13.48C Vancouver 13.48C VancouverMar 23, 2020 4:44 PM -
ਪ੍ਰਧਾਨ ਮੰਤਰੀ ਜਸਟਿਨ ਟਰੂਡੋ ਮੁਤਾਬਕ ਕੋਵਿੱਡ-19 ਪੈਂਡਮਿਕ ਦੇ ਚੱਲਦਿਆਂ ਬਾਹਰਲੇ ਮੁਲਕਾਂ ਵਿੱਚ ਫਸੇ ਕਨੇਡੀਅਨਾਂ ਨੂੰ ਵਾਪਸ ਲਿਆਉਣ ਵਾਸਤੇ ਸਰਕਾਰ ਵੱਲੋਂ ਆਉਣ ਵਾਲੇ ਦਿਨਾਂ ਵਿੱਚ ਕਈ ਉਡਾਣਾਂ ਦਾ ਬੰਦੋਬਸਤ ਕੀਤਾ ਗਿਆ ਹੈ।
ਟਰੂਡੋ ਮੁਤਾਬਕ ਏਅਰ ਟਰਾਂਸੇਟ, ਵੈਸਟ ਜੈੱਟ ਅਤੇ ਸਨਵਿੰਗ ਏਅਰਲਾਈਨਾਂ ਵੱਲੋਂ ਇਸ ਹਫ਼ਤੇ ਕਈ ਉਡਾਣਾਂ ਭੇਜਣ ਦੀ ਯੋਜਨਾ ਹੈ।
ਉਨ੍ਹਾਂ ਕਿਹਾ ਕਿ ਆਉਣ ਵਾਲੇ ਦਿਨਾਂ ਵਿੱਚ ਏਅਰ ਕੈਨੇਡਾ ਦੀਆਂ ਦੋ ਉਡਾਣਾਂ ਮੋਰਾਕੋ ਤੋਂ ਕਨੇਡੀਅਨਾਂ ਨੂੰ ਲਿਆਉਣ ਵਾਸਤੇ ਭੇਜੀਆਂ ਜਾ ਰਹੀਆਂ ਹਨ।
ਏਅਰ ਕੈਨੇਡਾ ਦੀ ਇੱਕ ਉਡਾਣ ਸਪੇਨ ਜਾ ਰਹੀ ਹੈ ਅਤੇ ਏਅਰ ਟਰਾਂਸੇਟ ਵੱਲੋਂ ਦੋ ਉਡਾਣਾਂ ਹਾਂਡੂਰਸ ਅਤੇ ਇੱਕ ਐਕੁਆਡੋਰ ਅਤੇ ਇੱਕ ਗੁਆਟੇਮਾਲਾ ਨੂੰ ਭੇਜੀ ਜਾਵੇਗੀ।
ਫੌਰਨ ਅਫੇਅਰਜ਼ ਮਨਿਸਟਰ ਫਰਾਂਸੁਆ-ਫਿਲੀਪ ਸ਼ੈਂਪੇਨ ਨੇ ਟਵਿੱਟਰ ਰਾਹੀਂ ਅੱਜ ਕਿਹਾ ਕਿ ਸਰਕਾਰ ਵੱਲੋਂ ਪੇਰੂ ਜਾਣ ਵਾਸਤੇ ਵੀ ਤਿੰਨ ਉਡਾਣਾਂ ਦਾ ਬੰਦੋਬਸਤ ਕੀਤਾ ਗਿਆ ਹੈ।
