25.19C Vancouver 25.19C VancouverDec 30, 2022 1:14 AM - The Canadian Press
ਬ੍ਰਾਜ਼ੀਲ ਦੇ ਦਿੱਗਜ ਫੁੱਟਬਾਲ ਖਿਡਾਰੀ ਪੇਲੇ ਦਾ ਦੇਹਾਂਤ ਹੋ ਗਿਆ ਹੈ।
ਉਹ 82 ਸਾਲ ਦੇ ਸਨ। ਸਾਲ 2021 ਤੋਂ ਪੇਲੇ ਦਾ ਕੋਲਨ ਕੈਂਸਰ ਦਾ ਇਲਾਜ ਚੱਲ ਰਿਹਾ ਸੀ।
ਪੇਲੇ ਦੇ ਏਜੈਂਟ ਜੋ ਫਰਾਗਾ ਨੇ ਪੇਲੇ ਦੇ ਸੁਰਗਵਾਸ ਦੀ ਜਾਣਕਾਰੀ ਸਾਂਝੀ ਕੀਤੀ।
ਪੇਲੇ ਨੂੰ ਬੀਤੀ ਸਦੀ ਦੀਆਂ ਸਭ ਤੋਂ ਵੱਡੀਆਂ ਅਤੇ ਨਾਮਚੀਨ ਖੇਡ ਸ਼ਖਸੀਅਤਾਂ 'ਚ ਸ਼ਾਮਿਲ ਕੀਤਾ ਜਾਂਦਾ ਸੀ।
ਉਨ੍ਹਾਂ ਬ੍ਰਾਜ਼ੀਲ ਲਈ ਖੇਡਦਿਆਂ 3 ਵਿਸ਼ਵ ਕੱਪ ਜਿੱਤੇ ਸਨ।
ਪੇਲੇ ਦੇ ਟੀਮ 'ਚ ਹੁੰਦਿਆਂ ਬ੍ਰਾਜ਼ੀਲ ਨੇ ਸਾਲ 1958, 1962 ਅਤੇ 1970 'ਚ ਵਿਸ਼ਵ ਕੱਪ ਖਿਤਾਬ ਜਿੱਤੇ ਸਨ।
ਅੱਜ ਪੇਲੇ ਦੀ ਮੌਤ ਦੀ ਖਬਰ ਨੇ ਹਜ਼ਾਰਾਂ-ਲੱਖਾਂ ਦੀ ਗਿਣਤੀ 'ਚ ਖੇਡ ਪ੍ਰਸ਼ੰਸਕਾਂ ਦੀਆਂ ਅੱਖਾਂ ਨਮ ਕਰ ਦਿੱਤੀਆਂ।
ਹਾਲ 'ਚ ਵਿਸ਼ਵ ਕੱਪ ਜਿੱਤਣ ਵਾਲੀ ਅਰਜਨਟੀਨਾ ਟੀਮ ਦੇ ਦਿੱਗਜ ਖਿਡਾਰੀ ਲਾਏਨਲ ਮੈਸੀ ਨੇ ਵੀ ਪੇਲੇ ਨੂੰ ਯਾਦ ਕੀਤਾ ਅਤੇ ਪੇਲੇ ਨਾਲ ਖਿੱਚੀਆਂ ਕੁਝ ਤਸਵੀਰਾਂ ਟਵੀਟਰ 'ਤੇ ਸਾਂਝੀਆਂ ਕੀਤੀਆਂ।
