21.53C Vancouver 21.53C VancouverMar 13, 2020 7:26 PM -
ਸਿਹਤ ਮੰਤਰੀ ਪੈਟੀ ਹਾਏਡੂ ਦਾ ਕਹਿਣਾ ਹੈ ਕਿ ਜਨਤਕ ਸਿਹਤ ਅਧਿਕਾਰੀ ਉਨ੍ਹਾਂ ਸਾਰੇ ਲੋਕਾਂ ਤਕ ਪਹੁੰਚ ਕਰਨਗੇ, ਜੋ ਕਿ ਸੋਫੀ ਟਰੂਡੋ ਦੇ ਸੰਪਰਕ ਵਿੱਚ ਆਏ ਹੋ ਸਕਦੇ ਹਨ।
ਉਨ੍ਹਾਂ ਦੇ ਕੋਵਿਡ-19 ਦੇ ਲੱਛਣ ਸਥਾਪਿਤ ਕਰਨ ਤੋਂ ਬਾਅਦ ਤੋਂ, ਜਿੰਨੇ ਵੀ ਲੋਕ ਉਨ੍ਹਾਂ ਦੇ ਸੰਪਰਕ 'ਚ ਆਏ ਸਨ, ਉਨ੍ਹਾਂ ਦੀ ਜਾਂਚ ਕੀਤੀ ਜਾਵੇਗੀ।
ਪ੍ਰਧਾਨ ਮੰਤਰੀ ਜਸਟਿਨ ਟਰੂਡੋ ਦੀ ਪਤਨੀ, ਸੋਫੀ ਟਰੂਡੋ ਨੂੰ ਵੀਰਵਾਰ ਨੂੰ ਇਸ ਵਾਇਰਸ ਨਾਲ ਪੀੜਤ ਪਾਇਆ ਗਿਆ ਸੀ।
ਉਨ੍ਹਾਂ ਹਾਲ 'ਚ ਯੂ.ਕੇ. ਦਾ ਦੌਰਾ ਕੀਤਾ ਸੀ।
ਹਾਏਡੂ ਨੇ ਕਿਹਾ ਕਿ ਦੇਸ਼ 'ਚ ਅਜੇ ਵੀ ਇਸ ਵਾਇਰਸ ਨਾਲ ਸੰਬੰਧਤ ਕੇਸ ਘਟ ਹਨ, ਜਿਸ ਕਾਰਨ 'ਕੰਨਟੈਕਟ ਟਰੇਸਿੰਗ' ਕਰਨਾ ਅਜੇ ਮੁਮਕਿਨ ਹੈ।
ਇਹ ਵੀ ਆਖਿਆ ਜਾ ਰਿਹਾ ਹੈ ਕਿ ਸੋਫੀ ਟਰੂਡੋ ਵਾਪਸੀ ਦੌਰਾਨ, ਹਵਾਈ ਜਹਾਜ 'ਤੇ ਲੱਛਣਾਂ ਤੋਂ ਬਚੇ ਹੋਏ ਸਨ, ਜਿਸਦੇ ਕਾਰਨ ਉਨ੍ਹਾਂ ਨਾਲ ਉਡਾਣ ਭਰਨ ਵਾਲੇ ਲੋਕਾਂ ਦੇ ਟੈਸਟ ਕਰਨਾ ਜਰੂਰੀ ਨਹੀਂ ਹੈ।
