20.89C Vancouver 20.89C VancouverDec 3, 2021 1:37 AM - The Canadian Press
ਬੀ.ਸੀ. ਦੀ ਐਗਰੀਕਲਚਰ ਮੰਤਰੀ ਲਾਨਾ ਪੌਪਹਮ ਦਾ ਕਹਿਣਾ ਹੈ ਕਿ ਸੂਬੇ 'ਚ ਦਸਤਕ ਦੇਣ ਵਾਲੇ ਹੜ੍ਹਾਂ ਦੌਰਾਨ 640,000 ਤੋਂ ਵਧੇਰੇ ਪਸ਼ੂਆਂ ਦੀ ਮੌਤ ਹੋ ਗਈ ਹੈ।
ਜਾਨ ਗਵਾਉਣ ਵਾਲੇ ਪਸ਼ੂਆਂ 'ਚ 628,000 ਪੋਲਟਰੀ, ਕਰੀਬ 12,000 ਹੌਗ ਯਾਨੀ ਕਿ ਸੂਰ ਅਤੇ 420 ਗਾਵਾਂ ਸ਼ਾਮਿਲ ਦੱਸੀਆਂ ਗਈਆਂ।
ਲਾਨਾ ਪੌਪਹਮ ਨੇ ਕਿਹਾ ਕਿ ਰਿਕਵਰੀ ਅਭਿਆਨ ਜਾਰੀ ਹਨ ਪਰ ਸਥਿਤੀ ਬੇਹੱਦ ਦੁਖਦਾਈ ਹੈ।
ਸੂਬੇ ਦੇ 800 ਤੋਂ ਵਧੇਰੇ ਫਾਰਮ ਹੁਣ ਵੀ ਇਵੈਕੂਏਸ਼ਨ ਆਰਡਰ 'ਤੇ ਰੱਖੇ ਗਏ ਹਨ।
ਅਧਿਕਾਰੀਆਂ ਦਾ ਕਹਿਣਾ ਹੈ ਕਿ ਪਸ਼ੂਆਂ ਦੀ ਮੌਤ ਦੀ ਗਿਣਤੀ 'ਚ ਹੋਰ ਵਾਧੇ ਸੰਬੰਧੀ ਅੰਕੜੇ ਸਾਹਮਣੇ ਆ ਸਕਦੇ ਹਨ।
ਉਨ੍ਹਾਂ ਕਿਹਾ ਕਿ ਉਹ ਬੀ.ਸੀ. ਐਗਰੀਕਲਚਰ ਕਾਉਂਸਿਲ ਨਾਲ ਮਿਲ ਕੇ ਕੰਮ ਕਰ ਰਹੀ ਹਨ ਕਿ ਕਿਸਾਨਾਂ ਨੂੰ ਸਹਿਯੋਗ ਪ੍ਰਦਾਨ ਕੀਤਾ ਜਾ ਸਕੇ।
ਉਨ੍ਹਾਂ ਦੱਸਿਆ ਕਿ ਔਟਵਾ ਦੇ ਆਪਣੇ ਹਮਰੁਤਬਾ ਨਾਲ ਮੁਲਾਕਾਤ 'ਚ ਕਿਸਾਨਾਂ ਲਈ ਰਿਕਵਰੀ ਪੈਕੇਜ ਦੀ ਵੀ ਮੰਗ ਕੀਤੀ ਗਈ ਹੈ।
