ਐਬਟਸਫੋਰਡ ਵਿਚ ਸਾਊਥ ਫਰੇਜ਼ਰ ਵੇਅ 'ਤੇ ਵਾਪਰਿਆ ਹਾਦਸਾ, ਪੈਦਲ ਜਾ ਰਹੇ ਵਿਅਕਤੀ ਨੂੰ ਗੱਡੀ ਨੇ ਮਾਰੀ ਟੱਕਰ

ਐਬਟਸਫੋਰਡ ਵਿਚ ਸਾਊਥ ਫਰੇਜ਼ਰ ਵੇਅ 'ਤੇ ਅੱਜ ਤੜਕੇ ਇੱਕ ਪੈਦਲ ਜਾ ਰਹੇ ਵਿਅਕਤੀ ਨੂੰ ਗੱਡੀ ਨੇ ਟੱਕਰ ਮਾਰ ਦਿੱਤੀ, ਇਸ ਘਟਨਾ ਵਿਚ ਜ਼ਖਮੀ ਹੋਏ ਪੀੜਤ ਦੀ ਹਾਲਤ ਗੰਭੀਰ ਦੱਸੀ ਜਾਂਦੀ ਹੈ।

ਪੁਲਿਸ ਮੁਤਾਬਕ, ਘਟਨਾ ਮੈਕੈਲਮ ਰੋਡ ਅਤੇ ਬੌਰਕੁਇਨ ਕ੍ਰੇਸੈਂਟ ਈਸਟ ਵਿਚਕਾਰ ਸਵੇਰ ਕਰੀਬ ਤਿੰਨ ਵਜੇ ਆਸਪਾਸ ਵਾਪਰੀ। ਗੱਡੀ ਦਾ ਡਰਾਈਵਰ ਮੌਕੇ 'ਤੇ ਹੀ ਮੌਜੂਦ ਸੀ ਅਤੇ ਉਸ ਵਲੋਂ ਜਾਂਚ ਵਿਚ ਸਹਿਯੋਗ ਕੀਤਾ ਜਾ ਰਿਹਾ ਹੈ।

ਐਬਟਸਫੋਰਡ ਪੁਲਿਸ ਨੇ ਕਿਹਾ ਕਿ ਪੀੜਤ ਨੂੰ ਜਿਸ ਵੇਲੇ ਹਸਪਤਾਲ ਲਿਜਾਇਆ ਗਿਆ, ਉਸ ਦੀ ਹਾਲਤ ਕਾਫ਼ੀ ਨਾਜ਼ੁਕ ਸੀ। ਫਿਲਹਾਲ ਹਾਦਸੇ ਦਾ ਕਾਰਨ ਕੀ ਇਸ ਦੀ ਡਿਟੇਲਸ ਸਾਹਮਣੇ ਨਹੀਂ ਆਈ ਅਤੇ ਨਾ ਹੀ ਪੀੜਤ ਦੀ ਪਛਾਣ ਬਾਰੇ ਕੋਈ ਅਪਡੇਟ ਦਿੱਤੀ ਗਈ ਹੈ।