18.12C Vancouver 18.12C VancouverJan 29, 2020 9:40 PM -
ਇੱਕ ਪ੍ਰੈਗਨੈਂਟ ਕਨੇਡੀਅਨ ਮਹਿਲਾ, ਉਨ੍ਹਾਂ ਦੇ 3 ਸਾਲਾ ਬੇਟੇ, ਅਤੇ ਉਨ੍ਹਾਂ ਦੇ ਬ੍ਰਿਟਿਸ਼ ਪਤੀ ਨੂੰ ਲੈਕੇ ਖਬਰਾਂ ਉਜਾਗਰ ਹੋ ਰਹੀਆਂ ਹਨ।
ਇਨ੍ਹਾਂ ਦੀਆਂ ਕੋਰੋਨਾਵਾਇਰਸ ਦਾ ਗੜ੍ਹ ਮੰਨੇ ਜਾ ਰਹੇ, ਵੁਹਾਨ ਤੋਂ ਨਿਕਲਣ ਦੀਆਂ ਕੋਸ਼ਿਸ਼ਾਂ ਨੂੰ ਲੈਕੇ ਖਬਰਾਂ ਸਾਹਮਣੇ ਆਈਆਂ ਹਨ।
ਮਹਿਲਾ 35 ਹਫਤੇ ਦੀ ਗਰਭਵਤੀ ਹੈ।
ਇਨ੍ਹਾਂ ਨੂੰ ਆਸ ਹੈ ਕਿ, ਅੱਜ ਇਹ ਬ੍ਰਿਟਿਸ਼ ਸਰਕਾਰ ਵੱਲੋਂ ਭੇਜੀ ਜਾ ਰਹੀ ਇੱਕ ਫਲਾਈਟ ਦੇ ਆਸਰੇ ਵੁਹਾਨ ਤੋਂ ਨਿਕਲ ਸਕਣਗੇ।
ਇਹ ਸਭ ਖਬਰਾਂ ਉਸ ਵੇਲੇ ਸਾਹਮਣੇ ਆ ਰਹੀਆਂ ਹਨ, ਜਦ ਕੈਨੇਡਾ 'ਚ ਫੈਡਰਲ ਸਰਕਾਰ ਨੇ ਇੱਕ ਫਲਾਈਟ ਬਾਰੇ ਐਲਾਨ ਕੀਤਾ ਹੈ, ਜੋ ਕਿ ਚੀਨ 'ਚ ਫਸੇ ਕਨੇਡੀਅਨਸ ਨੂੰ ਵਾਪਿਸ ਲਿਆਉਣ ਦੇ ਲਈ ਵਰਤੀ ਜਾਵੇਗੀ।
ਹਾਲਾਂਕਿ ਇਹ ਸਪਸ਼ਟ ਨਹੀਂ ਹੋ ਸਕਿਆ ਹੈ ਕਿ, ਇਹ ਫਲਾਈਟ ਉਡਾਣ ਕਦ ਭਰੇਗੀ, ਅਤੇ ਵੁਹਾਨ ਤੋਂ ਕਨੇਡੀਅਨਸ ਨੂੰ ਵਾਪਿਸ ਕਦ ਲਿਆਂਦਾ ਜਾਵੇਗਾ।
ਯਾਦ ਰਹੇ 150 ਤੋਂ ਵਧ ਕਨੇਡੀਅਨਸ ਨੇ ਮਦਦ ਮੰਗੀ ਸੀ।
ਇਸੇ ਦਰਮਿਆਨ ਕਨੇਡੀਅਨਸ ਨੂੰ ਚੌਕਸੀ ਵਰਤਣ ਲਈ ਵੀ ਆਖਿਆ ਜਾ ਰਿਹਾ ਹੈ, ਅਤੇ ਚੀਨ ਦੀ ਕਿਸੇ ਵੀ ਗੈਰ ਜਰੂਰੀ ਯਾਤਰਾ ਨੂੰ ਹਾਲ ਦੀ ਘੜੀ ਰੱਦ ਕਰਨ ਦੀ ਗੱਲ ਆਖੀ ਜਾ ਰਹੀ ਹੈ।
ਇਹ ਜਾਣਕਾਰੀਆਂ ਫੈਡਰਲ ਵਿਦੇਸ਼ ਮਾਮਲਿਆਂ ਬਾਰੇ ਮੰਤਰੀ ਨੇ ਜਾਰੀ ਕੀਤੀਆਂ।
ਦੂਜੇ ਪਾਸੇ ਪ੍ਰਧਾਨ ਮੰਤਰੀ ਜਸਟਿਨ ਟਰੂਡੋ ਦਾ ਕਹਿਣਾ ਹੈ ਕਿ ਵੁਹਾਨ ਇਲਾਕੇ 'ਚ ਫਸੇ ਘਟੋ ਘਟ 126 ਕਨੇਡੀਅਨਸ ਤਕ, ਮਦਦ ਪਹੁੰਚਾਉਣ ਦੀਆਂ ਸਾਰੀਆਂ ਕੋਸ਼ਿਸ਼ਾਂ ਕੀਤੀਆਂ ਜਾ ਰਹੀਆਂ ਹਨ।
ਪਰ ਉਨ੍ਹਾਂ ਇਸ ਸਥਿਤੀ ਨੂੰ ਥੋੜਾ ਉਲਝਿਆ ਹੋਇਆ ਦੱਸਿਆ।
ਉਨ੍ਹਾਂ ਆਖਿਆ ਕਿ ਓਹ ਇਲਾਕੇ 'ਚ ਫਸੇ ਕਨੇਡੀਅਨਸ ਨੂੰ ਲੈਕੇ ਫਿਕਰਮੰਦ ਹਨ।
