7.52C Vancouver 7.52C VancouverJan 14, 2026 7:48 PM - Connect Newsroom - Ramandeep Kaur
ਸਰੀ ਵਿਚ ਹਾਈਵੇਅ 1 'ਤੇ ਅੱਜ ਸਵੇਰ ਇੱਕ ਟਰੱਕ ਨੇ ਓਵਰਪਾਸ ਵਿਚ ਟੱਕਰ ਮਾਰ ਦਿੱਤੀ। ਇਸ ਘਟਨਾ ਕਾਰਨ 192 ਸਟਰੀਟ ਕੋਲ ਹਾਈਵੇਅ ਦੀ ਈਸਟਬਾਊਂਡ ਲੇਨ ਵਿਚ ਆਵਾਜਾਈ ਕਾਫ਼ੀ ਪ੍ਰਭਾਵਿਤ ਹੋਈ। ਬੀ. ਸੀ. ਹਾਈਵੇਅ ਪੈਟਰੋਲ ਮੁਤਾਬਕ, ਘਟਨਾ ਸਵੇਰ ਲਗਭਗ 9:30 ਵਜੇ ਵਾਪਰੀ। ਇਹ ਇੱਕ ਕਮਰਸ਼ੀਅਲ ਟਰੱਕ ਸੀ, ਜਿਸ ਨੇ ਫਲੈਟਡੈੱਕ ਟ੍ਰੇਲਰ 'ਤੇ ਐਕਸਕਵੇਟਰ ਲੱਦਿਆ ਹੋਇਆ ਸੀ, 192 ਸਟ੍ਰੀਟ ਦੇ ਓਵਰਪਾਸ ਹੇਠੋਂ ਲੰਘਦੇ ਸਮੇਂ ਉਸ ਨਾਲ ਟਕਰਾ ਗਿਆ, ਇਸ ਘਟਨਾ ਵਿਚ ਓਵਰਪਾਸ ਨੂੰ ਸਾਫ਼ ਤੌਰ 'ਤੇ ਨੁਕਸਾਨ ਪਹੁੰਚਿਆ ਦੇਖਿਆ ਜਾ ਸਕਦਾ ਹੈ।
ਬੀ.ਸੀ. ਹਾਈਵੇਅ ਪੈਟਰੋਲ ਦੇ ਕਾਰਪੋਰਲ ਮਾਈਕਲ ਮੈਕਲਾਫਲਿਨ ਦਾ ਕਹਿਣਾ ਸੀ ਕਿ ਪੁਲਿਸ ਲੋੜੀਂਦੀ ਕਾਰਵਾਈ ਅਤੇ ਘਟਨਾ ਦਾ ਕਾਰਨ ਪਤਾ ਲਗਾਉਣ ਲਈ ਕਮਰਸ਼ੀਅਲ ਵ੍ਹੀਕਲ ਸੇਫਟੀ ਐਂਡ ਇਨਫੋਰਸਮੈਂਟ ਨਾਲ ਮਿਲ ਕੇ ਜਾਂਚ ਕਰ ਰਹੀ ਹੈ।
ਆਵਾਜਾਈ ਮੰਤਰਾਲਾ ਦੇ ਅਧਿਕਾਰੀ ਓਵਰਪਾਸ ਦੇ ਨੁਕਸਾਨ ਦਾ ਜਾਇਜ਼ਾ ਲੈ ਰਹੇ ਸਨ ਤਾਂ ਜੋ ਇਹ ਯਕੀਨੀ ਬਣਾਇਆ ਜਾ ਸਕੇ ਕਿ ਇਹ ਆਵਜਾਈ ਲਈ ਸੁਰੱਖਿਅਤ ਹੈ ਜਾਂ ਨਹੀਂ। ਡਰਾਈਵਰਾਂ ਨੂੰ ਅਪੀਲ ਕੀਤੀ ਗਈ ਕਿ ਉਹ ਆਪਣੀ ਯਾਤਰਾ ਦੀ ਯੋਜਨਾ ਬਣਾਉਣ ਲਈ DriveBC.ca 'ਤੇ ਚੈੱਕ ਕਰਦੇ ਰਹਿਣ ਕਿਉਂਕਿ ਪ੍ਰਭਾਵਿਤ ਇਲਾਕੇ ਵਿਚ ਦੇਰੀ ਹੋਣ ਦੀ ਸੰਭਾਵਨਾ ਹੈ।
