਿਅਕਤੀ ਦੇ ਸੰਪਰਕ ਵਿਚ ਆਏ ਹਨ ਜਾਂ ਫਿਰ ਵੱਧ ਖਤਰੇ ਵਾਲੇ ਮਾਹੌਲ ਵਿਚ ਕੰਮ ਕਰਦੇ ਹਨ।
ਸ਼ੁੱਕਰਵਾਰ ਤੋਂ ਏਸਿੰਪਟੋਮੈਟਿਕ ਵਸਨੀਕਾਂ ਵਾਸਤੇ ਟੈੱਸਟਿੰਗ ਅਪੋਇੰਟਮੈਂਟ ਰਾਹੀਂ ਸੂਬੇ ਦੀਆਂ 60 ਫਾਸਮੇਸੀਸ ਤੇ ਕੀਤੀਆਂ ਜਾਣੀਆਂ ਸ਼ੁਰੂ ਹੋਣਗੀਆਂ।
ਇਹ ਕਦਮ ਸਰਕਾਰ ਦੇ ਪਹਿਲੇ ਸੰਦੇਸ਼ ਤੋਂ ਉਲਟ ਹੈ ਕਿ ਕੋਈ ਵੀ ਵਿਅਕਤੀ ਬਿਨ੍ਹਾਂ ਲੱਛਣਾ ਜਾਂ ਫਿਰ ਸੰਭਾਵੀ ਐਕਸਪੋਜ਼ਰ ਦੇ ਵੀ ਟੈੱਸਟ ਕਰਵਾ ਸਕਦਾ ਹੈ।
ਅਧਿਕਾਰੀਆਂ ਦਾ ਕਹਿਣਾ ਹੈ ਕਿ ਸੂਬੇ ਵਿਚ ਪਿਛਲੇ ਕੁਝ ਦਿਨਾਂ ਤੋਂ ਵੱਧ ਰਹੇ ਮਾਮਲਿਆਂ ਅਤੇ ਸੂਬੇ ਵਿਚ ਟੈੱਸਟਿੰਗ ਦੀ ਸਮਰੱਥਾ ਨੂੰ ਧਿਆਨ ਵਿਚ ਰੱਖਦੇ ਹੋਏ ਇਹ ਕਦਮ ਚੁੱਕਿਆ ਗਿਆ ਹੈ।
