26.08C Vancouver 26.08C VancouverJun 6, 2025 8:28 PM -
ਪ੍ਰਧਾਨ ਮੰਤਰੀ ਮਾਰਕ ਕਾਰਨੀ ਵੱਲੋਂ ਭਾਰਤ ਦੇ ਪ੍ਰਧਾਨ ਮੰਤਰੀ ਨਰੇਂਦਰ ਮੋਦੀ ਨੂੰ ਇਸੇ ਮਹੀਨੇ ਐਲਬਰਟਾ ਵਿਖੇ ਹੋਣ ਜਾ ਰਹੇ ਜੀ-7 ਸੰਮੇਲਨ 'ਚ ਸ਼ਾਮਿਲ ਹੋਣ ਦਾ ਸੱਦਾ ਦਿੱਤੇ ਜਾਣ ਦਾ ਬਚਾਅ ਕੀਤਾ ਜਾ ਰਿਹਾ ਹੈ।
ਕਾਰਨੀ ਨੇ ਆਪਣੇ ਫੈਸਲੇ ਨੂੰ ਅਜਿਹੇ ਸਮੇਂ ਡਿਫੈਂਡ ਕੀਤਾ ਜਦ ਐਨ.ਡੀ.ਪੀ. ਅਤੇ ਡਬਲਿਊ.ਐਸ.ਓ. ਕੈਨੇਡਾ ਵੱਲੋਂ ਇਸ ਸੱਦੇ 'ਤੇ ਸਵਾਲ ਚੁੱਕੇ ਗਏ ਹਨ।
ਪ੍ਰਧਾਨ ਮੰਤਰੀ ਕਾਰਨੀ ਦਾ ਕਹਿਣਾ ਹੈ ਕਿ ਭਾਰਤ ਨੂੰ ਜੀ-7 ਸੰਮੇਲਨ ਦਾ ਹਿੱਸਾ ਬਣਾਉਣਾ ਇੱਕ ਸੂਝਬੂਝ ਵਾਲਾ ਕਦਮ ਹੈ।
ਉਨ੍ਹਾਂ ਆਖਿਆ ਕਿ ਭਾਰਤ ਵਿਸ਼ਵ ਦੀਆਂ ਸਭ ਤੋਂ ਵੱਡੀਆਂ ਇਕਾਨਮੀਸ ਵਿੱਚ ਸ਼ਾਮਿਲ ਹੈ।
ਪ੍ਰਧਾਨ ਮੰਤਰੀ ਦਾ ਕਹਿਣਾ ਹੈ ਕਿ ਇਹ ਸੱਦਾ ਇਸ ਕਮਿਟਮੈਂਟ ਦੇ ਨਾਲ ਦਿੱਤਾ ਗਿਆ ਹੈ ਕਿ ਲਾਅ ਐਨਫੋਰਸਮੈਂਟਸ ਸੰਬੰਧੀ ਚਰਚਾ ਵੀ ਜਾਰੀ ਰਵੇਗੀ।
ਉੱਧਰ ਦੇਸ਼ ਦੀ ਮੁੱਖ ਵਿਰੋਧੀ ਧਿਰ ਕੰਜ਼ਰਵੇਟਿਵ ਪਾਰਟੀ ਨੇ ਵੀ ਪ੍ਰਧਾਨ ਮੰਤਰੀ ਮੋਦੀ ਨੂੰ ਸੱਦਾ ਦਿੱਤੇ ਜਾਣ ਸੰਬੰਧੀ ਸਹਿਯੋਗ ਜਾਹਿਰ ਕੀਤਾ ਹੈ।
ਦੋਵਾਂ ਦੇਸ਼ਾਂ 'ਚ ਸਿਆਸੀ ਤਰੇੜ ਉਸ ਸਮੇਂ ਆਈ ਸੀ ਜਦ ਸਾਬਕਾ ਪ੍ਰਧਾਨ ਮੰਤਰੀ ਜਸਟਿਨ ਟਰੂਡੋ ਨੇ ਸਾਲ 2023 ਵਿੱਚ ਪਾਰਲੀਅਮੈਂਟ 'ਚ ਆਖਿਆ ਸੀ ਕਿ ਖਾਲਿਸਤਾਨ ਹਮਾਇਤੀ ਹਰਦੀਪ ਸਿੰਘ ਨਿੱਜਰ ਦੇ ਕਤਲ ਮਾਮਲੇ 'ਚ ਭਾਰਤ ਦੇ ਏਜੈਂਟਸ ਦੇ ਲਿੰਕ ਹੋਣ ਦੀ ਕ੍ਰੈਡਿਬਲ ਜਾਣਕਾਰੀ ਹੈ।
ਬੀਤੇ ਸਾਲ ਅਕਤੂਬਰ ਮਹੀਨੇ ਆਰ.ਸੀ.ਐਮ.ਪੀ. ਨੇ ਆਖਿਆ ਸੀ ਕਿ ਭਾਰਤੀ ਸਰਕਾਰ ਦੇ ਏਜੈਂਟਸ ਦੇ ਕੈਨੇਡਾ 'ਚ ਹੁੰਦੇ ਕ੍ਰਿਮੀਨਲ ਐਕਟਸ ਅਤੇ ਕਤਲਾਂ 'ਚ ਲਿੰਕ ਹੋਣ ਦੇ ਸਬੂਤ ਹਨ।
