7.92C Vancouver 7.92C VancouverMay 29, 2020 12:39 AM -
ਬੀ.ਸੀ. ਵਿੱਚ ਮਿਸ਼ਨ ਦੀ ਜੇਲ੍ਹ 'ਚ ਸਾਹਮਣੇ ਆਏ ਕੋਵਿਡ-19 ਆਊਟਬ੍ਰੇਕ ਨੂੰ ਖਤਮ ਹੋ ਗਿਆ ਦੱਸਿਆ ਗਿਆ ਹੈ। ਡਾ. ਬੌਨੀ ਹੈਨਰੀ ਨੇ ਕਿਹਾ ਕਿ ਬੀਤੇ ਦੋ ਇੰਕਯੁਬੇਸ਼ਨ ਪੀਰੀਅਡਜ਼ ਦੌਰਾਨ ਇਸ ਜੇਲ੍ਹ ਤੋਂ ਕੋਈ ਵਾਇਰਸ ਸੰਬੰਧੀ ਮਾਮਲਾ ਸਾਹਮਣੇ ਨਹੀਂ ਆਇਆ ਹੈ। ਇਹ ਜੇਲ੍ਹ, ਸੂਬੇ ਦੇ ਸਭ ਤੋਂ ਵੱਡੇ ਆਊਟਬ੍ਰੇਕ ਮਾਮਲਿਆਂ ਵਿੱਚੋਂ ਇੱਕ ਸੀ। 130 ਤੋਂ ਵਧੇਰੇ ਇਨਮੇਟ ਅਤੇ ਸਟਾਫ ਦੇ ਲੋਕ ਵਾਇਰਸ ਤੋਂ ਪੀੜਤ ਪਾਏ ਗਏ ਸਨ। ਇੱਕ ਇਨਮੇਟ ਦੀ ਮੌਤ ਵੀ ਹੋ ਗਈ ਸੀ। ਡਾ. ਹੈਨਰੀ ਨੇ ਦੱਸਿਆ ਕਿ ਵਾਇਰਸ ਦੇ ਫੈਲਾਅ ਤੋਂ ਬਚਾਅ ਦੇ ਲਈ ਜਿਹੜੇ ਕਦਮ ਉਠਾਏ ਗਏ ਸਨ, ਉਨ੍ਹਾਂ ਦੀ ਵਰਤੋਂ ਫੈਡਰਲ ਕ੍ਰੈਕਸ਼ਨਲ ਫੈਸਿਲਟੀਆਂ 'ਚ ਵੀ ਹੋ ਰਹੀ ਹੈ।
ਲਗਾਤਾਰ ਦੂਜੇ ਦਿਨ 9 ਮਾਮਲੇ ਹੋਏ ਰਿਪੋਰਟ
ਬੀ.ਸੀ. ਦੀ ਪ੍ਰੋਵਿੰਸ਼ੀਅਲ ਸਿਹਤ ਅਫਸਰ, ਡਾ. ਬੌਨੀ ਹੈਨਰੀ ਅਤੇ ਸਿਹਤ ਮੰਤਰੀ ਐਡਰੀਅਨ ਡਿਕਸ ਨੇ ਸੂਬੇ 'ਚ ਕੋਰੋਨਾ ਵਾਇਰਸ ਦੇ 9 ਹੋਰ ਮਾਮਲੇ ਸਾਹਮਣੇ ਆਉਣ ਦੀ ਜਾਣਕਾਰੀ ਦਿੱਤੀ ਹੈ। ਇਹ ਮਾਮਲੇ ਬੁੱਧਵਾਰ ਤੋਂ ਵੀਰਵਾਰ ਵਿਚਾਲੇ ਦੇ 24 ਘੰਟਿਆਂ ਦੇ ਦਰਮਿਆਨ ਦੇ ਹਨ। ਹੁਣ ਬੀ.ਸੀ. 'ਚ ਕੋਵਿਡ-19 ਦੇ ਕੁੱਲ ਮਾਮਲਿਆਂ ਦੀ ਗਿਣਤੀ 2,558 ਹੋ ਗਈ ਹੈ। ਸਿਹਤ ਅਧਿਕਾਰੀਆਂ ਨੇ ਜਾਣਕਾਰੀ ਦਿੱਤੀ ਕਿ ਸੂਬੇ ਦੇ ਦੋ ਹੋਰ ਵਾਇਰਸ ਪੀੜਤਾਂ ਨੇ ਦਮ ਤੋੜ ਦਿੱਤਾ ਹੈ। ਹੁਣ ਵਾਇਰਸ ਸੰਬੰਧੀ ਮੌਤਾਂ ਦੀ ਗਿਣਤੀ 164 ਹੋ ਗਈ ਹੈ। ਵਾਇਰਸ ਲਈ ਪਾਜ਼ਿਟਿਵ ਪਾਏ ਜਾਣ ਵਾਲੇ 2,153 ਲੋਕ ਇਸ ਤੋਂ ਰਿਕਵਰ ਕਰ ਚੁੱਕੇ ਹਨ।
ਐਨ.ਐਚ.ਐਲ. ਮੁਕਾਬਲਿਆਂ ਲਈ ਨਹੀਂ ਮਿਲਿਆ ਕੋਈ ਲਿਖਤ ਪ੍ਰਪੋਜ਼ਲ
ਡਾ. ਬੌਨੀ ਹੈਨਰੀ ਨੂੰ ਪੁੱਛਿਆ ਗਿਆ ਕਿ ਵੈਨਕੂਵਰ 'ਚ ਐਨ.ਐਚ.ਐਲ. ਦੇ ਮੁਕਾਬਲਿਆਂ ਬਾਰੇ ਕੋਈ ਵਿਚਾਰ ਕੀਤਾ ਜਾ ਰਿਹਾ ਹੈ, ਤਾਂ ਡਾ. ਬੌਨੀ ਹੈਨਰੀ ਨੇ ਕਿਹਾ ਕਿ ਫ਼ਿਲਹਾਲ ਐਨ.ਐਚ.ਐਲ. ਵੱਲੋਂ ਕੋਈ ਲਿਖਤੀ ਪ੍ਰਪੋਜ਼ਲ ਨਹੀਂ ਭੇਜਿਆ ਗਿਆ ਹੈ। ਪਰ ਉਨ੍ਹਾਂ ਦੱਸਿਆ ਕਿ ਕੁਆਰੰਟੀਨ ਸੰਬੰਧੀ ਨਿਯਮਾਂ ਦੀ ਸਹੀ ਪਾਲਣਾ ਅਤੇ ਮੁਕਾਬਲਿਆਂ 'ਚ ਛੋਟੇ ਇਕੱਠ ਆਸਰੇ ਮੁਕਾਬਲੇ ਕਰਵਾਉਣ ਬਾਰੇ ਵਿਚਾਰ ਕੀਤਾ ਜਾ ਸਕਦਾ ਹੈ।
