19.32C Vancouver 19.32C VancouverMar 30, 2021 5:34 PM -
ਕੈਨੇਡਾ ਵੱਲੋਂ ਇਸਲਾਮਿਕ ਸਟੇਟ ਖਿਲਾਫ਼ ਲੜਾਈ ਨੂੰ ਜਾਰੀ ਰੱਖਿਆ ਜਾ ਰਿਹਾ ਹੈ।
ਰੱਖਿਆ ਮੰਤਰੀ ਹਰਜੀਤ ਸੱਜਣ ਨੇ ਦੱਸਿਆ ਹੈ ਕਿ ਕੈਨੇਡਾ ਵੱਲੋਂ ਆਪਣੇ 850 ਟਰੂਪਸ ਨੂੰ ਇਰਾਕ 'ਚ ਇੱਕ ਹੋਰ ਸਾਲ ਤਕ ਰੱਖਣ ਦਾ ਫੈਸਲਾ ਲਿਆ ਗਿਆ ਹੈ।
ਹੁਣ ਇਹ ਫੌਜੀ ਟੀਮਾਂ ਅਗਲੇ ਮਾਰਚ ਤਕ ਇਰਾਕ ਅਤੇ ਆਲੇ-ਦੁਆਲੇ ਦੇ ਇਲਾਕੇ 'ਚ ਰਹਿਣਗੀਆਂ।
ਇਸ ਮਿਸ਼ਨ ਦੀ ਸ਼ੁਰੂਆਤ ਅਕਤੂਬਰ 2014 'ਚ ਹੋਈ ਸੀ।
ਇਹ ਐਕਸਟੈਨਸ਼ਨ ਉਸ ਵੇਲੇ ਹੋਈ ਹੈ ਜਦ ਇਸ ਮਿਸ਼ਨ ਦੇ ਖਤਮ ਹੋਣ 'ਚ ਸਿਰਫ ਇੱਕ ਦਿਨ ਬਾਕੀ ਸੀ।
ਕੁਝ ਅਜਿਹੀ ਚਿੰਤਾਵਾਂ ਵੀ ਹਨ ਕਿ ਇਰਾਕ 'ਚ ਇਰਾਨ ਦਾ ਪ੍ਰਭਾਵ ਵੱਧ ਰਿਹਾ ਹੈ ਅਤੇ ਤਹਿਰਾਨ 'ਚ ਸ਼ੀਆ ਮਿਲੀਟੈਂਟ ਗਰੁੱਪਸ ਨੂੰ ਸਹਿਯੋਗ ਪ੍ਰਦਾਨ ਕੀਤਾ ਜਾ ਰਿਹਾ ਹੈ।
ਇਹ ਅਜਿਹੇ ਗਰੁੱਪ ਹਨ ਜਿੰਨਾ ਬਾਰੇ ਮੰਨਿਆ ਜਾਂਦਾ ਹੈ ਕਿ ਇਹਨਾਂ ਨੇ ਇਰਾਕ 'ਚ ਆਈ.ਐਸ.ਆਈ.ਐਲ. ਦੇ ਮੁੱਖ ਖਤਰੇ ਦੀ ਜਗ੍ਹਾ ਖੁਦ ਨੂੰ ਸਥਾਪਿਤ ਕਰ ਲਿਆ ਹੈ।
ਲਿਬਰਲ ਸਰਕਾਰ ਨੇ ਪਹਿਲਾਂ ਇਸ ਮਿਸ਼ਨ ਸੰਬੰਧੀ ਟਰੂਪਸ ਦੀ ਗਿਣਤੀ ਨੂੰ 850 ਤਕ ਰੱਖਿਆ ਸੀ ਪਰ ਬੀਤੇ ਕੁਝ ਸਮੇਂ 'ਚ ਟਰੂਪਸ ਨੂੰ ਵਾਪਿਸ ਸੱਦਿਆ ਜਾਂਦਾ ਰਿਹਾ ਸੀ।
