18.97C Vancouver 18.97C VancouverAug 12, 2020 7:08 PM -
ਬੀ.ਸੀ. ਦੇ ਸਿੱਖਿਆ ਮੰਤਰੀ ਰੌਬ ਫਲੈਮਿੰਗ ਨੇ ਸਿਤੰਬਰ ਮਹੀਨੇ ਤੋਂ ਕਲਾਸਾਂ ਦੀ ਪੜ੍ਹਾਅਵਾਰ ਸ਼ੁਰੂਆਤ ਦਾ ਐਲਾਨ ਕੀਤਾ ਹੈ।
ਵਿਦਿਆਰਥੀਆਂ ਦੇ 10 ਸਿਤੰਬਰ ਤੋਂ ਕਲਾਸਾਂ 'ਚ ਪਹੁੰਚਣ ਦੀ ਉਮੀਦ ਹੈ।
8 ਸਿਤੰਬਰ ਤੋਂ ਸਕੂਲ ਸਟਾਫ਼ ਦੀ ਸਕੂਲਾਂ ਦੀ ਸਿਹਤ ਅਤੇ ਸੁਰੱਖਿਆ ਕਮੇਟੀ ਦੇ ਨਾਲ ਗੱਲਬਾਤ ਹੋਵੇਗੀ ਅਤੇ ਕੋਵਿਡ-19 ਦੇ ਸੰਕ੍ਰਮਣ ਨੂੰ ਰੋਕਣ ਲਈ ਪਲੈਨ ਬਣਾਏ ਜਾਣਗੇ।
ਉਨ੍ਹਾਂ ਕੋਲ ਨਵੇਂ ਰੁਟੀਨ ਦੇ ਅਨੁਸਾਰ ਖੁਦ ਨੂੰ ਤਿਆਰ ਕਰਨ ਦਾ ਸਮਾਂ ਵੀ ਹੋਵੇਗਾ, ਅਤੇ ਇਸੇ ਅਨੁਸਾਰ ਲੈਸਨ ਪਲੈਨ ਵੀ ਬਣਾਏ ਜਾਣਗੇ।
ਰੌਬ ਫਲੈਮਿੰਗ ਨੇ ਕਿਹਾ ਕਿ ਸਿਤੰਬਰ 'ਚ ਸਕੂਲ ਥੋੜੇ ਵੱਖਰੇ ਨਜ਼ਰ ਆਉਣਗੇ।
ਉਨ੍ਹਾਂ ਕਿਹਾ ਕਿ ਸਟਾਫ਼, ਵਿਦਿਆਰਥੀ ਅਤੇ ਮਾਪਿਆਂ ਨੂੰ ਨਵੇਂ ਸਿਹਤ ਅਤੇ ਸੁਰੱਖਿਆ ਪ੍ਰੋਸੀਜਰ ਦੇ ਹਿਸਾਬ ਨਾਲ ਖੁਦ ਨੂੰ ਤਿਆਰ ਕਰਨ ਲਈ ਕੁਝ ਸਮੇਂ ਦੇ ਲੋੜ ਹੋਵੇਗੀ।
ਵਿਦਿਆਰਥੀਆਂ ਦੀ ਓਰੀਐਂਟੇਸ਼ਨ 10 ਸਿਤੰਬਰ ਨੂੰ ਹੋਵੇਗੀ ਅਤੇ ਉਨ੍ਹਾਂ ਨੂੰ ਆਪਣੇ ਕਲਾਸ ਅਸਾਈਨਮੈਂਟਸ ਅਤੇ 'ਲਰਨਿੰਗ ਗਰੁੱਪ' ਬਾਰੇ ਪਤਾ ਲੱਗ ਸਕੇਗਾ।
ਯਾਦ ਰਹੇ ਵਿਦਿਆਰਥੀਆਂ ਦੇ ਪਹਿਲਾਂ 8 ਸਿਤੰਬਰ ਨੂੰ ਕਲਾਸਾਂ 'ਚ ਮੁੜਨ ਦੀ ਆਸ ਸੀ।
ਪੂਰੇ ਪਲੈਨ ਸੰਬੰਧੀ ਵਧੇਰੇ ਵੇਰਵੇ ਉਸ ਵੇਲੇ ਸਾਂਝੇ ਕੀਤੇ ਜਾ ਰਹੇ ਹਨ, ਜਦ ਬੀ.ਸੀ. ਟੀਚਰਜ਼ ਐਸੋਸੀਏਅਸ਼ਨ ਅਤੇ ਬੀ.ਸੀ. ਪ੍ਰਿੰਸੀਪਲਜ਼ ਅਤੇ ਵਾਈਸ ਪ੍ਰਿੰਸੀਪਲਜ਼ ਐਸੋਸੀਏਅਸ਼ਨ ਵੱਲੋਂ ਇਸ 'ਤੇ ਸਵਾਲ ਖੜੇ ਕੀਤੇ ਗਏ ਸਨ।
