ਪ੍ਰਕਾਸ਼ ਸਿੰਘ ਬਾਦਲ ਨੇ 'ਪਦਮ ਵਿਭੂਸ਼ਣ' ਮੋੜ ਕੇ ਸੰਘੀ ਸਰਕਾਰ ਨੂੰ ਇੱਕ ਤਗੜਾ ਸੁਨੇਹਾ ਦਿੱਤਾ:ਸੁਖਬੀਰ ਸਿੰਘ ਬਾਦਲ

ਸ਼੍ਰੋਮਣੀ ਅਕਾਲੀ ਦਲ ਦੇ ਪ੍ਰਧਾਨ ਸੁਖਬੀਰ ਸਿੰਘ ਬਾਦਲ ਨੇ ਅੱਜ ਵੀਰਵਾਰ ਨੂੰ ਦੱਸਿਆ ਗਿਆ ਹੈ ਕਿ ਉਨ੍ਹਾਂ ਦੇ ਪਿਤਾ ਪ੍ਰਕਾਸ਼ ਸਿੰਘ ਬਾਦਲ ਨੇ ਸਰਕਾਰ ਖ਼ਿਲਾਫ਼ ਰੋਹ ਵਿਖਾਉਂਦਿਆਂ ਆਪਣਾ 'ਪਦਮ ਵਿਭੂਸ਼ਣ' ਮੋੜ ਕੇ ਸੰਘੀ ਸਰਕਾਰ ਨੂੰ ਇੱਕ ਤਗੜਾ ਸੁਨੇਹਾ ਦਿੱਤਾ ਹੈ।

ਟੈਲੀਫੋਨ ਰਾਹੀਂ ਦਿੱਤੀ ਗਈ ਇੱਕ ਇੰਟਰਵਿਊ 'ਚ ਸੁਖਬੀਰ ਸਿੰਘ ਬਾਦਲ ਨੇ ਆਖਿਆ, " ਪ੍ਰਕਾਸ਼ ਸਿੰਘ ਬਾਦਲ ਆਪਣੀ ਪੂਰੀ ਜ਼ਿੰਦਗੀ ਕਿਸਾਨਾਂ ਲਈ ਲੜ੍ਹੇ ਹਨ। ਜੇ ਤੁਸੀਂ ਪੂਰੇ ਮੁਲਕ ਦੇ ਨੇਤਾ ਵੇਖੋ ਤਾਂ ਇਸ ਮਾਮਲੇ 'ਚ ਉਹਨਾਂ ਦਾ ਕੱਦ ਸਭ ਨਾਲੋਂ ਵੱਡਾ ਹੈ ਅਤੇ ਉਨ੍ਹਾਂ ਸਾਰੀ ਉਮਰ ਕਿਸਾਨਾਂ ਲਈ ਹੀ ਸੰਘਰਸ਼ ਕੀਤਾ ਹੈ।"

ਸੁਖਬੀਰ ਬਾਦਲ ਨੇ ਅੱਗੇ ਆਖਿਆ ," ਉਹਨਾਂ ਨੇ 16 ਸਾਲ ਜੇਲ਼ 'ਚ ਗੁਜ਼ਾਰੇ ਹਨ। ਇਸ ਲਈ ਉਹਨਾਂ ਨੂੰ ਲੱਗਿਆ ਕਿ ਸਰਕਾਰ ਨੂੰ ਤੁਰਤ ਕਿਸਾਨਾਂ ਨਾਲ ਗੱਲ-ਬਾਤ ਕਰਨ ਲਈ ਸਖ਼ਤ ਸੁਨੇਹਾ ਦੇਣ ਲਈ ਉਨ੍ਹਾਂ ਨੂੰ ਆਪਣਾ 'ਪਦਮ ਵਿਭੂਸ਼ਣ' ਸਨਮਾਨ ਮੋੜ ਦੇਣਾ ਚਾਹੀਦਾ ਹੈ। ਕਿਸਾਨਾਂ ਨੂੰ ਨਵੇਂ ਖੇਤੀ ਕਾਨੂੰਨਾਂ ਦੀ ਕੋਈ ਲੋੜ ਨਹੀਂ ਹੈ। ਭਾਰਤ ਸਰਕਾਰ ਉਹਨਾਂ 'ਤੇ ਇਹ ਕ਼ਾਨੂੰਨ ਜ਼ਬਰਦਸਤੀ ਕਿਉਂ ਥੋਪ ਰਹੀ ਹੈ? ਇਹ ਸਖ਼ਤ ਵਿਰੋਧ ਦੀ ਨਿਸ਼ਾਨੀ ਹੈ। "

