19.34C Vancouver 19.34C VancouverMar 19, 2025 5:31 PM - Connect Newsroom
ਕੰਜ਼ਰਵੇਟਿਵ ਲੀਡਰ ਪੀਅਰ ਪੌਲੀਐਵ ਨੇ ਟਰੰਪ ਦੀਆਂ ਧਮਕੀਆਂ ਵਿਚਕਾਰ ਓਨਟਾਰੀਓ ਵਿਚ ਮੌਜੂਦ ਦੁਨੀਆ ਦੇ ਸਭ ਤੋਂ ਮਹੱਤਵਪੂਰਣ ਖਣਿਜ ਭੰਡਾਰ ਵਾਲੇ ਖੇਤਰ ਰਿੰਗ ਆਫ਼ ਫਾਇਰ ਵਿਚ ਮਾਈਨਿੰਗ ਲਈ ਸਾਰੇ ਫੈਡਰਲ ਪਰਮਿਟ 6 ਮਹੀਨਿਆਂ ਵਿਚ ਮਨਜ਼ੂਰ ਕਰਨ ਦੀ ਘੋਸ਼ਣਾ ਕੀਤੀ ਹੈ। ਇਸ ਇਲਾਕੇ ਨੂੰ ਨਿੱਕਲ, ਤਾਂਬਾ ਅਤੇ ਕੋਬਾਲਟ ਵਰਗੀਆਂ ਮਹੱਤਵਪੂਰਨ ਧਾਤਾਂ ਦਾ ਮੁੱਖ ਸਰੋਤ ਮੰਨਿਆ ਜਾਂਦਾ ਹੈ, ਜਿਨ੍ਹਾਂ ਦਾ ਇਸਤੇਮਾਲ ਇਲੈਕਟ੍ਰਿਕ ਵਾਹਨਾਂ ਦੀਆਂ ਬੈਟਰੀਆਂ ਬਣਾਉਣ ਵਿਚ ਹੁੰਦਾ ਹੈ।
ਮਾਹਰ ਓਨਟਾਰੀਓ ਦੇ ਇਸ ਮਹੱਤਵਪੂਰਨ ਖਣਿਜ ਭੰਡਾਰ ਨੂੰ ਹੀ ਟਰੰਪ ਦੀਆਂ ਕੈਨੇਡਾ ਨੂੰ ਅਮਰੀਕਾ ਵਿਚ ਮਿਲਾਉਣ ਦੀ ਧਮਕੀਆਂ ਦੇ ਤੌਰ 'ਤੇ ਦੇਖਦੇ ਹਨ। ਪੌਲੀਐਵ ਨੇ ਇਸ ਦੇ ਨਾਲ ਹੀ ਟਰੰਪ ਦੀ ਟਿੱਪਣੀ 'ਤੇ ਵੀ ਪ੍ਰਤੀਕਰਮ ਦਿੱਤਾ, ਉਨ੍ਹਾਂ ਕਿਹਾ ਕਿ ਇਹ ਸੱਚ ਹੈ ਕਿ ਮੈਂ ਇੱਕ ਮਜ਼ਬੂਤ ਲੀਡਰ ਹਾਂ, ਮੇਰੇ ਨਾਲ ਡੀਲ ਕਰਨਾ ਆਸਾਨ ਨਹੀਂ ਕਿਉਂਕਿ ਮੈਂ ਹਮੇਸ਼ਾ ਕੈਨੇਡਾ ਨੂੰ ਪਹਿਲ 'ਤੇ ਰੱਖਦਾ ਹਾਂ।
ਗੌਰਤਲਬ ਹੈ ਕਿ ਟਰੰਪ ਨੇ ਇੱਕ ਇੰਟਰਵਿਊ ਵਿਚ ਕਿਹਾ ਸੀ ਕਿ ਕੰਜ਼ਰਵੇਟਿਵ ਦੀ ਬਜਾਏ ਲਿਬਰਲਸ ਨਾਲ ਡੀਲ ਕਰਨਾ ਸੌਖਾ ਹੈ।
