13.92C Vancouver 13.92C VancouverFeb 28, 2020 4:08 PM -
ਵੈਟ’ਸੁ’ਵੈਟ’ਇਨ ਦੇ ਹਿਰੈਡਿਟਰੀ ਚੀਫ ਦੀ ਫੈਡਰਲ ਅਤੇ ਸੂਬਾ ਸਰਕਾਰ ਦੇ ਮੰਤਰੀਆਂ ਨਾਲ ਬੈਠਕ ਦਾ ਅੱਜ ਦੂਸਰਾ ਦਿਨ ਹੈ।
ਇਸ ਬੈਠਕ ਦੌਰਾਨ ਬੀ.ਸੀ. ਦੇ ਵਿੱਚ ਉਸਾਰੀ ਜਾਣ ਵਾਲੀ ਨੈਚੁਰਲ ਗੈਸ ਪਾਈਪਲਾਈਨ ਦੇ ਸੰਬੰਧ ਵਿੱਚ ਦੋਵੇਂ ਧਿਰਾਂ ਵਿੱਚ ਬਣੀ ਅਸਹਿਮਤੀ ਨੂੰ ਸੁਲਝਾਉਣ ਬਾਰੇ ਵਿਚਾਰ ਮਸ਼ਵਰਾ ਕੀਤਾ ਜਾ ਰਿਹਾ ਹੈ।
ਇਸ ਝਗੜੇ ਸਦਕਾ ਦੇਸ਼ ਭਰ ਵਿੱਚ ਮੁਜ਼ਾਹਰੇ ਕੀਤੇ ਜਾ ਰਹੇ ਹਨ ਜਿਸ ਦਾ ਦੇਸ਼ ਦੀ ਆਰਥਕ ਦਸ਼ਾ ਉੱਤੇ ਡੂੰਘਾ ਅਸਰ ਪੈ ਰਿਹਾ ਹੈ।
ਫੈਡਰਲ ਕ੍ਰਾਊਨ ਇੰਡੀਜੀਨਸ ਰਿਲੇਸ਼ਨਜ਼ ਮਨਿਸਟਰ ਕੈਰੋਲਿਨ ਬੈਨੇਟ ਅਤੇ ਬ੍ਰਿਟਿਸ਼ ਕੋਲੰਬੀਆ ਦੇ ਇੰਡੀਜੀਨਸ ਰਿਲੇਸ਼ਨਜ਼ ਮਨਿਸਟਰ ਸਕਾਟ ਫਰੇਜ਼ਰ ਅਤੇ ਵੈਟ’ਸੁ’ਵੈਟ’ਇਨ ਹੇਰਾਡਿਟਰੀ ਚੀਫਜ਼ ਵਿਚਕਾਰ ਕੱਲ੍ਹ ਦੁਪਹਿਰ ਗੱਲਬਾਤ ਸ਼ੁਰੂ ਹੋਈ ਸੀ।
ਬੈਨੇਟ ਮੁਤਾਬਕ ਇਸ ਬੈਠਕ ਦੀ ਸ਼ੁਰੂਆਤ ਬਹੁਤ ਵਧੀਆ ਰਹੀ।
ਹਿਰੈਡਿਟਰੀ ਚੀਫ ਨਾ’ਮੋਕਸ ਨੇ ਇਸ ਸਬੰਧ ਵਿੱਚ ਕੋਈ ਟਿੱਪਣੀ ਨਹੀਂ ਦਿੱਤੀ।
ਫਰੇਜ਼ਰ ਨੇ ਕਿਹਾ ਕਿ ਫਿਲਹਾਲ ਬੈਠਕ ਦਾ ਵੇਰਵਾ ਦੇਣਾ ਸਹੀ ਨਹੀਂ ਹੋਵੇਗਾ।
