ਇਜ਼ਰਾਈਲ ਅਤੇ ਹਮਾਸ ਵਿਚਕਾਰ ਸਮਝੌਤੇ ਸਬੰਧੀ ਗੱਲਬਾਤ ਦੇ ਨਵੇਂ ਦੌਰ ਲਈ ਦੋਵਾਂ ਧਿਰਾਂ ਦੇ ਆਗੂ ਮਿਸਰ ਪਹੁੰਚੇ

ਇਜ਼ਰਾਈਲ ਅਤੇ ਹਮਾਸ ਵਿਚਕਾਰ ਇੱਕ ਸਮਝੌਤੇ ਸਬੰਧੀ ਗੱਲਬਾਤ ਦੇ ਨਵੇਂ ਦੌਰ ਲਈ ਦੋਵਾਂ ਧਿਰਾਂ ਦੇ ਆਗੂ ਮਿਸਰ ਪਹੁੰਚੇ ਹਨ। ਮਿਸਰ ਕਤਰ ਅਤੇ ਅਮਰੀਕਾ ਇਸ ਗੱਲਬਾਤ ਵਿੱਚ ਵਿਚੋਲਗੀ ਕਰ ਰਹੇ ਹਨ। ਗੱਲਬਾਤ ਦੇ ਇਸ ਪੜਾਅ ਨਾਲ ਗਾਜ਼ਾ ਵਿੱਚ ਜੰਗਬੰਦੀ 'ਤੇ ਇੱਕ ਸਮਝੌਤੇ ਦੀ ਉਮੀਦ ਹੈ।

ਫਲਸਤੀਨ ਦੇ ਅਧਿਕਾਰੀਆਂ ਦਾ ਕਹਿਣਾ ਹੈ ਕਿ ਫਲਸਤੀਨੀ ਕੈਦੀਆਂ ਦੇ ਬਦਲੇ ਸਾਰੇ ਇਜ਼ਰਾਈਲੀ ਕੈਦੀਆਂ ਦੀ ਰਿਹਾਈ ਦੀਆਂ ਸ਼ਰਤਾਂ ਇਸ ਮੁਲਾਕਾਤ ਦਾ ਮੁੱਖ ਮੁੱਦਾ ਹੋਣਗੀਆਂ। ਹਮਾਸ ਨੇ ਪਿਛਲੇ ਹਫ਼ਤੇ ਪ੍ਰਸਤਾਵ ਦੀਆਂ ਕੁਝ ਸ਼ਰਤਾਂ ਨੂੰ ਲੈ ਕੇ ਸਹਿਮਤੀ ਪ੍ਰਗਟਾਈ ਸੀ।

ਇਜ਼ਰਾਈਲ ਅਤੇ ਹਮਾਸ ਤੋਂ ਇਲਾਵਾ, ਸੰਯੁਕਤ ਰਾਜ ਅਤੇ ਕਤਰ ਦੇ ਪ੍ਰਤੀਨਿਧੀ ਵੀ ਇਸ ਮੀਟਿੰਗ ਵਿੱਚ ਹਿੱਸਾ ਲੈਣਗੇ। ਇਜ਼ਰਾਈਲੀ ਵਫ਼ਦ ਦੀ ਅਗਵਾਈ ਰਣਨੀਤਕ ਮਾਮਲਿਆਂ ਦੇ ਮੰਤਰੀ ਰੌਨ ਡਰਮਰ ਕਰਨਗੇ। ਹਮਾਸ ਦੀ ਅਗਵਾਈ ਖਲੀਲ ਅਲ-ਹਯਾ ਕਰਨਗੇ, ਜਿਸ ‘ਤੇ ਪਿਛਲੇ ਹਫ਼ਤੇ ਇਜ਼ਰਾਈਲ ਨੇ ਦੋਹਾ ਵਿੱਚ ਹਮਲਾ ਕੀਤਾ ਸੀ।