ਨਰਿੰਦਰ ਮੋਦੀ ਨੇ ਮਨਮੋਹਨ ਸਿੰਘ 'ਤੇ ਪੁਰਾਣੇ ਬਿਆਨ ਤੋਂ 'ਯੂ-ਟਰਨ' ਲੈਣ ਦਾ ਲਾਇਆ ਦੋਸ਼

ਭਾਰਤ ਦੇ ਪ੍ਰਧਾਨ ਮੰਤਰੀ ਨਰੇਂਦਰ ਮੋਦੀ ਵੱਲੋਂ ਅੱਜ ਸੋਮਵਾਰ ਨੂੰ ਆਪਣੇ ਤੋਂ ਪਹਿਲਾਂ ਦੇ ਪ੍ਰਧਾਨ ਮੰਤਰੀ ਮਨਮੋਹਨ ਸਿੰਘ ਵੱਲੋਂ ਖੇਤੀ ਉਤਪਾਦਨ ਲਈ ਇੱਕੋ ਮੰਡੀ ਬਣਾਉਣ ਦੇ ਦਿੱਤੇ ਪਹਿਲਾਂ ਦੇ ਬਿਆਨ ਨੂੰ ਹੁਣ ਉਨ੍ਹਾਂ ਵੱਲੋਂ 'ਯੂ-ਟਰਨ' ਲੈਣ ਦੀ ਗੱਲ ਆਖਦਿਆਂ, ਕੇਂਦਰ ਵੱਲੋਂ ਕਿਸਾਨਾਂ ਲਈ ਬਣਾਈਆਂ ਗਈਆਂ ਨੀਤੀਆਂ ਦਾ ਪੱਖ ਲਿਆ ਗਿਆ।

"ਮਨਮੋਹਣ ਜੀ ਇੱਥੇ ਹੀ ਹਨ, ਮੈਂ ਉਹਨਾਂ ਵੱਲੋਂ ਆਖੀ ਗਈ ਗੱਲ ਹੀ ਦੁਹਰਾਵਾਂਗਾ। ਉਹ, ਜੋ ਹੁਣ 'ਯੂ-ਟਰਨ' (ਖੇਤੀ ਕਾਨੂੰਨਾਂ 'ਤੇ) ਲੈ ਰਹੇ ਹਨ, ਸ਼ਾਇਦ ਉਹਨਾਂ ਨਾਲ ਇਸ ਗੱਲੋਂ ਸਹਿਮਤ ਹੋਣ। ਹਾਲਾਂਕਿ ਇੱਥੇ ਹੋਰ ਕਈ ਕਠੋਰਤਾਵਾਂ ਹਨ ਕਿਉਂਕਿ ਮੰਡੀ ਪ੍ਰਣਾਲੀ 1930 'ਚ ਸ਼ੁਰੂ ਹੋਈ ਸੀ, ਜਿਸ ਨਾਲ ਸਾਡੇ ਕਿਸਾਨ ਆਪਣਾ ਉਤਪਾਦਨ ਉੱਥੇ ਨਹੀਂ ਵੇਚ ਪਾਉਂਦੇ ਸਨ, ਜਿੱਥੋਂ ਉਨ੍ਹਾਂ ਨੂੰ ਵੱਧ ਮੁੱਲ ਮਿਲੇ.." ਪੀਐੱਮ ਮੋਦੀ ਵੱਲੋਂ ਰਾਜ ਸਭਾ 'ਚ ਸਦਰ ਦੇ ਭਾਸ਼ਣ ਦਾ ਸ਼ੁਕਰੀਆ ਅਦਾ ਕਰਨ ਵੇਲੇ ਇਹ ਆਖਿਆ ਗਿਆ।

"..ਸਾਡਾ ਮੰਤਵ ਭਾਰਤ ਨੂੰ ਵੱਡੀ ਸਾਂਝੀ ਮੰਡੀ ਦੀ ਤਾਕਤ ਮਹਿਸੂਸ ਕਰਨ ਦੇ ਰਾਹ ਦੇ ਰੋੜਿਆਂ ਨੂੰ ਹਟਾਉਣਾ ਹੈ," ਉਨ੍ਹਾਂ ਅੱਗੇ ਆਖਿਆ। ਪੀ ਐੱਮ ਮੋਦੀ ਨੇ ਆਖਿਆ,"ਮਨਮੋਹਨ ਸਿੰਘ ਜੀ ਨੇ ਕਿਸਾਨਾਂ ਨੂੰ ਉਹਨਾਂ ਦੇ ਉਤਪਾਦ ਨੂੰ ਵੇਚਣ ਲਈ ਆਪਣੀ ਮਨਸ਼ਾ ਸਾਫ਼ ਕੀਤੀ ਸੀ ਅਤੇ ਇੱਕ ਮੰਡੀ ਦੀ ਗੱਲ ਆਖੀ ਸੀ। ਅਤੇ ਅਸੀਂ ਉਹ ਸਭ ਹੁਣ ਕਰ ਰਹੇ ਹਾਂ। ਤੁਹਾਨੂੰ ਸਭ ਨੂੰ ਮਾਣ ਹੋਣਾ ਚਾਹੀਦਾ ਹੈ। ਦੇਖੋ, ਜੋ ਮਨਮੋਹਨ ਸਿੰਘ ਜੀ ਨੇ ਆਖਿਆ ਸੀ, ਉਹ ਹੁਣ ਮੋਦੀ ਨੂੰ ਕਰਨਾ ਪੈ ਰਿਹਾ ਹੈ।"

