14.22C Vancouver 14.22C VancouverJul 6, 2020 10:28 PM -
ਫਰਸਟ ਨੇਸ਼ਨਜ਼ ਹੈਲਥ ਅਥਾਰਿਟੀ ਦਾ ਕਹਿਣਾ ਹੈ ਕਿ ਉਨ੍ਹਾਂ ਦੇ ਭਾਈਚਾਰੇ ਦੇ 89 ਲੋਕ ਓਵਰਡੋਜ਼ ਕਾਰਨ ਜਾਨ ਗਵਾ ਬੈਠੇ ਹਨ।
ਇਹ ਅੰਕੜੇ ਜਨਵਰੀ ਤੋਂ ਮਈ ਤੱਕ ਜਾਨ ਗਵਾਉਣ ਵਾਲਿਆਂ ਨਾਲ ਸੰਬੰਧਤ ਹਨ।
ਇਸ ਨੂੰ ਬੀਤੇ ਸਾਲ ਦੇ ਇਸੇ ਸਮੇਂ ਦੇ ਮੁਕਾਬਲੇ 93% ਦਾ ਵਾਧਾ ਦੱਸਿਆ ਗਿਆ ਹੈ।
ਅਥਾਰਿਟੀ ਦੀ ਐਕਟਿੰਗ ਚੀਫ਼ ਮੈਡਿਕਲ ਅਫ਼ਸਰ, ਡਾ. ਸ਼ੈਨਨ ਮੈਕਡੌਨਲਡ ਦਾ ਕਹਿਣਾ ਹੈ ਕਿ ਕੋਵਿਡ-19 ਦੇ ਫੈਲਾਅ ਨੂੰ ਰੋਕਣ ਲਈ ਉਠਾਏ ਗਏ ਕਦਮਾਂ ਕਾਰਨ ਬਹੁਤ ਸਾਰੇ ਲੋਕਾਂ ਨੇ ਇਕੱਲੇ 'ਚ ਰਹਿੰਦੇ ਹੋਏ ਡਰੱਗਸ ਦੀ ਵਰਤੋਂ ਸ਼ੁਰੂ ਕਰ ਦਿੱਤੀ ਅਤੇ ਇਸ ਦੌਰਾਨ ਇਸ ਤੋਂ ਬਚਾਅ ਲਈ ਮਿਲਣ ਵਾਲੀਆਂ ਸੇਵਾਵਾਂ ਪਹਿਲਾਂ ਜਿਹੀਆਂ ਨਹੀਂ ਸਨ।
ਮੈਕਡੌਨਲਡ ਨੇ ਕਿਹਾ ਕਿ ਮਈ ਦੇ ਮਹੀਨੇ ਤੱਕ ਬੀ.ਸੀ. 'ਚ ਓਵਰਡੋਜ਼ ਕਾਰਨ ਜਾਨ ਗਵਾਉਣ ਵਾਲੇ ਲੋਕਾਂ ਵਿੱਚ 16% ਲੋਕ, ਫਰਸਟ ਨੇਸ਼ਨਜ਼ ਦੇ ਹਨ, ਜਦਕਿ ਫਰਸਟ ਨੇਸ਼ਨਜ਼ ਸੂਬੇ ਦੀ ਸਿਰਫ 3.4% ਆਬਾਦੀ ਦਰਸ਼ਾਉਂਦੇ ਹਨ।
ਉਨ੍ਹਾਂ ਕਿਹਾ ਕਿ ਸਿਸਟਮ 'ਚ ਮੌਜੂਦ ਕਈ ਅੜਿੱਕਿਆਂ ਅਤੇ ਕਲੰਕ ਸੰਬੰਧੀ ਸੋਚ ਨੇ ਲੋਕਾਂ ਨੂੰ ਸਿਹਤ ਸੇਵਾਵਾਂ ਲੈਣ ਤੋਂ ਪਰੇ ਰੱਖਿਆ ਹੈ।
ਚੀਫ ਕੋਰੋਨਰ ਲੀਜ਼ਾ ਲਾਪੌਂਟ ਦਾ ਕਹਿਣਾ ਹੈ ਕਿ, ਇਹ ਭਿਆਨਕ ਹੈ ਕਿ ਪੈਂਡੇਮਿਕ ਦੇ ਦਰਮਿਆਨ ਬੀ.ਸੀ. 'ਚ ਓਵਰਡੋਜ਼ ਸੰਬੰਧੀ ਮੌਤਾਂ ਦਾ ਅੰਕੜਾ ਬੇਹੱਦ ਵੱਧ ਗਿਆ ਹੈ।
