14.21C Vancouver 14.21C VancouverOct 13, 2020 10:36 PM -
ਫਲਸਤੀਨੀ ਪ੍ਰਧਾਨ ਮੰਤਰੀ ਦਾ ਕਹਿਣਾ ਹੈ ਕਿ ਜੇਕਰ ਅਮਰੀਕੀ ਰਾਸ਼ਟਰਪਤੀ ਡੌਨਲਡ ਟ੍ਰੰਪ ਦੀ ਮੁੜ ਚੋਣ ਹੋ ਜਾਂਦੀ ਹੈ, ਤਾਂ "ਸਾਨੂੰ ਰੱਬ ਹੀ ਬਚਾਵੇ, ਤੁਹਾਨੂੰ ਵੀ ਰੱਬ ਹੀ ਬਚਾਵੇ ਤੇ ਸਾਰੀ ਦੁਨੀਆ ਨੂੰ ਵੀ ਰੱਬ ਹੀ ਬਚਾਵੇ।"
ਪ੍ਰਧਾਨ ਮੰਤਰੀ ਮੋਹੰਮਦ ਸ਼ਾਤੇਏਹ ਦਾ ਕਹਿਣਾ ਹੈ ਕਿ ਬੀਤੇ 4 ਸਾਲ 'ਚ ਟ੍ਰੰਪ ਪ੍ਰਸ਼ਾਸਨ ਨੇ ਫਲਸਤੀਨੀਆਂ ਦਾ ਬਹੁਤ ਨੁਕਸਾਨ ਕੀਤਾ ਹੈ।
ਉਨ੍ਹਾਂ ਕਿਹਾ ਕਿ ਟ੍ਰੰਪ ਨੇ ਫਲਸਤੀਨ ਨੂੰ ਮਿਲਣ ਵਾਲੀ ਸੈਂਕੜੇ ਮਿਲੀਅਨ ਡਾਲਰਾਂ ਦੀ ਮਦਦ ਖਤਮ ਕਰ ਦਿੱਤੀ, ਅਤੇ ਵਾਸ਼ਿੰਗਟਨ 'ਚ ਫਲਸਤੀਨੀ ਕੂਟਨੀਤਕ ਦਫ਼ਤਰ ਬੰਦ ਕਰ ਦਿੱਤੇ ਗਏ।
ਉਨ੍ਹਾਂ ਕਿਹਾ ਕਿ ਇਸ ਸਾਲ ਇੱਕ ਮਿਡਈਸਟ ਪਲੈਨ ਵੀ ਜਾਰੀ ਕਰ ਦਿੱਤਾ ਗਿਆ ਜੋ ਕਿ ਇਜ਼ਰਾਇਲ ਦਾ ਪੱਖ ਪੂਰਦਾ ਹੈ।
ਇਹ ਟਿੱਪਣੀਆਂ ਯੂਰੋਪੀਅਨ ਕਨੂੰਨਘਾੜਿਆਂ ਨਾਲ ਗੱਲਬਾਤ ਦੌਰਾਨ ਕੀਤੀਆਂ ਗਈਆਂ।