ਬ੍ਰਾਜ਼ੀਲ ਦੇ ਫੁੱਟਬਾਲ ਐਸੋਸੀਏਸ਼ਨ ਨੇ ਵੀ ਪੇਲੇ ਨੂੰ ਯਾਦ ਕਰਦਿਆਂ ਲਿਖਿਆ ਕਿ ਪੇਲੇ ਨੇ ਬ੍ਰਾਜ਼ੀਲ ਦੀ ਫੁੱਟਬਾਲ ਨੂੰ ਵਿਸ਼ਵ ਭਰ 'ਚ ਇੱਕ ਨਵੀਂ ਪਛਾਣ ਹਾਸਿਲ ਕਰਵਾਈ ਸੀ ਅਤੇ ਉਨ੍ਹਾਂ ਦੀ ਲੈਗੇਸੀ ਨੂੰ ਕਦੀ ਭੁਲਾਇਆ ਨਹੀਂ ਜਾ ਸਕੇਗਾ।
ਨੇਮਰ ਦੀ ਸਾਂਝੀ ਕੀਤੀ ਪੋਸਟ
ਪੇਲੇ ਤੋਂ ਪਹਿਲਾਂ 10 ਸਿਰਫ ਇੱਕ ਨੰਬਰ ਸੀ, "ਮੈਂ ਇਹ ਗੱਲ ਕਿਸੇ ਜਗ੍ਹਾ ਪੜ੍ਹੀ ਸੀ, ਪਰ ਇਹ ਗੱਲ ਜਿੱਥੇ ਬੜੀ ਢੁਕਵੀਂ ਹੈ, ਉੱਥੇ ਹੀ ਅਧੂਰੀ ਵੀ ਜਾਪਦੀ ਹੈ।" "ਮੇਰੇ ਮੁਤਾਬਿਕ ਤਾਂ ਪੇਲੇ ਤੋਂ ਪਹਿਲਾਂ ਫੁੱਟਬਾਲ ਦੀ ਖੇਡ ਸਿਰਫ ਇੱਕ ਖੇਡ ਸੀ, ਪਰ ਪੇਲੇ ਨੇ ਇਸ ਨੂੰ ਬਦਲ ਦਿੱਤਾ। ਪੇਲੇ ਨੇ ਫੁੱਟਬਾਲ ਨੂੰ ਆਰਟ ਅਤੇ ਐਂਟਰਟੇਨਮੈਂਟ ਦੀ ਸ਼੍ਰੇਣੀ 'ਚ ਲਿਆ ਖੜਾ ਕੀਤਾ। ਉਨ੍ਹਾਂ ਗਰੀਬ ਲੋਕਾਂ ਨੂੰ ਆਵਾਜ਼ ਦਿੱਤੀ, ਉਨ੍ਹਾਂ ਸਿਆਹ ਰੰਗ ਦੇ ਲੋਕਾਂ ਨੂੰ ਆਵਾਜ਼ ਦਿੱਤੀ ਅਤੇ ਉਨ੍ਹਾਂ ਬ੍ਰਾਜ਼ੀਲ ਨੂੰ ਇੱਕ ਨਵੀਂ ਪਛਾਣ ਦਿੱਤੀ।" ਨੇਮਰ ਨੇ ਲਿਖਿਆ, "ਸੌਕਰ ਅਤੇ ਬ੍ਰਾਜ਼ੀਲ ਦੇ ਕੱਦ 'ਚ ਜੇਕਰ ਵਾਧਾ ਹੋਇਆ ਤਾਂ ਉਸ ਦੇ ਲਈ ਧੰਨਵਾਦ 'ਕਿੰਗ' ਨੂੰ ਕਹਿਣਾ ਬਣਦਾ ਹੈ।" ਨੇਮਰ ਨੇ ਆਪਣੀ ਪੋਸਟ ਦੇ ਅੰਤ 'ਚ ਲਿਖਿਆ, ਪੇਲੇ ਭਾਵੇਂ ਚਲੇ ਗਏ ਹਨ ਪਰ ਉਨ੍ਹਾਂ ਦਾ ਜਾਦੂ ਸਾਡੇ ਆਲੇ-ਦੁਆਲੇ ਹਮੇਸ਼ਾ ਰਵੇਗਾ।" 'ਪੇਲੇ ਇਜ਼ ਫੌਰਐਵਰ"