ਦੱਸਣਯੋਗ ਹੈ ਕਿ ਪੀ ਐੱਮ ਮੋਦੀ ਦਾ ਇਹ ਬਿਆਨ ਬੀਤੇ ਸਾਲ 26 ਨਵੰਬਰ ਤੋਂ ਦਿੱਲੀ ਦੀਆਂ ਵੱਖੋ-ਵੱਖ ਸਰਹੱਦਾਂ 'ਤੇ ਤਿੰਨ ਖੇਤੀ ਕਾਨੂੰਨਾਂ-ਉਪਜ,ਵਪਾਰ ਅਤੇ ਵਣਜ ਬਿੱਲ(ਤਰੱਕੀ ਅਤੇ ਸਹੂਲਤ), 2020 , ਕਿਸਾਨ (ਸਸ਼ਕਤੀਕਰਨ ਅਤੇ ਰੱਖਿਆ) ਸਮਰਥਨ ਮੁੱਲ ਸਮਝੌਤਾ ਅਤੇ ਖੇਤੀ ਸੇਵਾਵਾਂ ਬਿੱਲ,2020 ਅਤੇ ਜ਼ਰੂਰੀ ਵਸਤਾਂ(ਸੋਧ) ਬਿੱਲ,2020 - ਖ਼ਿਲਾਫ਼ ਦਿੱਤੇ ਜਾ ਰਹੇ ਕਿਸਾਨਾਂ ਦੇ ਧਰਨੇ ਦੌਰਾਨ ਦਿੱਤਾ ਗਿਆ ਹੈ।

ਪ੍ਰਧਾਨ ਮੰਤਰੀ ਨੇ ਇਹ ਵੀ ਆਖਿਆ ਹੈ ਕਿ ਪੂਰੀ ਦੁਨੀਆਂ ਦੀਆਂ ਨਜ਼ਰਾਂ ਭਾਰਤ 'ਤੇ ਹਨ ਅਤੇ ਸਭਨੂੰ ਇਹੋ ਹੀ ਉਮੀਦ ਹੈ ਕਿ ਭਾਰਤ ਇਸ ਗ੍ਰਹਿ ਦੀ ਭਲਾਈ ਲਈ ਆਪਣਾ ਯੋਗਦਾਨ ਪਾਵੇਗਾ। ਉਨ੍ਹਾਂ ਇਹ ਵੀ ਆਖਿਆ ਕਿ ਭਾਰਤ ਇੱਕ ਜੋਸ਼ ਭਰੀ ਧਰਤੀ ਹੈ ਜਿੱਥੇ ਅੱਗੇ ਵਧਣ ਦੇ ਕਈ ਮੌਕੇ ਹਾਂ ਅਤੇ ਅਸੀਂ ਉਨ੍ਹਾਂ ਨੂੰ ਅਜਾਈਂ ਨਹੀਂ ਜਾਣ ਦੇਵਾਂਗੇ।

ਗ਼ੌਰਤਲਬ ਹੈ ਕਿ ਬੀਤੇ ਸ਼ੁੱਕਰਵਾਰ ਨੂੰ ਰਾਜ ਸਭਾ 'ਚ ਸਦਰ ਦੇ ਭਾਸ਼ਣ ਦੇ ਧੰਨਵਾਦ ਦੇ ਨਾਲ ਨਾਲ ਬਹਿਸ ਹੋਈ, ਜਿਸ ਵਿੱਚ 25 ਸਿਆਸੀ ਪਾਰਟੀਆਂ ਵੱਲੋਂ 50 ਬੁਲਾਰਿਆਂ ਵੱਲੋਂ ਹਿੱਸਾ ਲਿਆ ਗਿਆ ਅਤੇ ਇਹ ਵਿਚਾਰ-ਚਰਚਾ 3 ਦਿਨਾਂ ਤੱਕ ਚੱਲੀ।

ਅਧਿਕਾਰੀਆਂ ਮੁਤਾਬਕ ਇਹ ਵਿਚਾਰ-ਚਰਚਾ ਹੁਣ ਤੱਕ ਦੀਆਂ ਸਭ ਤੋਂ ਵੱਡੀਆਂ ਚਰਚਾਵਾਂ 'ਚੋਂ ਇੱਕ ਸੀ, ਜਿਸ ਵਿੱਚ ਵੱਧੀ ਗਿਣਤੀ 'ਚ ਮੈਂਬਰਾਂ ਵੱਲੋਂ ਹਿੱਸਾ ਲਿਆ ਗਿਆ। ਇਸ ਚਰਚਾ 'ਚ ਭਾਜਪਾ ਦੇ 18 , ਕਾਂਗਰਸ ਦੇ 7 ਅਤੇ ਦੂਜੀਆਂ ਪਾਰਟੀਆਂ ਦੇ 25 ਮੈਂਬਰਾਂ ਨੇ ਸ਼ਮੂਲੀਅਤ ਕੀਤੀ।