18.12C Vancouver 18.12C VancouverJan 23, 2020 9:23 PM -
ਪ੍ਰਧਾਨ ਮੰਤਰੀ ਜਸਟਿਨ ਟਰੂਡੋ ਦਾ ਕਹਿਣਾ ਹੈ ਕਿ ਉਨ੍ਹਾਂ ਦੀ ਸਰਕਾਰ ਪੁਰਜ਼ੋਰ ਕੋਸ਼ਿਸ਼ ਕਰ ਰਹੀ ਹੈ ਕਿ ਪੁਖਤਾ ਕੀਤਾ ਜਾ ਸਕੇ ਕਿ ਕੈਨੇਡਾ ਕੋਲ ਚੀਨ 'ਚ ਫੈਲੇ ਕਰੋਨਾਵਾਇਰਸ ਨਾਲ ਨਜਿੱਠਣ ਦੇ ਸਭ ਤੋਂ ਬੇਹਤਰੀਨ ਉਪਾਅ ਮੌਜੂਦ ਰਹਿਣ।
World Health Organisation ਵੱਲੋਂ ਇਸ ਵਾਇਰਸ ਸੰਬੰਧੀ ਕੀਤੀ ਗਈ ਐਮਰਜੈਂਸੀ ਬੈਠਕ ਤੋਂ ਠੀਕ ਬਾਅਦ, ਟਰੂਡੋ ਨੇ ਪੱਤਰਕਾਰਾਂ ਨਾਲ ਗੱਲਬਾਤ ਕਰਦਿਆਂ ਇਹ ਟਿੱਪਣੀ ਕੀਤੀ।
ਇਸਤੋਂ ਪਹਿਲਾਂ ਫੈਡਰਲ ਸਿਹਤ ਮੰਤਰੀ, ਪੈਟੀ ਹੈਡੂ ਨੇ ਆਖਿਆ ਸੀ ਕਿ ਚੀਨ ਤੋਂ ਕੈਨੇਡਾ ਆਏ ਕੁਝ ਵਿਅਕਤੀਆਂ ਨੂੰ ਕਰੋਨਾਵਾਇਰਸ ਦੇ ਸ਼ੱਕ ਕਾਰਨ, ਨਿਗਰਾਨੀ ਹੇਠ ਰੱਖਿਆ ਗਿਆ ਹੈ।
ਹੈਡੂ ਨੇ ਕਿਹਾ ਕਿ 5 ਤੋਂ 6 ਵਿਅਕਤੀ ਜਿਨ੍ਹਾਂ ਵਿੱਚੋਂ ਇੱਕ ਕਯੂਬੈਕ ਵਿੱਚ ਅਤੇ ਇੱਕ ਵੈਨਕੂਵਰ ਵਿੱਚ ਹੈ, ਉਨ੍ਹਾਂ ਨੂੰ ਨਿਗਰਾਨੀ ਅਧੀਨ ਰੱਖਿਆ ਗਿਆ ਹੈ।
ਉਨ੍ਹਾਂ ਇਸ ਗੱਲ ਉੱਤੇ ਜ਼ੋਰ ਦਿੱਤਾ ਕਿ ਕੈਨੇਡੀਅਨ ਲੋਕਾਂ ਨੂੰ ਇਹ ਵਾਇਰਸ ਹੋਣ ਦਾ ਖਤਰਾ ਬਹੁਤ ਘੱਟ ਹੈ, ਅਤੇ ਕੈਨੇਡਾ ਵਿੱਚ ਕਰੋਨਾਵਾਇਰਸ ਦੇ ਕੋਈ ਵੀ ਕੇਸ ਸਾਹਮਣੇ ਨਹੀਂ ਆਏ ਹਨ।
