28.15C Vancouver 28.15C VancouverMar 9, 2021 1:39 AM -
ਕੈਨੇਡਾ ਦੇ ਇਮਿਊਨਾਈਜ਼ੇਸ਼ਨ ਸੰਬੰਧੀ ਐਕਸਪਰਟ ਪੈਨਲ ਨੇ ਵੈਕਸੀਨ ਦੀ ਦੂਜੀ ਡੋਜ਼ ਪ੍ਰਦਾਨ ਕੀਤੇ ਜਾਣ ਲਈ 4 ਮਹੀਨੇ ਦਾ ਵਕਫ਼ਾ ਬਣਾਉਣ ਦੇ ਫੈਸਲੇ 'ਤੇ ਫਾਈਜ਼ਰ ਨੂੰ ਜਾਣਕਾਰੀ ਨਹੀਂ ਦਿੱਤੀ ਸੀ।
ਫਾਈਜ਼ਰ ਕੈਨੇਡਾ ਦੇ ਪ੍ਰਧਾਨ ਕੋਲ ਪਿਨੋ ਨੇ ਇਹ ਜਾਣਕਾਰੀ ਦਿੱਤੀ ਹੈ।
ਉਨ੍ਹਾਂ ਹਾਊਸ ਆਫ ਕਾਮਨਜ਼ ਹੈਲਥ ਕਮੇਟੀ ਸਾਹਮਣੇ ਇਹ ਗੱਲ ਆਖੀ।
ਇਹ ਸਲਾਹ 'ਨੈਸ਼ਨਲ ਐਡਵਾਇਜ਼ਰੀ ਕਮੇਟੀ ਔਨ ਇਮਿਊਨਾਈਜ਼ੇਸ਼ਨ' ਨੇ ਦਿੱਤੀ ਸੀ।
ਇਸ ਪਿੱਛੇ ਆਧਾਰ ਪੇਸ਼ ਕੀਤਾ ਗਿਆ ਸੀ ਕਿ 'ਰੀਅਲ ਵਰਲਡ ਡਾਟਾ' ਦਰਸ਼ਾਉਂਦਾ ਹੈ ਕਿ ਵੈਕਸੀਨ ਦੀ ਇੱਕੋ ਡੋਜ਼ ਕਾਫੀ ਪ੍ਰਭਾਵਸ਼ਾਲੀ ਹੈ ਅਤੇ ਇਸ 'ਚ ਵਧੇਰੇ ਵਕਫ਼ੇ ਨਾਲ ਵਧੇਰੇ ਲੋਕਾਂ ਨੂੰ ਜਲਦੀ ਡੋਜ਼ ਪ੍ਰਦਾਨ ਕੀਤੀ ਜਾ ਸਕੇਗੀ।
ਪਿਨੋ ਦਾ ਕਹਿਣਾ ਹੈ ਕਿ ਫਾਈਜ਼ਰ ਨੂੰ ਜਾਪਦਾ ਸੀ ਕਿ ਕੈਨੇਡਾ 'ਚ ਉਨ੍ਹਾਂ ਦੀ ਵੈਕਸੀਨ ਨੂੰ ਫਰਵਰੀ ਤਕ ਮਨਜ਼ੂਰੀ ਨਹੀਂ ਮਿਲੇਗੀ ਪਰ ਵੈਕਸੀਨ ਨੂੰ ਦਿਸੰਬਰ 'ਚ ਹੀ ਮਾਨਤਾ ਦੇ ਦਿੱਤੀ ਗਈ ਅਤੇ ਇਸ ਕਾਰਨ ਸ਼ਿਪਮੈਂਟਸ 'ਚ ਕੁਝ ਵਿਘਨ ਦਾ ਸਾਹਮਣਾ ਕਰਨਾ ਪਿਆ।
