17.24C Vancouver 17.24C VancouverMay 7, 2026 4:02 PM - Connect Newsroom - Ramandeep Kaur with files from The Canadian Press
ਕੈਨੇਡਾ ਸਰਕਾਰ ਨੇ ਸ਼ਰਣ ਮੰਗਣ ਵਾਲੇ ਅਤੇ ਰਫਿਊਜੀ Claimants ਲਈ ਫ੍ਰੀ ਹੈਲਥ ਕੇਅਰ ਸਰਵਿਸ ਨੂੰ ਸੀਮਤ ਕਰਨ ਨਾਲ $140 ਮਿਲੀਅਨ ਦੀ ਬਚਤ ਹੋਣ ਦੀ ਉਮੀਦ ਜਤਾਈ ਹੈ। ਨਵੇਂ ਨਿਯਮਾਂ ਤਹਿਤ ਅੰਤਰਿਮ ਫੈਡਰਲ ਹੈਲਥ ਪ੍ਰੋਗਰਾਮ ਤਹਿਤ ਹੁਣ ਸ਼ਰਨਾਰਥੀਆਂ ਨੂੰ prescriptions, ਮੈਂਟਲ ਹੈਲਥ counselling ਲਈ ਪੱਲਿਓਂ ਇੱਕ ਹਿੱਸੇ ਦਾ ਭੁਗਤਾਨ ਕਰਨਾ ਪੈ ਰਿਹਾ ਹੈ।
ਇਹ ਸਹਿ-ਭੁਗਤਾਨ ਸਿਸਟਮ 1 ਮਈ ਤੋਂ ਪ੍ਰਭਾਵੀ ਹੋਇਆ ਸੀ ਅਤੇ ਹਰ prescription ਲਈ ਹੁਣ $4 ਦੀ ਫੀਸ ਲਾਗੂ ਹੈ। ਇਸ ਤੋਂ ਇਲਾਵਾ, ਅਜਿਹੀਆਂ ਸੇਵਾਵਾਂ ਜੋ ਆਮ ਤੌਰ 'ਤੇ ਪਬਲਿਕ ਹੈਲਥ ਸਿਸਟਮ ਵਿਚ ਸ਼ਾਮਲ ਨਹੀਂ ਹਨ ਜਿਵੇਂ ਕਿ ਡੈਂਟਲ ਅਤੇ ਵਿਜ਼ਨ ਕੇਅਰ ਉਨ੍ਹਾਂ ਦੀ ਲਾਗਤ ਦਾ 30 ਫੀਸਦੀ ਹਿੱਸਾ ਵੀ ਖੁਦ ਭਰਨਾ ਹੋਵੇਗਾ। ਫੈਡਰਲ ਐਨਡੀਪੀ ਸੰਸਦ ਮੈਂਬਰ ਹੀਥਰ ਮੈਕਫਰਸਨ ਦੇ ਸਵਾਲ ਦੇ ਜਵਾਬ ਵਿਚ ਸਰਕਾਰ ਵੱਲੋਂ ਦਿੱਤੇ ਗਏ ਅੰਕੜਿਆਂ ਅਨੁਸਾਰ, $93 ਮਿਲੀਅਨ ਦੀ ਵੱਡੀ ਬਚਤ ਇਕੱਲੇ ਡੈਂਟਲ ਕੇਅਰ ਵਿਚ ਹੋਵੇਗੀ।
ਰਾਹਤ ਦੀ ਗੱਲ ਇਹ ਹੈ ਕਿ ਡੌਕਟਰ ਕੋਲ ਰੂਟੀਨ ਚੈੱਕਅਪ ਅਤੇ ਐਮਰਜੈਂਸੀ ਦਵਾਈ ਪਹਿਲਾਂ ਵਾਂਗ ਹੀ ਪੂਰੀ ਤਰ੍ਹਾਂ ਮੁਫ਼ਤ ਹੈ। ਗੌਰਤਲਬ ਹੈ ਕਿ ਪਾਰਲੀਮੈਂਟਰੀ ਬਜਟ ਔਫੀਸਰ ਦੀ ਫਰਵਰੀ ਦੀ ਰਿਪੋਰਟ ਵਿਚ ਫਿਕਸਲ ਸਾਲ 2026-27 ਲਈ ਇਸ ਪ੍ਰੋਗਰਾਮ ਦੀ ਕੁੱਲ ਲਾਗਤ $1.1 ਬਿਲੀਅਨ ਹੋਣ ਦਾ ਅਨੁਮਾਨ ਲਗਾਇਆ ਗਿਆ ਸੀ, ਜਿਸ ਨੂੰ ਘਟਾਉਣ ਲਈ ਇਹ ਸਖ਼ਤ ਕਦਮ ਚੁੱਕੇ ਗਏ ਹਨ।
