22.2C Vancouver 22.2C VancouverOct 13, 2020 5:29 PM -
ਪ੍ਰਧਾਨ ਮੰਤਰੀ ਜਸਟਿਨ ਟਰੂਡੋ ਦਾ ਕਹਿਣਾ ਹੈ ਕਿ ਵਿਰੋਧੀ ਪਾਰਟੀਆਂ 'ਵੀ ਚੈਰਿਟੀ' ਮਾਮਲੇ ਦਾ ਪਿੱਛਾ ਨਹੀਂ ਛੱਡ ਰਹੀਆਂ, ਜਦੋਂ ਕਿ ਇਸ ਵੇਲੇ ਉਨ੍ਹਾਂ ਦੀ ਸਰਕਾਰ ਦਾ ਧਿਆਨ ਕੋਵਿਡ-19 ਪੈਨਡੇਮਿਲ ਦੌਰਾਨ ਕੈਨਡੀਅਨ ਲੋਕਾਂ ਦੀ ਸਹਾਇਤਾ ਕਰਨਾ ਹੈ।
ਟਰੂਡੋ ਦੁਆਰਾ ਅਗਸਤ ਵਿਚ ਪਾਰਲੀਆਮੈਂਟ ਪ੍ਰੋਰੋਗ ਕਰਨ ਦੇ ਐਲਾਨ ਤੋਂ ਪਹਿਲਾਂ, ਦੋ ਹਾਊਸ ਔਫ਼ ਕੌਮਨਜ਼ ਕਮੇਟੀਆਂ ਵੱਲੋਂ ਇਸ ਕਈ ਬਿਲਿਅਨ ਡੌਲਰ ਦੇ ਫੈਡਰਲ ਪ੍ਰੋਗਰਾਮ ਨੂੰ 'ਵੀ ਚੈਰਿਟੀ' ਨੂੰ ਦਿੱਤੇ ਜਾਣ ਬਾਬਤ ਕਈ ਮਹੀਨੇ ਜਾਂਚ ਵਿਚ ਬਿਤਾਏ ਗਏ।
ਪਰ ਫੈਡਰਲ ਕਨਜ਼ਰਵੇਟਿਵਜ਼ ਵੱਲੋਂ ਇਸ ਵੇਲੇ ਮੰਗ ਕੀਤੀ ਜਾ ਰਹੀ ਹੈ ਕਿ ਇਸ ਦੀ ਤਫ਼ਤੀਸ਼ ਇੱਕ ਨਵੀਂ ਐਂਟੀ-ਕਰੱਪਸ਼ਨ ਕਮੇਟੀ ਵੱਲੋਂ ਕੀਤੀ ਜਾਵੇ।
ਅਜਿਹੀ ਕਮੇਟੀ ਦੇ ਬਣਾਏ ਜਾਣ 'ਤੇ ਟਰੂਡੋ ਦੇ ਸਹਿਯੋਗ ਬਾਰੇ ਪੁੱਛੇ ਜਾਣ 'ਤੇ ਉਨ੍ਹਾਂ ਕਿਹਾ ਕਿ ਉੁਨ੍ਹਾਂ ਦੀ ਸਰਕਾਰ ਮੁਤਾਬਕ ਇਹ ਮਸਲਾ ਖ਼ਤਮ ਹੋ ਚੁੱਕਾ ਹੈ ਅਤੇ ਉਨ੍ਹਾਂ ਦੀ ਸਰਕਾਰ ਦੀ ਤਰਜੀਹ ਕੋਵਿਡ-19 ਪੈਨਡੇਮਿਕ ਦੇ ਨਾਲ ਨਜਿੱਠਣਾ ਹੈ।
ਟਰੂਡੋ ਨੇ ਕਿਹਾ ਕਿ ਉਹ ਖ਼ੁਦ ਵੀ ਜੁਲਾਈ ਦੇ ਮਹੀਨੇ ਵਿਚ ਕਮੇਟੀ ਸਾਹਮਣੇ ਪੇਸ਼ ਹੋ ਚੁੱਕੇ ਹਨ, ਅਤੇ ਫੈਡਰਲ ਸਰਕਾਰ ਇਸ ਗ੍ਰਾਂਟ ਬਾਰੇ ਦਰਤਾਵੇਜ਼ਾਂ ਦੇ ਕਈ ਹਜ਼ਾਰ ਵਰਕੇ ਜਾਰੀ ਕਰ ਚੁੱਕੀ ਹੈ।
ਕਨਜ਼ਰਵੇਟਿਵ ਪਾਰਟੀ ਵੱਲੋਂ ਇਸ ਪੂਰੇ ਵਿਵਾਦ ਅਤੇ ਟਰੂਡੇ ਦੇ ਪਰਿਵਾਰ ਦੇ 'ਵੀ' ਨਾਲ ਸੰਬੰਧਾਂ ਬਾਰੇ, ਐਂਟੀ-ਕਰੱਪਸ਼ਨ ਕਮੇਟੀ ਨਾ ਬਨਣ 'ਤੇ ਖੁਦ ਘੋਖ ਕਰਨ ਦੀ ਵਚਨਬੱਧਤਾ ਜ਼ਾਹਿਰ ਕੀਤੀ ਗਈ ਹੈ।
