13.12C Vancouver 13.12C VancouverFeb 7, 2020 11:41 PM -
ਪ੍ਰਧਾਨ ਮੰਤਰੀ ਜਸਟਿਨ ਟਰੂਡੋ, ਨੇ ਖੇਡ ਜਗਤ ਤੋਂ ਕੁਝ 'ਸਟਾਰ ਪਾਵਰ' ਨੂੰ ਕੈਨੇਡਾ ਦੀ, ਸੰਯੁਕਤ ਰਾਸ਼ਟਰ ਸੁਰੱਖਿਆ ਕਾਉਂਸਿਲ 'ਚ ਸੀਟ ਹਾਸਿਲ ਕਰਨ ਦੀ ਮੁਹਿੰਮ ਦਾ ਹਿੱਸਾ ਬਣਾਉਣ ਦੀ ਕੋਸ਼ਿਸ਼ ਕੀਤੀ ਹੈ।
ਟਰੂਡੋ ਇਥੋਪੀਆ ਦੀ ਰਾਜਧਾਨੀ, ਐਡਿਸ ਅਬਾਬਾ ਪਹੁੰਚੇ ਹਨ, ਜਿੱਥੇ ਕਿ ਓਹ ਅਫਰੀਕਨ ਯੂਨੀਅਨ ਦਾ ਇੱਕ ਵੀਕਐਂਡ ਸੈਸ਼ਨ ਅਟੈਂਡ ਕਰ ਰਹੇ ਹਨ।
ਇਸਦੇ ਨਾਲ ਹੀ ਟਰੂਡੋ ਕੋਲ ਇੱਕ ਮੌਕਾ ਹੋਵੇਗਾ, ਜਦ ਓਹ ਜੂਨ 'ਚ ਯੂ.ਐਨ. 'ਚ ਹੋਣ ਵਾਲੀ ਵੋਟਿੰਗ 'ਚ ਹਿੱਸਾ ਲੈਣ ਵਾਲੇ, 54 'ਚੋਂ ਕਈ ਅਫਰੀਕੀ ਲੀਡਰਾਂ ਨੂੰ ਮਿਲ ਸਕਦੇ ਹਨ।
ਕੈਨੇਡਾ ਦੀ ਕਾਮਯਾਬੀ ਇਸਤੇ ਕਾਫੀ ਹੱਦ ਤਕ ਨਿਰਭਰ ਵੀ ਕਰ ਸਕਦੀ ਹੈ। ਟਰੂਡੋ ਦੇ ਨਾਲ 3 ਕੈਬਿਨੇਟ ਮੰਤਰੀਆਂ ਤੋਂ ਅਲਾਵਾ, ਟੋਰੌਂਟੋ ਰੈਪਟਰਸ ਦੇ ਪ੍ਰਧਾਨ, ਮੁਸੁਈ ਯੂਜੀਰੀ ਵੀ ਮੌਜੂਦ ਹਨ।
ਟਰੂਡੋ ਨੇ ਯੂਜੀਰੀ ਨੂੰ ਇਸ ਡੈਲੀਗੇਸ਼ਨ ਦਾ ਹਿੱਸਾ ਬਣਨ ਲਈ ਨਿਓਤਾ ਦਿੱਤਾ ਸੀ।
ਹਾਲਾਂਕਿ ਯੂਜੀਰੀ ਦਾ ਕਹਿਣਾ ਹੈ ਕਿ ਉਨ੍ਹਾਂ ਆਪਣੇ ਕੰਮ ਦੇ ਪ੍ਰਚਾਰ ਲਈ ਉਂਝ ਵੀ ਇਥੇ ਪਹੁੰਚਣਾ ਹੀ ਸੀ।
ਯੂਜੀਰੀ ਦੀ ਫਾਊਂਡੇਸ਼ਨ, ਜਾਇੰਟਸ ਆਫ ਅਫਰੀਕਾ, ਬਾਸਕਿਟਬਾਲ ਆਸਰੇ ਅਫਰੀਕੀ ਯੂਥ ਨੂੰ ਪੜ੍ਹਨ-ਲਿਖਣ 'ਚ ਮਦਦ ਪ੍ਰਦਾਨ ਕਰਦੀ ਹੈ।
