ਪੀ.ਐਮ.ਕਾਰਨੀ ਨੇ ਬੀ. ਸੀ. ਵਿਚੋਂ ਪਾਈਪਲਾਈਨ ਲੰਘਣ ਦਾ ਰਸਤਾ ਕੀਤਾ ਸਾਫ਼

ਪ੍ਰਧਾਨ ਮੰਤਰੀ ਮਾਰਕ ਕਾਰਨੀ ਨੇ ਬੀ. ਸੀ. ਵਿਚੋਂ ਪਾਈਪਲਾਈਨ ਲੰਘਣ ਦਾ ਰਸਤਾ ਸਾਫ ਕਰ ਦਿੱਤਾ ਹੈ। ਉਨ੍ਹਾਂ ਅੱਜ ਐਲਬਰਟਾ ਦੀ ਪ੍ਰੀਮੀਅਰ ਡੈਨੀਅਲ ਸਮਿਥ ਨਾਲ ਇਸ ਸਬੰਧੀ ਐਨਰਜੀ ਫਰੇਮਵਰਕ 'ਤੇ ਦਸਤਖ਼ਤ ਕੀਤੇ। ਇਸ ਨਵੀਂ ਪਾਈਪਲਾਈਨ ਦਾ ਮਕਸਦ ਏਸ਼ੀਆ ਨੂੰ ਤੇਲ ਦੀ ਸਪਲਾਈ ਕਰਨਾ ਹੋਵੋਗਾ। ਕਾਰਨੀ ਨੇ ਇਸ ਡੀਲ ਨੂੰ ਐਲਬਰਟਾ ਅਤੇ ਕੈਨੇਡਾ ਲਈ ਗ੍ਰੇਟ ਡੇਅ ਦੱਸਿਆ, ਪ੍ਰਧਾਨ ਮੰਤਰੀ ਨੇ ਕਿਹਾ ਕਿ ਇਹ ਕਦਮ ਕੈਨੇਡਾ ਨੂੰ ਵਧੇਰੇ ਮਜ਼ਬੂਤ ਅਤੇ ਸੁਤੰਤਰ ਬਣਾਏਗਾ।

ਇਸ ਡੀਲ ਦੀ ਘੋਸ਼ਣਾ ਕੈਲਗਰੀ ਵਿਚ ਕੀਤੀ ਗਈ, ਜੋ ਕਿ ਬੀ. ਸੀ. ਦੇ ਪ੍ਰੀਮੀਅਰ ਡੇਵਿਡ ਈਬੀ ਦੇ ਇਤਰਾਜ਼ਾਂ ਵਿਚਕਾਰ ਹੋਈ ਹੈ। ਪੀ. ਐੱਮ. ਕਾਰਨੀ ਨੇ ਕਿਹਾ ਕਿ ਵਿਸ਼ਵ ਵਪਾਰ ਵਿਚ ਤਬਦੀਲੀਆਂ ਅਤੇ ਅਨਿਸ਼ਚਿਤਤਾ ਦੇ ਮੱਦੇਨਜ਼ਰ ਅਸੀਂ ਇੱਕ ਮਜ਼ਬੂਤ, ਵਧੇਰੇ ਟਿਕਾਊ, ਵਧੇਰੇ ਕੰਪੈਟਿਟਿਵ ਅਤੇ ਵਧੇਰੇ ਸੁਤੰਤਰ ਅਰਥਵਿਵਸਥਾ ਬਣਾਉਣ ਲਈ ਕੰਮ ਕਰ ਰਹੇ ਹਾਂ ਅਤੇ ਕੈਨੇਡਾ ਦਾ ਅਲਬਰਟਾ ਨਾਲ ਸਮਝੌਤਾ ਇਹ ਯਕੀਨੀ ਬਣਾਏਗਾ ਕਿ ਅਸੀਂ ਮਿਲ ਕੇ ਉਸ ਮਿਸ਼ਨ ਨੂੰ ਅੱਗੇ ਵਧਾ ਸਕੀਏ।