ਅੱਜ ਪ੍ਰਕਾਸ਼ ਸਿੰਘ ਬਾਦਲ ਵੱਲੋਂ ਪਹਿਲਾਂ ਭਾਰਤ ਸਰਕਾਰ ਵੱਲੋਂ ਕਿਸਾਨਾਂ ਦੇ ਸ਼ਾਂਤਮਈ ਅਤੇ ਜਮਹੂਰੀ ਤਰੀਕੇ ਨਾਲ ਕੀਤੇ ਜਾ ਰਹੇ ਵਿਰੋਧ ਨੂੰ ਕੋਈ ਹੋਰ ਰੰਗਤ ਦੇਣ ਅਤੇ ਉਨ੍ਹਾਂ ਨਾਲ ਨਫ਼ਰਤ ਤੇ ਭੇਦਭਾਵ ਵਾਲੇ ਵਤੀਰੇ ਕਰਕੇ ਦਿੱਤੇ ਗਏ ਧੋਖੇ ਦੇ ਵਿਰੋਧ 'ਚ ਆਪਣਾ 'ਪਦਮ ਵਿਭੂਸ਼ਣ' ਵਾਪਸ ਕੀਤਾ ਗਿਆ ਹੈ।

ਅਕਾਲੀ ਦਲ ਦੇ ਖ਼ਾਸ ਲੀਡਰ ਨੇ ਸਦਰ ਰਾਮਨਾਥ ਕੋਵਿੰਦ ਨੂੰ ਚਿੱਠੀ ਲਿਖ ਕੇ ਆਖਿਆ , " ਮੈਂ ਜੋ ਵੀ ਹਾਂ ਉਹ ਲੋਕਾਂ , ਖ਼ਾਸਕਰ ਆਮ ਕਿਸਾਨ ਕਰਕੇ ਹਾਂ। ਅੱਜ ਜਦੋਂ ਉਸਦਾ ਹੀ ਆਦਰ ਨਹੀਂ ਹੋ ਰਿਹਾ , ਤਾਂ ਮੇਰਾ 'ਪਦਮ ਵਿਭੂਸ਼ਣ' ਆਪਣੇ ਕੋਲ ਰੱਖਣ ਦਾ ਸਵਾਲ ਹੀ ਪੈਦਾ ਨਹੀਂ ਹੁੰਦਾ।"

ਬਾਦਲ ਨੇ ਲਿਖਿਆ ਕਿ ਮੁਲਕ 'ਚ ਪਹਿਲਾਂ ਤੋਂ ਹੀ ਸਤਾਏ ਕਿਸਾਨਾਂ ਨਾਲ ਧੋਖਾ “ਅਸਮਾਨੋਂ ਡਿੱਗੀ ਬਿਜਲੀ ਵਾਂਙ ਹੈ" ਉਹਨਾਂ ਅੱਗੇ ਲਿਖਿਆ ਕਿ ਕਿਸਾਨ ਨੂੰ ਇੰਨੀ ਠੰਢ 'ਚ ਐਨੇ ਸਖ਼ਤ ਸੰਘਰਸ਼ ਨੂੰ ਵਿੱਢਣ ਦੀ ਲੋੜ ਸਿਰਫ਼ ਆਪਣੇ ਜਿਊਣ ਦੇ ਮੌਲਿਕ ਅਧਿਕਾਰ ਦੀ ਰਾਖੀ ਕਰਨ ਲਈ ਪਈ ਹੈ।

ਸਦਰ ਨੂੰ ਸਵੇਰੇ ਭੇਜੀ ਗਈ ਈ-ਮੇਲ 'ਚ ਬਾਦਲ ਨੇ ਲਿਖਿਆ , " ਪੰਥਕ ਆਦਰਸ਼ਾਂ ਅਤੇ ਫਿਰਕੂ ਸਦਭਾਵਨਾ ਤੋਂ ਬਾਅਦ ਕਿਸਾਨ ਹੀ ਮੇਰਾ ਦੂਜਾ ਧਾਰਮਿਕ ਜਨੂਨ ਰਹੇ ਹਨ। "

