17.68C Vancouver 17.68C VancouverJun 11, 2020 4:17 PM -
ਕੋਵਿਡ-19 ਮਹਾਂਮਾਰੀ ਦੇ ਪ੍ਰਭਾਵ ਕਾਰਨ ਆਰਥਿਕ ਨੁਕਸਾਨ ਸਹਿ ਰਹੇ ਇਨਡਿਜਨਸ ਵਪਾਰਾਂ ਨੂੰ ਮਦਦ ਦੇਣ ਵਾਸਤੇ ਔਟਵਾ ਵੱਲੋਂ $133 ਮਿਲੀਅਨ ਦੇ ਸਹਿਯੋਗ ਦਾ ਐਲਾਨ ਕੀਤਾ ਗਿਆ ਹੈ।
ਪ੍ਰਧਾਨ ਮੰਤਰੀ ਜਸਟਿਨ ਟਰੂਡੋ ਨੇ ਕਿਹਾ ਕਿ ਫਰਸਟ ਨੇਸ਼ਨਜ਼, ਇਨੁਯਿਤ ਅਤੇ ਮੈਟੀ ਵਪਾਰ ਮਾਲਕਾਂ ਲਈ ਬੀਤੇ ਕੁਝ ਮਹੀਨੇ ਚੁਣੌਤੀਆਂ ਨਾਲ ਭਰਪੂਰ ਰਹੇ ਹਨ ਜਿਸ ਕਾਰਨ ਫੈਡਰਲ ਸਰਕਾਰ ਵੱਲੋਂ ਇਹ ਫੈਸਲਾ ਲਿਆ ਗਿਆ ਹੈ।
ਅੱਜ ਐਲਾਨੀ ਗਈ ਰਕਮ ਵਿੱਚੋਂ $117 ਮਿਲੀਅਨ ਭਾਈਚਾਰੇ ਦੇ ਛੋਟੇ ਵਪਾਰਾਂ ਨੂੰ ਮੁਹੱਈਆ ਕਰਵਾਏ ਜਾਣਗੇ।
ਬਾਕੀ $16 ਮਿਲੀਅਨ ਟੂਰਿਜ਼ਮ ਖੇਤਰ ਲਈ ਉਪਲੱਬਧ ਹੋਣਗੇ ਜਿਸ ਰਾਹੀਂ ਦੇਸ਼ ਭਰ ਵਿੱਚ ਹਜ਼ਾਰਾਂ ਨੌਕਰੀਆਂ ਨੂੰ ਸਹਿਯੋਗ ਮਿਲਦਾ ਹੈ।
ਫੈਡਰਲ ਐਮਰਜੈਂਸੀ ਰਾਹਤ ਅਧੀਨ ਅਪਰੈਲ ਵਿੱਚ $306 ਮਿਲੀਅਨ ਇਨਡਿਜਨਸ ਭਾਈਚਾਰੇ ਦੇ ਮੱਧ ਆਕਾਰ ਦੇ ਵਪਾਰਾਂ ਲਈ ਐਲਾਨਿਆ ਗਿਆ ਸੀ।
ਉਸ ਰਕਮ ਰਾਹੀਂ ਐਬਓਰਿਜਨਲ ਵਿੱਤੀ ਸੰਸਥਾਵਾਂ ਵੱਲੋਂ ਫਰਸਟ ਨੇਸ਼ਨਜ਼, ਇਨੁਯਿਤ ਅਤੇ ਮੈਟੀ ਵਪਾਰਾਂ ਨੂੰ ਘੱਟ ਸਮੇਂ ਲਈ ਇੰਟਰਸਟ ਮੁਕਤ ਲੋਨ ਮੁਹੱਈਆ ਕਰਵਾਉਣ ਦਾ ਟੀਚਾ ਸੀ।
