30.95C Vancouver 30.95C VancouverMar 17, 2020 8:39 PM -
ਪ੍ਰਧਾਨ ਮੰਤਰੀ ਜਸਟਿਨ ਟਰੂਡੋ ਦਾ ਕਹਿਣਾ ਹੈ ਕਿ ਐਮਰਜੈਂਸੀਸ ਐਕਟ ਇੱਕ ਅਜਿਹਾ ਔਜਾਰ ਹੈ, ਜਿਸ ਨਾਲ ਫੈਡਰਲ ਸਰਕਾਰ ਕੁਝ ਅਜਿਹੇ ਕਦਮ ਉਠਾ ਸਕਦੀ ਹੈ, ਜੋ ਕਿ ਇਸਦੇ ਲਾਗੂ ਕੀਤੇ ਬਿਨਾ ਉਠਾਉਣਾ ਮੁਸ਼ਕਿਲ ਹੈ।
ਹਾਲਾਂਕਿ ਉਨ੍ਹਾਂ ਕਿਹਾ ਕਿ ਲਿਬਰਲ ਸਰਕਾਰ ਕੁਝ ਹੋਰ ਤਰੀਕਿਆਂ 'ਤੇ ਵੀ ਗੌਰ ਕਰ ਰਹੀ ਹੈ, ਜਿਸ ਨਾਲ ਕੁਝ ਅਹਿਮ ਕਦਮ ਉਠਾਏ ਜਾ ਸਕਣ, ਅਤੇ ਸਟੇਟ ਆਫ ਐਮਰਜੈਂਸੀ ਐਲਾਨਣ ਦੀ ਲੋੜ ਨਾ ਪਵੇ।
ਟਰੂਡੋ ਨੇ ਇਹ ਵੀ ਕਿਹਾ ਕਿ ਕਰੀਬ 3 ਮਿਲੀਅਨ ਕਨੇਡੀਅਨ ਦੇਸ਼ ਤੋਂ ਬਾਹਰ ਰਹਿੰਦੇ ਹਨ ਜਾਂ ਯਾਤਰਾ ਕਰ ਰਹੇ ਹਨ, ਅਤੇ ਇਹ ਸੋਚਣਾ ਮੁਮਕਿਨ ਨਹੀਂ ਹੈ ਕਿ ਸਾਰੇ ਹੁਣੇ ਵਾਪਿਸ ਆ ਜਾਣਗੇ। ਟਰੂਡੋ ਨੇ ਕਿਹਾ ਕਿ ਕੈਨੇਡਾ ਦੀ ਵਿੱਤੀ ਹਾਲਤ ਠੀਕ ਹੈ, ਅਤੇ ਦੇਸ਼ ਇਸਦੇ ਸਮਰੱਥ ਹੈ ਕਿ ਮੁਸ਼ਕਿਲ ਦੇ ਸਮੇਂ ਦੌਰਾਨ ਦੇਸ਼ ਅੱਗੇ ਵਧਦਾ ਰਹੇ ਅਤੇ ਦੇਸ਼ਵਾਸੀਆਂ ਦੀ ਮਦਦ ਕੀਤੀ ਜਾ ਸਕੇ।
ਪ੍ਰਧਾਨ ਮੰਤਰੀ ਨੇ ਪਾਰਲੀਅਮੈਂਟ ਨੂੰ ਵੀ ਕੁਝ ਸਮੇਂ ਲਈ ਸੱਦਣ ਦੀ ਗੱਲ ਆਖੀ ਹੈ।
ਉਨ੍ਹਾਂ ਕਿਹਾ ਕਿ ਬੁੱਧਵਾਰ ਦੁਪਹਿਰ ਦੇ ਸਮੇਂ ਕੁਝ ਅਹਿਮ ਵਿੱਤੀ ਐਲਾਨ ਵੀ ਕੀਤੇ ਜਾ ਸਕਦੇ ਹਨ।