ਉਹਨਾਂ ਅੱਗੇ ਕਿਹਾ , " ਜੋ ਵੀ ਮੇਰੇ ਕੋਲ ਹੈ , ਹਰ ਉਹ ਗੱਲ ਜਿਸ 'ਤੇ ਵੀ ਮੈਨੂੰ ਮਾਣ ਹੈ , ਸ਼ਾਨ ਦਾ ਹਰ ਪਲ ਜਾਂ ਮੇਰੇ ਲੰਮੇ ਜਨਤਕ ਕਿੱਤੇ ਦੌਰਾਨ ਜਨਤਕ ਸੇਵਾ ਦਾ ਕੋਈ ਵੀ ਦਫ਼ਤਰ ਜੋ ਮੈਨੂੰ ਮਿਲਿਆ , ਉਹ ਸਿਰਫ਼ ਮੇਰੀ ਇਹਨਾਂ ਆਦਰਸ਼ਾਂ ਪ੍ਰਤੀ ਵਚਨਬੱਧਤਾ ਕਰਕੇ ਹੀ ਹੈ , ਜੋ ਕਿਸਾਨਾਂ ਨੂੰ ਮੁੱਖ ਰੱਖਕੇ ਹੀ ਰਿਹਾ ਹੈ। "

ਬਾਦਲ ਨੇ ਕਿਹਾ ਕਿ ਜਦੋਂ ਉਨ੍ਹਾਂ ਨੂੰ ਪਦਮ ਵਿਭੂਸ਼ਣ ਮਿਲਿਆ ਸੀ , ਤਾਂ ਉਹ ਜਾਣਦੇ ਸਨ ਕਿ ਇਹ ਸਿਰਫ਼ ਉਨ੍ਹਾਂ ਦੀ ਆਪਣੇ ਲੋਕਾਂ ਪ੍ਰਤੀ ਵਚਨਬੱਧਤਾ ਕਰਕੇ ਹੀ ਮਿਲਿਆ ਸੀ , ਜਿਸ ਵਿੱਚ ਕਿਸਾਨਾਂ ਦਾ ਅਹਿਮ ਰੋਲ ਰਿਹਾ।
ਬਾਦਲ ਨੇ ਅੱਗੇ ਆਪਣੇ ਦੁਖੀ ਹੋਣ ਅਤੇ ਧੋਖਾ ਮਹਿਸੂਸ ਕਰਨ ਦਾ ਕਾਰਣ ਸਰਕਾਰ ਦਾ ਕਿਸਾਨਾਂ ਪ੍ਰਤੀ ਰੱਵਈਆ ਅਤੇ ਵਤੀਰਾ ਦੱਸਿਆ।

ਉਹਨਾਂ ਅੱਗੇ ਕਿਹਾ , "ਸਰਕਾਰ ਵੱਲੋਂ ਕਿਸਾਨਾਂ ਨੂੰ ਇਨ੍ਹਾਂ ਅਧਿਆਦੇਸ਼ਾਂ , ਯਕੀਨਾਂ ਆਦਿ ਬਾਰੇ ਯਕੀਨ ਦਿਵਾਇਆ ਗਿਆ ਸੀ ਕਿ ਇਹ ਸਹੀ ਬਿੱਲ ਅਤੇ ਇਸਦੇ ਐਕਟ ਕਿਸਾਨਾਂ ਨੂੰ ਸੰਤੁਸ਼ਟ ਕਰਨਗੇ। ਸਰਕਾਰ ਦੇ ਭਰੋਸਾ ਦਿਵਾਉਣ 'ਤੇ ਹੀ ਮੈਂ ਕਿਸਾਨਾਂ ਨੂੰ ਸਰਕਾਰ 'ਤੇ ਯਕੀਨ ਕਰਨ ਲਈ ਅਪੀਲ ਕੀਤੀ ਸੀ। ਪਰ ਸਰਕਾਰ ਦੇ ਆਪਣੀ ਜ਼ਬਾਨ ਤੋਂ ਮੁੱਕਰਣ ਤੋਂ ਬਾਅਦ ਮੈਂ ਹੈਰਾਨ ਹਾਂ। "

