21.55C Vancouver 21.55C VancouverDec 10, 2020 8:47 AM -
ਦਿੱਲੀ ਦੇ ਕਈ ਬਰਡਰਾਂ 'ਚੋਂ ਇੱਕ ਸਿੰਘੂ ਬਾਰਡਰ 'ਤੇ ਹਰ ਵੇਲੇ 50 ਤੋਂ ਵੱਧ ਮੈਡੀਕਲ ਕੈਂਪ ਲੱਗੇ ਹੋਏ ਹਨ, ਜਿੱਥੇ ਕਿਸਾਨ ਬੀਤੇ 15 ਦਿਨਾਂ ਤੋਂ ਠੰਢ 'ਚ ਤਿੰਨ ਨਵੇਂ ਖੇਤੀਬਾੜੀ ਕਾਨੂੰਨਾਂ ਦਾ ਵਿਰੋਧ ਕਰ ਰਹੇ ਹਨ|
ਧਰਨੇ 'ਤੇ ਬੈਠੇ ਕਿਸਾਨਾਂ ਲਈ ਮੁਫ਼ਤ ਦਵਾਈਆਂ ਅਤੇ ਐਮਬੂਲੈਂਸ ਸੇਵਾਵਾਂ ਵੀ ਮੁੱਹਈਆ ਕਰਾਈਆਂ ਜਾ ਰਹੀਆਂ ਹਨ|
ਯੂਨਾਈਟਿਡ ਸਿੱਖਸ ਜਥੇਬੰਦੀ ਨਾਲ ਜੁੜੇ ਸਵੈ-ਸੇਵਕ ਡਾਕਟਰ ਕੰਵਰਪਾਲ ਸਿੰਘ, ਜਿਹਨਾਂ ਨੇ ਅਜਿਹੇ ਕਈ ਕੈਂਪ ਲਾਏ ਹਨ, ਦੱਸਦੇ ਹਨ ਕਿ ਜ਼ਿਆਦਾਤਰ ਲੋਕਾਂ ਨੂੰ ਬੁਖ਼ਾਰ ਅਤੇ ਗਲਾ ਪੱਕਣ ਦੀ ਸ਼ਿਕਾਇਤ ਹੈ|
ਉਨ੍ਹਾਂ ਆਖਿਆ,"ਹਾਲਾਂਕਿ ਧਰਨਾਕਾਰੀ ਕੋਵਿਡ-19 ਮਹਾਮਾਰੀ ਦੌਰਾਨ ਹਰ ਪਰਹੇਜ਼ ਕਰ ਰਹੇ ਹਨ|"
ਡਾਕਟਰ ਅਤੇ ਸਵੈ-ਸੇਵਕਾਂ ਦਾ ਆਖਣਾ ਹੈ ਕਿ ਕਈਆਂ ਨੂੰ ਪਹਿਲਾਂ ਤੋਂ ਹੀ ਸਿਹਤ ਸਬੰਧੀ ਕੋਈ ਨਾ ਕੋਈ ਪ੍ਰੇਸ਼ਾਨੀ ਹੈ, ਜਿਸ ਲਈ ਉਹਨਾਂ ਨੂੰ ਲਗਾਤਾਰ ਦਵਾਈਆਂ ਅਤੇ ਸਿਹਤ ਚੈਕ-ਅਪ ਦੀ ਲੋੜ ਹੈ|
ਜਥੇਬੰਦੀ ਨਾਲ ਜੁੜੇ ਇੱਕ ਸਵੈ-ਸੇਵਕ ਨੇ ਕਿਹਾ," ਸਾਡੇ ਵਲੰਟੀਅਰ ਹਰ ਵੇਲੇ ਮੌਜੂਦ ਹਨ| ਐਮਬੂਲੈਂਸ ਸੇਵਾ ਅਤੇ ਇੱਥੋਂ ਤੱਕ ਕਿ ਸਰਜਨ ਵੀ ਇੱਥੇ ਮੌਜੂਦ ਹਨ| ਇੱਕ ਕਿਲੋਮੀਟਰ ਦੇ ਦਾਇਰੇ 'ਚ ਦੋ ਹਸਪਤਾਲ ਹਨ ਜੋ ਧਰਨਾਕਾਰੀਆਂ ਦੀਆਂ ਨਿੱਕੀਆਂ-ਮੋਟੀਆਂ ਤਕਲੀਫ਼ਾਂ ਲਈ ਮੁਫ਼ਤ ਇਲਾਜ ਕਰ ਰਹੇ ਹਨ|"
ਧਰਨਾਕਾਰੀਆਂ ਦਾ ਕਹਿਣਾ ਹੈ ਕਿ ਅਜਿਹੇ ਤਣਾਅ ਵਾਲੇ ਮਾਹੌਲ ਵਿੱਚ ਵੀ, ਇਨ੍ਹਾਂ ਕੈਂਪਾਂ ਨਾਲ ਉਹਨਾਂ ਨੂੰ ਸਿਹਤਮੰਦ ਰਹਿਣ 'ਚ ਕਾਫੀ ਮਦਦ ਮਿਲ ਰਹੀ ਹੈ|
ਕਿਸਾਨ, ਖ਼ਾਸ ਤੌਰ 'ਤੇ ਪੰਜਾਬ ਦੇ ਕਿਸਾਨ, ਬਿਨਾਂ ਵਿਰੋਧੀ ਧਿਰ ਦੀ ਹਾਜ਼ਰੀ ਦੇ ਸਤੰਬਰ ਮਹੀਨੇ 'ਚ ਪਾਰਲੀਮੈਂਟ 'ਚ ਆਵਾਜ਼ ਮਤ ਨਾਲ ਪਾਸ ਕੀਤੇ ਤਿੰਨ ਖੇਤੀਬਾੜੀ ਬਿੱਲਾਂ ਦਾ ਵਿਰੋਧ ਕਰ ਰਹੇ ਹਨ|
ਗ਼ੌਰਤਲਬ ਹੈ ਕਿ ਕਿਸਾਨ ਉਪਜ,ਵਪਾਰ ਅਤੇ ਵਣਜ ਬਿੱਲ(ਤਰੱਕੀ ਅਤੇ ਸਹੂਲਤ), 2020 , ਕਿਸਾਨ (ਸਸ਼ਕਤੀਕਰਨ ਅਤੇ ਰੱਖਿਆ) ਸਮਰਥਨ ਮੁੱਲ ਸਮਝੌਤਾ ਅਤੇ ਖੇਤੀ ਸੇਵਾਵਾਂ ਬਿੱਲ,2020 ਅਤੇ ਜ਼ਰੂਰੀ ਵਸਤਾਂ(ਸੋਧ) ਬਿੱਲ,2020 ਦਾ ਵਿਰੋਧ ਕਰ ਰਹੇ ਹਨ|