ਸਾਬਕਾ ਮੁੱਖ ਮੰਤਰੀ ਪੰਜਾਬ ਨੇ ਇਸ ਧੋਖੇ ਤੋਂ ਬਾਅਦ ਦੇ ਸਮੇਂ ਨੂੰ ਆਪਣੇ ਸਿਆਸੀ ਦੌਰ ਦਾ ਸਭ ਤੋਂ ਦੁੱਖਦਾਈ ਅਤੇ ਸ਼ਰਮਨਾਕ ਪਲ ਦੱਸਿਆ ਹੈ, " ਓਦੋਂ ਤੋਂ ਹੀ ਮੈਂ ਕਿੰਨੀ ਤਕਲੀਫ਼ 'ਚ ਹਾਂ ਅਤੇ ਕਿੰਨਾ ਪ੍ਰੇਸ਼ਾਨ ਹਾਂ , ਮੈਂ ਇਹ ਲਫ਼ਜ਼ਾਂ 'ਚ ਬਿਆਨ ਨਹੀਂ ਕਰ ਸਕਦਾ| ਮੈਂ ਸੱਚਮੁੱਚ ਹੀ ਹੈਰਾਨ ਹਾਂ ਕਿ ਮੁਲਕ ਦੀ ਸਰਕਾਰ ਕਿਸਾਨਾਂ ਪ੍ਰਤੀ ਏਨੀ ਅਹਿਸਾਨ ਫਰਾਮੋਸ਼ , ਸੰਗਦਿਲ ਉਨ੍ਹਾਂ ਦੀ ਨਿੰਦਕ ਕਿਵੇਂ ਹੋ ਸਕਦੀ ਹੈ| "

ਉਨ੍ਹਾਂ ਆਖਿਆ ਕਿ ਉਹ 'ਕਿਸਾਨਾਂ ਦੇ ਸ਼ਾਂਤਮਈ ਅਤੇ ਜਮਹੂਰੀ ਤਰੀਕੇ ਨਾਲ ਕੀਤੇ ਜਾ ਰਹੇ ਰੋਹ ਵਿਖਾਵੇ ਨੂੰ ਫਿਰਕੂ ਰੰਗਤ ਦੇਣ 'ਤੇ ਵੀ ਬਹੁਤ ਦੁਖੀ ਹਨ ' ਅਤੇ ਉਹਨਾਂ ਇਹ ਵੀ ਆਖਿਆ ਕਿ 'ਮੁਲਕ ਦੇ ਕਿਸਾਨਾਂ ਦੇ ਲਹੂ 'ਚ ਧਰਮ ਨਿਰਪੱਖ ਪ੍ਰਵਿਰਤੀ ਹੈ ਅਤੇ ਇਹ ਕਿਸੇ ਵੀ ਮੁਲਕ ਦੇ ਧਰਮ ਨਿਰਪੱਖ, ਜਮਹੂਰੀ ਸਿਧਾਂਤਾਂ ਅਤੇ ਕੁਝ ਦੂਜੀਆਂ ਧਿਰਾਂ 'ਤੋਂ ਮਿਲ ਰਹੀਆਂ ਗੰਭੀਰ ਚੁਣੌਤੀਆਂ ਨਾਲ ਨਜਿੱਠਣ ਦੇ ਕਿਰਦਾਰ ਦੀ ਰਾਖੀ ਲਈ ਗਰੰਟੀ ਹੈ '|

ਸ਼੍ਰੋਮਣੀ ਅਕਾਲੀ ਦਲ ਦੇ ਕਪਤਾਨ ਨੇ ਯਾਦ ਦਵਾਇਆ ਕਿ ਉਹ ਐਸੀ ਵੱਸੋਂ ਦੀ ਪ੍ਰਧਾਨਗੀ ਕਰਦੇ ਹਨ ਜਿਹਦੇ 70 ਫ਼ੀਸਦ ਕਿਸਾਨ ਹਨ|

70 ਸਾਲਾਂ ਤੋਂ ਇਹ ਕਿਸਾਨ 'ਅੰਨਦਾਤਾ' ਬਣ ਕੇ ਸਵੈ-ਪ੍ਰਭਾਵਿਤ ਨਿਮਰਤਾ ਅਤੇ ਨਿਸਵਾਥਪੁਣੇ ਨਾਲ ਮੁਲਕ ਦੀ ਸੇਵਾ ਕਰ ਰਹੇ ਹਨ|

ਬਾਦਲ ਨੇ ਸਰਕਾਰ ਵੱਲੋਂ ਹੁਣ ਲਾਗੂ ਕੀਤੇ ਇਹਨਾਂ ਕਾਲੇ ਕਾਨੂੰਨਾਂ ਨੂੰ ਅੰਨਦਾਤਾ ਦੇ ਖ਼ੱਫਣ 'ਚ ਆਖ਼ਰੀ ਕਿੱਲ ਗਰਦਾਨਿਆ|